Thread by @madelkagun

எம்.ஜி.ஆர் கூடத் துணியாத, தயங்கிய செயலைத் தமிழகத்தில் செய்யத் துணிந்து விட்டார் ரஜினி... சோசியல் மீடியா, பிரிண்டிங் மீடியா, காட்சி ஊடகம் என ஒட்டுமொத்த மீடியாவும் அலறுகிறது... /1

திமுகவில் இருந்த காலத்திலேயே இந்த கருஞ்சட்டை கூட்டத்தில் ஒட்டியும் ஒட்டாமலும்தான் தனது அரசியலை முன்னெடுத்தார் எம்.ஜி.ஆர். பெரியாரையும் திமுக, திகவின் இந்து மத எதிர்ப்பு அராஜக செயல்களையும் பெரியளவில் எதிர்க்காமல் இலைமறைக் காயாகவே தனது இறை நம்பிக்கையை நிறுவினார். /2

காரணம், தமிழகத்தின் அடியாழம் வரை பாய்ந்திருந்த இவர்களின் வேர் அப்படி.
நடு நடுவே எதிர்த்துப் பேசிய ஒரு சிலரும் காவி நிறம் பூசப்பட்டு, பார்ப்பனீயம் என்ற முத்திரை குத்தி ஒதுக்கப்பட்டனர். 'சோ' எனும் சாணக்கிய சிங்கம் அப்படித்தான் ஒதுக்கப்பட்டது. /3

இன்றோ, தாங்கள் அப்படிச் செய்யவே இல்லையென பம்முகிறார்கள் கருஞ்சட்டைகள். பொய் என்றார்கள், ஆதாரம் குவிந்தது. மன்னிப்பு கேட்க வேண்டும் என்றார்கள், எதிர்பாராத அதிர்ச்சியாக 'முடியாது' என பதில் வருகிறது. அதை விட முக்கியம், தமிழகம் இதை இருகரம் கூப்பி வரவேற்கிறது. /4

அன்று குரல் கொடுக்க முடியாத பலர் இன்று காலத்தின் சாட்சியாக ஒவ்வொருவராக வெளிவருகிறார்கள். சன் டிவியே தாங்கள் ரஜினியுடன் இருக்கிறோம் எனக்கூறி ட்வீட் போடுகிறார்கள்.

அத்தனையும் தமிழகத்திற்கு புதிது. /5

இதுநாள் வரை இது திராவிட நாடு என முழங்கியவர்கள் இன்று எதைத் தின்றால் பித்தம் தெளியும் என அலைந்து கொண்டிருக்கிறார்கள்.
போராட்டம், மிரட்டல், கட்டப்பஞ்சாயத்து என்றே பழகியவர்கள் இன்று சட்டப்படி கோர்ட்டுக்கு போவேன் என விம்மல் வெளியில் தெரியாமல் அறிவிக்கிறார்கள். /6

உடனே அதிரடியாக, 'ரஜினிக்கு ஆதரவாக சட்டப்படி எதிர்கொள்ளத்தயார்' என சுப்ரமணிய சுவாமி களமிறங்குகின்றார். அவரிடம் சட்டப்படி மல்லுக்கட்டினால் எழுபதாண்டு கால மொத்தத் தேரையும் இழுத்துத் தெருவில் விட்டுவிடுவார் என்பதை திராவிட கும்பல் நன்கு அறிவர். /7

தனது முதற் போர்முரசைக் கொட்டி, தமிழகத்தில் புது ரத்தம் பாய்ச்சியிருக்கிறார் ரஜினி. 'அவர் பேசியது வெறும் 3, 4 வரிகள்தான், இதற்கே இப்படி. இன்னும் கட்சி, அறிவிப்பு, தேர்தல், பிரச்சாரம் என நிறைய இருக்கிறது, காத்திரு பகையே' என ரஜினி ரசிகர்கள் கொக்கரிக்கிறார்கள். /8

எல்லா மதத்திற்கும் பொதுவான, எல்லா நம்பிக்கைகளையும் மதிக்கின்ற, நேர்மையான, ஊழலற்ற, CASTE-NEUTRAL லீடர் ஒருவர் தமிழகத்தில் வருவார் என்பதையே கற்பனையிலும் நினைத்துப் பார்க்க முடியாத நிலையில்தான் தமிழகத்தை வைத்திருந்தனர். இன்று அது நிஜத்தில் அரங்கேறுகிறது. /9

'ஆமாம்டா, நான் ஆன்மிகவாதிதான், நான் முன்னெடுப்பது நேர்மையான ஆன்மிக அரசியல்தான், இனிமேல் இங்கே இப்படித்தான்' எனத் 'தாழ்மையோடு' மாநிலம் அதிர முழங்குகிறார் ரஜினி.

இனிதே ஆரம்பம்🤘🏽

#மன்னிப்பு_கேட்க_முடியாது 😉
#IStandWithRAJINIKANTH

@Satheesh_2017 @roamingraman @VisheshBaansall @HLKodo @SVESHEKHER