,
13 tweets,
3 min read
Read on Twitter
सांगलीत गेल्यावर तिथली परिस्थिती पाहिल्यावर आता या पुढे सांगली-कोल्हापूर मध्ये काय हवं ? काय नको? मदतीचं स्वरूप कसं असावं? याबद्दल माझी मतं लिहितोय. तुमचीही मतं या धाग्याखाली मांडा.
आता पूरग्रस्त क्षेत्रात अन्नाचा पुरवठा मुबलक प्रमाणात व सुरळीत होतोय.
आपलं प्राधान्य आता👇👇👇👇
आता पूरग्रस्त क्षेत्रात अन्नाचा पुरवठा मुबलक प्रमाणात व सुरळीत होतोय.
आपलं प्राधान्य आता👇👇👇👇
अन्न-धान्य, डाळी, कडधान्ये हे तेथील सेवाभावी संस्थांना देण्यात यावं. त्याचे उत्तम जेवण बनवून ते पुरग्रस्तांना रोजचं पोहोचवत आहेत. त्यामुळे आपोआपच जेवणाचा प्रश्न सुटतोय. पुढे महत्वाचं पिण्याचे पाणी. अजूनही लोकांना पिण्याच्या पाण्याचा प्रश्न आहे त्यामुळे त्यावर भर द्यावा.
पाण्याची खरी गरज आता शाळेत वास्तव्यास आणलेल्या लोकांना नसून पूर ओसरताच घरी गेलेल्या साफसफाईत दंग असलेल्या लोकांना आहे. त्यांच्या घरापर्यंत पोहोचून त्यांची मदत करणं आणि त्यांना पिण्याचं पाणी पोहचवणे आवश्यक आहे. मदतीसाठी येणाऱ्या साहित्य, अन्न धान्य, खाऊ घेऊन येणाऱ्या लोकांनी आधीच
पूर्ण माहिती घेऊन तुमचं साहित्य नेमकं कुठे द्यायचं आहे. त्याची खरी गरज कुठे आहे. याची शहानिशा निघतानाच करावी. पूर ओसरतोय तसं मेलेली जनावरे आता परिसरात दिसू लागली. त्याची दुर्गंधी पसरू लागली आहे. रोगराईला निमंत्रण इथूनच मिळतंय. ह्या जनावरांची विल्हेवाट लावण्यासाठी आपण आपल्या
ओळखीतल्या कंत्राटदारांच्या, अथवा शासकीय जेसीबीच्या साह्याने तात्काळ खड्डे करून या जनावरांची विल्हेवाट लावावी. पुण्यातील बहुतांशी मोठे बांधकाम व्यावसायिक हे पश्चिम महाराष्ट्रातले आहेत. त्यांनी ह्यास सहकार्य करावे. त्यांनी ह्यास हातभार लावल्यास हे अवघड काम सोपे होईल, मोठी मदत होईल.
काही ठिकाणी शाळांची अवस्था बिकट झाली आहे. आपण आपले ऑफिस,मंडळ, कॉलेज, ग्रुप एकत्र करून एक एक शाळा निवडून त्या स्वच्छ करण्याची जबाबदारी घेऊ शकता किंवा मग शाळेला नवीन साहित्य प्रदान करू शकता. विद्यार्थ्यांना गणवेश, पुस्तक, वह्या, दप्तरे, डबे, वॉटरबॅग देऊ शकता.
ही मोठी मदत होईल.
ही मोठी मदत होईल.
लोक घरी परतत आहेत तसे नवे प्रश्न उदभवत आहेत. गॅसची शेगडी गाळाने माखली आहे. घरातली विद्युत व्यवस्था पाण्याच्या प्रवाहाने वाहून गेलीये. आपण आपल्या सोबत गॅस रिपेअर करणारे आणि वायरमन असे लोक घेऊन जाऊ शकता. त्यांच्या सोबतीने तुम्हीसुद्धा त्यांना हातभार लावून मदत करू शकता.
अनेक ठिकाणी पुलाला तडे गेले आहेत, रस्ते वाहून गेले आहेत. याठिकाणी आपण सूचना फलक लावू शकता. पूर ओसरल्यावर शासकीय अधिकाऱ्यांना तात्काळ सर्व पुलांचे ऑडिट तसेच दुरुस्तीचे काम हाती घेण्यास निवेदने देऊ शकता. विनंती करू शकता. ही सुद्धा मोठी मदत आहे.
स्वछतेचे महत्व पटवून देऊन रोगराईला आळा घालण्यासाठी काय करावे याची माहिती पत्रके छापून. परिसरात स्वछता मोहीम राबवून ती पत्रके लोकांच्या घरपोच करावी. यातून ते साफसफाईचे महत्व जाणतील शिवाय त्यांनी जाणलेलं स्वच्छतेचं महत्व रोगराईला आळा बसवेल.
मेडिकलचे विद्यार्थी अथवा डॉ. वर्ग आपणही गावा-गावात जाऊन लोकांची तपासणी करून त्यांची काळजी घेऊ शकता. त्यांना मास्क वाटावे. डेटॉल, फिनेल, सॅनिटायजर्सचा वापर याबाबत त्यांच्या मनात जनजागृती करावी. साठलेल्या पाण्याला प्रवाह निर्माण करून द्यावा.डेंग्यू बद्दलही जनजागृती करावी.
मदतीचा प्रवाह सध्या वाढतोय पुढे जाऊन त्यात खंड पडणार आहे. त्यामुळे घाई गडबड न करता पुढचे १,२ महिने हे काम चालू ठेवण्याची जबाबदारी आपल्या सर्वांची आहे. त्यामुळे पुढील एक-दोन महिन्यांच्या परिस्थितीबाबत लोकांना जागृत करून ही मदत, स्वरूप आणि कालखंड याबद्दल सूचित करणे गरजेचे आहे.
येत्या काळात या भागात सरकार पंचनामे करेल. पंचनामे करताना कोणावरही अन्याय होणार नाही. यासाठी सर्वपक्षीय कार्यकर्ते आणि नागरिक यांनी एकत्रित काम करून पंचनामे व्यवस्थित करून घ्यावेत. कोणाचंही नुकसान होणार नाही याची काळजी घ्यावी. याबाबत सर्वमाहिती पूरग्रस्तांना समजावून सांगावी.
यापरिसरात जात असताना आपल्यामुळे कोणालाही त्रास होणार नाही याची काळजी घ्यावी. टोलनाक्यावर मदतीसाठी जाणाऱ्या वाहनांवर कर आकारला जाऊ नये. यासाठी टोलनाक्यावरील कर्मचाऱ्यांशी सौम्यपणे संवाद साधा.
इतरांनाही यासर्व मदतकार्यासाठी प्रोत्साहित करा. #धन्यवाद
इतरांनाही यासर्व मदतकार्यासाठी प्रोत्साहित करा. #धन्यवाद
