Thread by @r_raktade

#गडपती :
गडकोटांचे अधिपती, राज्यातील गडकोटांवर ज्यांचे आधिपत्य(राज्य) आहे असे महाराज.

#शिवगर्जना

#गजअश्वपती : ज्यांच्याकडे स्वतःच्या मालकीचे हत्ती व घोड्यांचे दल आहे असे महाराज.
(त्याकाळी हत्ती हे वैभवाचं प्रतीक समजलं जायचं, म्हणून गजअश्वपती हा शब्द आपण वैभवसंपन्नतेचे प्रतीक होते असे म्हणता येईल.)

#भूपती_प्रजापती : वास्तविक राज्याभिषेक म्हणजे राज्यकर्त्यांचा भूमीशी झालेला विवाह आहे. म्हणजेच ज्यांनी राज्यातील भूमीचे व प्रजेचा पती हे पद स्वीकारले आहे आणि त्यांचे सर्वथा रक्षण करणे हे ज्या राज्यकर्त्यांचे प्रथम कर्तव्य आहे असे महाराज.

#सुवर्णरत्नश्रीपती : राज्याच्या खजिनातील वेगवेगळे हिरे, माणिक, मोती आणि सुवर्ण(सोने) यावर ज्यांचे आधिपत्य(मालकी) आहे असे महाराज.
(शिवरायांच्या बाबतीत ३२ मण सुवर्णसिंहासनाचे अधिपती.)

#अष्टावधानजागृत : आठही प्रहर जागृत राहून राज्याच्या आठही दिशांवर लक्ष असणारे महाराज.

#अष्टप्रधानवेष्टित : ज्यांच्या पदरी प्रत्येक शास्त्रात निपुण असलेले आठ प्रधान आहेत आणि राज्यकारभारात जे त्यांचा सल्ला घेतात असे महाराज.

#न्यायालंकारमंडित : कर्तव्यकठोर आणि न्यायकठोर राहून सत्याचा व न्यायाच्या बाजूने निकाल देणारे महाराज.

#शस्त्रास्त्रशास्त्रपारंगत : सर्व प्रकारच्या शस्त्रविद्या व शास्त्रात पारंगत(निपुण) असलेले महाराज.

#राजनीतीधुरंधर : आदर्श राज्यकर्त्याप्रमाणे राजकारणाच्या डावपेचांमध्ये(राजनीतीमध्ये) तरबेज असलेले महाराज.

#प्रौढप्रतापपुरंदर : मोठे शौर्य गाजवून ज्यांनी आपल्या पराक्रमाचा ठसा उमटवला असे महाराज.

#क्षत्रियकुलावतंस : क्षत्रिय कुळात जन्म घेऊन त्या कुळातील सर्वात मोठा(अवतंस) पराक्रम गाजवलेले महाराज.

#सिंहासनाधिश्वर : जसा देव्हाऱ्यातील देव(अधिश्वर) असतो तसेच ३२ मण सुवर्णसिंहासनावर शोभून दिसणारे सिंहासनाचे अधिश्वर असे महाराज.

#महाराजाधिराज : विद्यमान सर्व राज्यांमध्ये जो सर्वात मोठा आहे आणि साऱ्या राजांनी ज्यांच्या अधिपत्याखाली राहण्याचे स्वीकारायला हवे असे महाराज.

#राजाशिवछत्रपती : ज्यांच्यावर सुवर्णाची छत्रचामरे ढळत आहेत किंवा प्रजेने छत्र धरून ज्यांना आपला अधिपती म्हणून स्वीकारले आहे किंवा ज्यांच्यावर प्रत्यक्षात नाभनेच छत्र धरले आहे असे छत्रपती शिवाजी महाराज.