Thread by @_VSriram

ஆர்எஸ்எஸ் இயக்கம் "பிரிட்டிஷ் கையாள், தேசியக் கொடியை ஏற்காத இயக்கம்; அதில் யாராவது சிறை சென்றனரா?"

வரலாறு என்ன சொல்கிறது?

https://twitter.com/NChozhan/status/1145694482135801856

ஆர்எஸ்எஸ் நிறுவனர் கேசவ் பலிராம் ஹெட்கேவார் காங்கிரஸ் இயக்கத்தில் இருந்த தீவிர சுதந்திரப் போராட்ட வீரர். நாக்பூர் காங்கிரஸ் செயலாளராகத் துடிப்புடன் செயல்பட்டவர்.

1920 நாக்பூர் காங்கிரஸ் மாநாட்டின் ஒருங்கிணைப்பாளர். அதுவரை காங்கிரஸ் "பிரிட்டிஷ் ஏகாதிபத்தியத்தின் கீழ் சுயாட்சி"

.. என்ற லட்சியம் மட்டுமே கொண்டிருந்தது. முதன்முதலில், "பூரண சுதந்திரமே லட்சியம்" என்ற தீர்மானத்தை அந்த மாநாட்டில் கொண்டு வந்தது அவர் தான். (பெருவாரியான காங்கிரஸ் தலைவர்கள் ஏற்காததால் தீர்மானம் தோல்வியுற்றது. 9 வருடங்கள் கழித்து, லாகூர் மாநாட்டில் தான் அதனை ஏற்றது.)

1921 மகாத்மா காந்தி துவங்கிய ஒத்துழையாமை இயக்கத்தில் தீவிரமாக ஈடுபட்டார். ஒரு வருடம் அவர் எங்கும் உரையாற்றக் கூடாது என்று பிரிட்டிஷ் கலெக்டர் தடைவிதித்தார். 19/8/1921 முதல் 12/7/1922 (சுமார் 1 வருடம்) வரை கடுங்காவல் தண்டனை அனுபவித்தார்.

அவர் விடுதலையாகி வரும் போது அவரை வரவேற்றவர்கள் மோதிலால் நேரு, ஹகீம் அஜ்மல் கான் முதலிய காங்கிரஸ் பெருந்தலைவர்கள்.

1925 விஜயதசமி அன்று ஆர்எஸ்எஸ் இயக்கம் துவங்கப்பட்டது. சாதி, மத, இன வேற்றுமை உணர்வுகளே நாம் அடிமைப்படக் காரணம்; இதைக் களைய வேண்டும் என்பதே நோக்கம்.

ஆர்எஸ்எஸ் இயக்கத்தினர் காங்கிரஸிலும் தொடர்ந்தனர். காங்கிரஸ் அறிவிக்கும் போராட்டங்களில் ஆர்எஸ்எஸ் தொண்டர்கள் காங்கிரஸ்காரர்களாகவே கலந்து கொள்ள ஹெட்கேவார் ஊக்குவித்தார்.

ஜனவரி 26, 1930 சுதந்திர தினமாகக் காங்கிரஸ் அறிவித்தது. ஆர்எஸ்எஸ்ஸின் அனைத்து ஷாகாக்களிலும் தொண்டர்கள் மாலை 6 மணிக்கு தேசியக் கொடி ஏற்றி, மக்கள் மத்தியில் உரையாற்றினர்.

1930ல் மகாத்மா காந்தி சத்தியாகிரகம் அறிவித்தார். அதன் பொருட்டு, யோத்மாலில் சத்தியாகிரகம் செய்த ஹெட்கேவார், 21/7/1931 கைதாகி, 9 மாதம் அகோலாவில் கடுஞ்சிறைவாசம் அனுபவித்தார். அவருடன் 100கணக்கான ஸ்வயம்சேவகர்கள் சிறைப்பட்டிருந்தனர்.

ஜூலை 1932 பிரிட்டிஷ் அரசுக் குறிப்பு, "நாக்பூரில் ஆர்எஸ்எஸ் இயக்கத்தின் வளர்ச்சி கவலைக்குரியது. அதன் தலைவர்கள் அரசுக்கு எதிரான கிளர்ச்சியில் ஈடுபடுபவர்கள்" என்றது.

டாக்டர் ஹெட்கேவார், போலிஸ் துணை சூப்பிரண்டு ஜான் ஸாண்டர்ஸைச் சுட்டுக் கொன்ற வீரர் சிவராம் ராஜகுருவுக்கு, அவரது தலைமறைவு வாழ்க்கையில் அனைத்து உதவிகளையும் செய்தவர்.

1942 "வெள்ளையனே வெளியேறு" இயக்கத்தை விதர்பாவில் ஆர்எஸ்எஸ் தலைவர்கள் தாதா நாயக், பாபுராவ் பெகடே, அன்னாஜி ஆகியோர் முன்னின்று நடத்தினர்.

பாலாஜி ராய்புர்கர் என்ற ஸ்வயம்சேவகர் தேசியக் கொடி ஏற்றும் போது அரசால் சுட்டுக் கொல்லப்பட்டார்.

ஆகஸ்ட் 11, 1942 பாட்னாவில் 6 இளைஞர்கள் தலைமைச் செயலகத்தில் தேசியக் கொடி ஏற்ற முயன்ற போது சுட்டுக் கொல்லப் பட்டனர். அவர்களில் தேவிபட் சவுத்ரி, ஜகத்பதி குமார் என்ற இருவரும் ஸ்வயம்சேவகர்கள்.

போராட்டத்தின் போது காங்கிரஸ் தலைவர்கள் பாதுகாப்பாக மறைந்து கொள்ள ஆர்எஸ்எஸ் தலைவர்கள் உதவினர். திருமதி அருணா அசஃப் அலி, லாலா ஹன்ஸ்ராஜ் என்ற ஆர்எஸ்எஸ் பொறுப்பாளர் வீட்டில் 10-15 நாட்கள் ஒளிந்திருந்தார்.

இன்றளவும், பேரிடர் காலங்களில் அமைதியாக, ஆர்ப்பாட்டம் ஏதுமின்றி, நேர்த்தியாக நிவாரணப் பணிகளில் ஆர்எஸ்எஸ் ஈடுபடுகின்றது. 2004 சுனாமியில் நாட்டின் அனைத்துப் பகுதிகளிலும் இருந்து அவர்கள் களப்பணி ஆற்றினர்.

ஆம்.
1) ஆர்எஸ்எஸ் விடுதலைப் போராட்டத்தில் முழுமையாக, உத்வேகத்துடன் ஈடுபட்ட இயக்கம்.
2) தேசியக் கொடியை வணங்கி ஏற்ற இயக்கம்.
3) பிரிட்டிஷ் அரசை எதிர்த்துப் பல உயிர்த் தியாகங்கள் கண்ட இயக்கம்.

ஜஸ்டிஸ் கட்சி, திராவிடர் கழகம், ஈவெரா போன்றோரே பிரிட்டிஷ் பூட்ஸ் நக்கிகள். '80களில் இந்திய அரசியலமைப்புச் சட்டத்தை எரிக்கிறேன் என்று போராட்டம் நடத்தியது கருணாநிதி. (கைதாகும் சமயம், வெறும் காகிதத்தைத் தான் எரித்தோம் என்று ஜகா வாங்கிய சூராதி சூரர்.)

4/8/1940 திருவாரூரில் ஈவெரா தலைமையில் நடைபெற்ற ஜஸ்டிஸ் கட்சி மாநாட்டில், "சென்னை மாகாணம், பிரிட்டிஷ் இந்திய மந்திரியின் நேர்ப்பார்வைக்கு உட்பட்ட பகுதியாக இருக்க வேண்டும்" என்ற தீர்மானம் நிறைவேற்றப்பட்டது.

ஆகஸ்ட் 15ஐ திராவிடர் கழகம் துக்கநாளாக அனுசரிக்கும் என்று ஈவெரா "விடுதலை"யில் அறிக்கை வெளியிட்டார்.

இப்போது சொல்லுங்கள்: யார் வீரர்? யார் பிரிட்டிஷ் பூட்ஸ் நக்கி?