మోడీ గారి స్పీచ్ మీద ఒక డాక్టర్ గారి స్పందన :)
ఇప్పుడే మన ప్రధానమంత్రి శ్రీ నరేంద్ర మోడీ ప్రసంగం విన్నాను. సుస్పష్టమైన, విధానపరమైన నిర్ణయాన్ని ప్రకటిస్తూనే దాన్ని ఒక అభ్యర్ధనగా మలిచాడు చూడండీ...అదీ మోడీ అంటే!
ఇప్పుడే మన ప్రధానమంత్రి శ్రీ నరేంద్ర మోడీ ప్రసంగం విన్నాను. సుస్పష్టమైన, విధానపరమైన నిర్ణయాన్ని ప్రకటిస్తూనే దాన్ని ఒక అభ్యర్ధనగా మలిచాడు చూడండీ...అదీ మోడీ అంటే!
తీసుకోవలసిన జాగ్రత్తలు, పాటించవలసిన ఆరోగ్యసూత్రాలు అందరూ చెబుతున్నారు. తప్పకుండా చెయ్యాలి. కానీ దేశ ఆర్ధికస్థితిని సైతం వణికించబోయే ఒక నిర్ణయాన్ని ప్రకటించవలసింది మాత్రం ఒక నాయకుడే కదా?
ముఖ్యంగా దేశపౌరులందరికీ ఒక విజ్ఞాపన చేసుకున్న విధానం, సహకారం కోరిన పద్ధతి మాత్రం చాలా అద్భుతంగా ఉంది.
ఆదివారం సాయంత్రం ఐదుగంటలకు దేశమంతా ముక్తకంఠంతో ఐదు నిముషాలపాటు వైద్యులు, ఇతర వైద్యసిబ్బంది, రక్షణ, మీడియా మరియు ఇతర అత్యవసర సేవా విభాగాల వారికి కృతజ్ఞతలు తెలుపవలసిందిగా కోరారు
ఆదివారం సాయంత్రం ఐదుగంటలకు దేశమంతా ముక్తకంఠంతో ఐదు నిముషాలపాటు వైద్యులు, ఇతర వైద్యసిబ్బంది, రక్షణ, మీడియా మరియు ఇతర అత్యవసర సేవా విభాగాల వారికి కృతజ్ఞతలు తెలుపవలసిందిగా కోరారు
కరతాళ ధ్వనులతో, సైరన్లు మోగిస్తూ, సెల్యూట్ చేస్తూ మనందరం వారికి సర్వదా రుణపడి ఉన్నామని భావప్రకటన చెయ్యమని వేడుకోవడం మాత్రం నిజంగా మహాద్భుతం.
ఆ క్షణం నాకు కళ్లు రెండూ సజలాలయ్యాయి.
ఆ క్షణం నాకు కళ్లు రెండూ సజలాలయ్యాయి.
పొద్దున్న లేస్తే మా హాస్పిటల్‌లో వందలాదిమంది రోగులు, వారి కష్టాలు, బాగోగులు చూస్తూ, అవసరమైన వారికి శస్త్రచికిత్సలు చేస్తూ, నిరంతరం పురుళ్లు పోస్తూ గడచిన ఇరవైరెండేళ్లుగా సేవలందిస్తున్న నాకు ఈరోజు మొట్టమొదటి సారిగా చాలా గర్వంగా అనిపించింది.
ఇప్పటివరకూ నేనందుకున్న ప్రశంసలు, పత్రాలు, అభినందనలు అన్నీ ఒకెత్తు. ఈరోజు మోడీ చేసిన ఈ విన్నపం ఒకెత్తు.
అత్యవసరమైతేనే హాస్పిటల్‌లో అడుగుపెట్టమంటూ విన్నపం చేశాడు. మాకు తప్పదు. అది నిరంతర యుద్ధం. దాదాపుగా అన్నీ అత్యవసరాలే!
అందుకేనేమో... నేనింతలా కదిలిపోయింది!
అత్యవసరమైతేనే హాస్పిటల్‌లో అడుగుపెట్టమంటూ విన్నపం చేశాడు. మాకు తప్పదు. అది నిరంతర యుద్ధం. దాదాపుగా అన్నీ అత్యవసరాలే!
అందుకేనేమో... నేనింతలా కదిలిపోయింది!
ఎవరెవరినో తాకుతాం. పరీక్షిస్తాం. వారి శరీరం నుంచి వచ్చే చీమూనెత్తురులు, మలమూత్రాలు సైతం తగిలే ప్రమాదాలు సైతం నిత్యం పొంచివున్న మాకు, మా క్రింది ఉద్యోగులకు కూడా ఇది కష్టకాలం. అయినా గర్వంగా పనిచేస్తాం.
తగిన జాగ్రత్తలు తీసుకుంటూ, పదిమందిని కాపాడామన్న ఆత్మసంతృప్తితో తలెత్తుకు జీవిస్తాం!
దేశమంతా ఎందరో వైద్యులు అహోరాత్రాలు శ్రమిస్తూ సేవలందిస్తూ ప్రజాసంక్షేమంలో పాలుపంచుకుంటున్నారు.
దేశమంతా ఎందరో వైద్యులు అహోరాత్రాలు శ్రమిస్తూ సేవలందిస్తూ ప్రజాసంక్షేమంలో పాలుపంచుకుంటున్నారు.
మనకు ఇది పరీక్షాకాలం. అయినా ధైర్యంగా నిలబడదాం.
జైహింద్! జై భారత్! జై మోడీ!
......జగదీశ్ కొచ్చెర్లకోట
జైహింద్! జై భారత్! జై మోడీ!
......జగదీశ్ కొచ్చెర్లకోట
