Thread by @RealAjayIngole

आज प्रवासात बस मध्ये एक आजीबाई शेजारी बसल्या. 😷 लावून होत्या आणि मी पण. इकडे कामानिमित्त आले होते, कुठे चालला असे प्रश्न विचारत होत्या. संवाद सुरू झाला. मग त्यांनी त्यांच्या घरातील सर्वच सदस्यांची स्वतःसहित शिक्षण आणि व्यवसाय सांगितले. मला विचारलं तू काय करतोयस?
(1/7)

म्हटल, काही नाही. त्यांच्या एकंदरीत बोलण्यावरून त्यांनी जिओच रिचार्ज केल्या सारखं वाटतं होत. मला प्रश्न विचारून पण बोलू देत नव्हत्या त्यांचंच चालू होत.
आजच्या मुली अशा, मुलं तसे!
म्हटल, ह्यात दोष कुणाचा आहे? तर म्हणे घरच्यांचा. म्हटल, आजीबाई त्या मुलामुलींना
(2/7)

आईवडिलांजवळ बसून बोलायला वेळ तर भेटला पाहिजे! सकाळ झाली की ट्युशन, घरी आल, थोड खाल्ल की शाळा/कॉलेज, परत आलं की पुन्हा ट्युशन. घरी येऊन अभ्यास/होमवर्क झालं की जेवण आणि झोप मग पुन्हा तेच. यात चूक घरच्यांची कशी? हा घोळ तर सगळा शिक्षण व्यवस्थेचा आहे.
(3/7)

आधी ही शिक्षण व्यवस्था बदलली पाहिजे.
म्हणे शिक्षणाशिवाय दुसरा पर्याय आहे का? मी म्हटल हो, शाळा कॉलेजच्या शिक्षणा वैतीरिक्त शिक्षण घेऊन सुद्धा आपण बरच काही करू शकतो. तर आजीबाई म्हणाल्या मी म्याट्रिक आहे म्हणे. मला नको शिकवू. तू किती शिकला तर म्हटल सेकंड इअर नंतर कॉलेज सोडल.
(4/7)

तर म्हणे, मग तू जीवनात काहीच करू शकत नाही. आणि मी हसून म्हणालो, शेती करायला पण ग्रॅज्युएशन करावच लागत का? तर म्हणे केलं तरच तू चांगली शेती करू शकतोस.
एवढा किस्सा सांगायचं कारण एवढच की, मेकॉले च्या शिक्षण व्यवस्थेमुळे आपण एवढे गुरफटून बसलो आहोत की आपली अशी अवस्था झाली आहे.
(5/7)

फक्त दीड दिवस शाळा शिकलेल्या अण्णाभाऊ साठे यांनी जे साहित्य लिहल ते जगातल्या विविध भाषेत भाषांतरित झालं. धीरूभाई अंबानी, स्टीव जॉब्स, बिल गेट्स, मार्क झुकरबर्ग, रितेश अगरवाल (OYO) असे कित्येक कॉलेज ड्रॉप आऊट आहेत जे आज सक्सेस आहे. फक्त गरज आहे ती दिशा, जिद्द आणि चिकाटीची.
(6/7)

एवढं सांगून सुद्धा म्हातारी काही ऐकेना भाऊ... उलट मलाच म्हणे "जा खड्ड्यात...!" 😂😂🙆🏻‍♂️🤦🏻‍♂️😁
(7/7)

@threadreaderapp unroll