Thread by @Lorrykaran

தேர்தல் முடிந்து முடிவுகளும் வந்தாகி விட்டன.
ஊடகங்களில் தலையங்கங்களும் ஆய்வுகளும் படிக்க நேர்ந்தது.

அனைவரும் சொல்லி வைத்தார்ப்போல் ஒரே ஒரு விஷயத்தை முன்னிருத்தி எழுதியிருந்தார்கள்.

எதிர்க்கட்சிகளின் ஒற்றுமையின்மை.

மாநிலக் கட்சிகள் காங்கிரஸுடன் சமரசமாகவோ ஒத்தோ போயிருக்கலாம்.

காங்கிரஸ் கட்சியும் யதார்த்தம் அறிந்து விட்டுக் கொடுத்துப் போயிருக்கலாம்.
மக்கள் நலன் மாநில நலன் என ஒவ்வொரு கட்சிக்கும் ஒவ்வொரு கொள்கையும் ஒவ்வொரு கனவும் உண்டு.
புலிக்கு பயந்தவனெல்லாம் என் மேல படுத்துக்கோ என்பதாகத்தான் காங்கிரஸின் அணுகுமுறை இருந்தது.

மேலும்...

காங்கிரஸ் தான் ஏகோபித்த ரட்சகன் எனும் அர்த்தத்தில் எடுத்துக் கொண்டால் மாநில கட்சிகள் அனைத்தையும் கலைத்துவிட்டு காங்கிரஸில் இணைந்து விடலாமே.

தனித்தன்மையை இழந்து காங்கிரஸுடன் கூட்டுச் சேரும் கட்சிகள் அனைத்தும் காணாமல் போகும் என்பது சாபமல்ல... வரலாறு.

2004 ல் பாஜகவை ஆட்சிக்கு வரவிடாமல் தடுக்கவேண்டும் என்ற ஒரே ஒரு குறிக்கோளுக்காக அனைத்தையும் விட்டுக்கொடுத்து வெளியில் இருந்து ஆதரவளித்த கம்யூனிஸ்டுகள் இன்று வரை வெளியே தான் இருக்கிறார்கள்.. ஒற்றை இலக்க எண்ணிக்கையுடன்.

தேர்தல் முடிவுகள் வரும் முன்பே இந்தியத் தலைவர்களை தேடிச் சந்தித்த நாயுடுகாரு ஒற்றை இலக்கத்தில்.
இப்போது ஆட்சியிலேயே இல்லை

இந்தப் பத்திரிக்கைகள் மீண்டும் மீண்டும் காங்கிரஸை முன்னிருத்தி மாநிலக்கட்சிகளை குறைகூறுவதன் நோக்கம் தான் என்ன ?!!

நேருவைத் தாண்டி இந்திரா மீது பெருமதிப்பு உண்டு எனக்கு.

ஆனால் அதன்பின்னான ராஜீவ் சோனியா ராகுல் பிரியங்கா மீது எவ்வித ஒட்டுதலும் இல்லை..

இந்த இந்திய தேசத்தின் ஜனநாயகம் உயிர்ப்புடன் இருக்க இந்தியக் கட்டமைப்பைப் பற்றி எதுவுமே அறியாத இந்த வாரிசுகள் சந்தேகமேயின்றி துடைத்தெறியப்பட வேண்டியவர்கள்.

இதுநாள் வரை ஜனநாயக முறைப்படி மன்னரைத் தேர்ந்தெடுக்கும் முறையைத்தான் காங்கிரஸ் செய்து கொண்டு வருகிறது.

பாடப்புத்தகங்களில் நேரு மாமாவாக இருக்கிறார்.

வரலாற்றில் நேதாஜி தேடப்படும் குற்றவாளியாக அறியப்படுகிறார்.

அஹிம்சையோ ஆயுதமோ சுதந்திரம் தான் இலக்கு எனப் போராடிய பல உணமையான வீரர்களின் தியாகங்கள் கவனமாக மறைக்கப்பட்டு ஒரு சிலரின் பெயர்களே வரலாற்றில் முன்னிலைப்படுத்தப்பட்ட அவலத்தனத்தை அரங்கேற்றிய கட்சி தான் காங்கிரஸ்.

ஊர் ஊருக்கு நேருவும் இந்திராவும் ராஜீவும் சிலைகளாகவும் அரங்கங்களாகவும் பட்டயங்களாகவும் வலம் வருகின்றனரே... (ஏதோ காந்தி கரன்சியில்.முந்திக் கொண்டு விட்டார்.)

மொத்தத்தில்...

CONGRESS MUST DIE எனும் யோகேந்திர யாதவின் கூற்று முற்றிலும் உண்மையே !!