Thread by @Am_here_DURGA

थ्रेड.....

कस्तुरबा रुग्णालय, मुंबई

कोरोना व्हायरसच्या मुंबई आगमनाने कस्तुरबा रुग्णालयचं नाव पुन्हा एकदा चर्चेत आलंय. मुंबईत संसर्गजन्य वा साथीचे रोग जेव्हा-जेव्हा थैमान घालतात; तेव्हा कस्तुरबा रुग्णालय रुग्णांच्या सेवेला तत्परतेने धावून जातं.

#म
१/८
👇

मुंबई महानगरपालिकेचं कस्तुरबा रुग्णालय म्हणजे मुंबईतील ब्रिटिशकालीन जुन्या रुग्णालयांपैकी एक नामवंत रुग्णालय आहे. चिंचपोकळी व महालक्ष्मी रेल्वे स्थानकांपासून जवळच असलेल्या सात रस्ता भागात हे रुग्णालय उभं आहे.

#म
२/८
👇

कस्तुरबा रुग्णालयाच्या समोरच आर्थर रोड कारागृह, धोबीघाट (मुन्नाभाई एमबीबीएस मधील लोकेशन) व १४४ टेनामेंट (दगडी चाळी सारखाच गुंड अश्विन नाईकचा अड्डा) अशी नामीगिरामी ठिकाणं आहेत. इतकं जवळ असूनही, आर्थर रोड जेलमधील आजारी कैदी इथे न आणता दूरच्या जे.जे.रुग्णालयात नेले जातात.

#म
३/८
👇

कस्तुरबा रुग्णालय म्हणजे दहा कौलारु बैठ्या इमारतींचा एक समूह आहे. हे रुग्णालय प्रामुख्याने काविळीवरील रामबाण उपचारांसाठी महाराष्ट्रभर प्रसिद्ध आहे. हो, महाराष्ट्रातील कानाकोपऱ्यातून इथे काविळीवरील औषध घेण्यासाठी लोक येतात. माझाही एक अनुभव या रुग्णालयाशी निगडीत आहे.

#म
४/८
👇

आजुबाजूला सिमेंटचं जंगल आणि बरोब्बर मधोमध निसर्गाने संपन्न अशा कस्तुरबा रुग्णालयाच्या इमारती आहेत. नानाविध वृक्षांनी वेढलेल्या या संपूर्ण परिसरात जैवविविधतेच्या असंख्य जाती, प्रजाती पाहायला मिळतात. झाडांवरुन तुरुतुरु पळणाऱ्या खारु ताया बघून बाल पेशंट खूप खुश होतात.

#म
५/८
👇

अतिशय अल्प दरात, उत्कृष्ट वैद्यकीय सेवा कस्तुरबा रुग्णालयात मिळते. जनरल ते आयसीयु आणि आता आयसोलेशन, असे सगळे वाॅर्ड निसर्गाच्या कुशीत वसले आहेत. मुंबईकर भरत असलेल्या कररुपी पैशात भारतातीलच नव्हे तर अगदी नेपाळी नागरिकही इथल्या आरोग्य सेवेचा लाभ घेतात.

#म
६/८
👇

मुंबईच्या मध्यभागी वसलेल्या कस्तुरबा रुग्णालयात, साथीच्या रोग कालावधीत विशेषतः पावसाळ्यात पाऊल ठेवायलाही जागा नसते. मुंबई महानगरपालिकेच्या उत्कृष्ट आरोग्य सेवेचा लाभ मात्र मूळ मुंबईकर कधीच घेत नाही. कारण अर्थातच परप्रांतीयांची तुडुंब गर्दी!
#म
७/८
👇

असो......कोरोना मुंबईतून निघेपर्यंत कस्तुरबा रुग्णालयाचं नाव सगळ्यांच्या सतत कानी पडेल. म्हणून या ऐतिहासिक रुग्णालयाची करुन दिलेली ही अल्पशी ओळख!😊

#म
८/८
समाप्त🙏