Dipakeng tseo ho senang metsi teng, lefapaha la rona la metsi le a leka hore re fihlise metsi dibakeng tseo batho bao ba leng teng.
Re kena sebakeng se seng jwale sa matsatsi ana a mang a latelang mo re batlang hore re ntshe batho ba fihlang 10 000, ba tsamaya hohle, ba kene dintlong tsa batho hore ba etse ntho ena e re e bitsang test. Ba ke ba leke ho bona hore ke bafeng batho ba kenweng ke bolwetse bona.
Ha re fumana hore ho na le batho ba kenweng ke bolwetse bona, re tla batla hore ba bewe dibakeng tse itseng ho etsatsa eng? Hore bolwetsi bona re etse hore bo be contained. Bo ska tsamaya hohlehohle mona ba kena batho ba bang.
Re leka hore re etse tjena, hore re tshidise batho ba haeso. Ntho e nngwe e entseng bothata ho rona ke hore bolwetsi bona kannete, ho ekhonomi ya lefatshe la haeso, bo tlo e isa fatshe. Ekhonomi ya rona re a tseba he e ne e ntse e sa tsamaye ka tsela e tshwanetseng.
Batho ba bangata ha ba na metsebetsi, jwale bolwetsi bona kannete, bo tlo etsa hore ekhonomi ya rona kannete e theohe le ho feta. Empa re tlo leka tsela tsohle hore ekhonomi ya rona re e lokise, re e emise ka tsela e tshwanetseng. Re tla leka ka tsela tsohle.
Ha ntse re ya pele, re fumana hore kannete, batho ba bangata ba haeso, ba bona hore bolwetsi bona ba Coronavirus, kannete bo tlisitse bothata bo boholo. Ba tla ho rona ba re, presidente re ka thusa ka tsela efeng na?
Ba bang ba bona ba re, roma rona re tla inehela nako re lo thusa. Ba bang ba bona ba re, ho na le tseo tse re ka di rekang, re di tlise mmusong hore mmuso o di sebedise ho tshwana le dimasks le dintho tsena tsa ho thesta.
Ba bang, ba ntsha tjhelete, ba tshwanang le lelapa la ha Mostepe, ba ntshitse tjhelete e lekanang le 1 bilione ya diranta (R1 000 000). Ba bang ba tshwanang le khamphane ya Nasperse e ntshitse 1.5 bilione ya diranta (R1 500 000).
Ho na le ba bang ba ntseng ba re founela ba batlang ho ntsha ditekenyana tse ba nang le tsona. Ba bang ba kenya di R100 ba bang ba kenya di R1000. Ba bang ba ntse ba kenya tjhelete e ka hodimonyana. Re re re amohela thuso tsohle tse batho ba ka ditlisang ka hobane sena, kannete,
e tlamehileng hore e be ntho eo re e sebetsang kaofela ha rona re le setjhaba. Re a ba leboha batho bano ba lekang ho thusa. Ke batla ho leboha le bano ba ntseng ba sebetsa, manese a rona, dingaka tsa rona, masole le mapolesa a rona le disocial worker tsa rona.
Le bao ba 18 000 bao re ba ntshitseng, ba security ba mapolesa le masole. Re a ba leboha ho mosebetsi ona oo ba ntseng ba o etsa bosiu le motsheare. Bao ba masole le mapolesa re ba jweditse hore ho ntho tsohle tse ba di etsang, ba leke hore ba sebetse ka tsela ya molao.
Ba ska etsa eng le eng e kantle ho molao. Ba ska lematsa batho ba haeso, ba sebetse hantle le batho ba haeso. Ba ba tataise, ba ba thuse ka tsena e tshwanetseng.
• • •
Missing some Tweet in this thread? You can try to
force a refresh
