Thread by @jkhere4all

സ്പ്രിങ്ക്ളർ എനിക്ക് മനസ്സിലായത്. #ത്രെഡ്

ഈ ത്രെഡിൽ ഉടനീളം(നീളമുണ്ട്‌) ആപ്പ് എന്നു പറയുന്നത് ഒരു വെബ് അപ്പിക്കേഷൻ(web app) എന്ന് വായിക്കേണ്ടതാണ്. ഫോണിൽ ഇൻസ്റ്റാൾ ചെയ്യുന്ന ആപ്പുമായി ഇതിനെ തെറ്റിദ്ധരിക്കരുത്. ഇപ്പോൾ സർക്കാർ വെബ്‌ആപ്പ് വെച്ച് മാത്രമാണ് ഡാറ്റ കളക്ഷന്.

മിക്ക മോഡേൺ ആപ്പിപോലെയും ഡാറ്റ AWS- ആമസോൺ ക്‌ളൗഡ്‌ ആണ് സൂക്ഷിക്കുന്നത്. ആൾക്കാരുടെ എണ്ണം കൂടുന്നതനുസരിച്ചു കൂടുതൽ സ്റ്റോറേജും പ്രോസസ്സിംഗ് കേപ്പബിലിറ്റിയും എളുപ്പം കൂട്ടാൻ പറ്റും. citizencenter. kerala. gov. in എന്നത് AWS ന്റെ മുംബൈ സോണിൽ ആണ് (ref 1) . അപ്പോൾ ഡാറ്റ ഇന്ത്യയിലാണ്.

ഇനി ആ ഡാറ്റ ഉപയോഗിക്കാനുള്ള അവകാശത്തെ പറ്റി. ഫോൺ നമ്പർ നൽകിയാണ് പുതിയ അക്കൗണ്ട് ഉണ്ടാക്കുന്നത്. അപ്പോൾ ഒരു എഗ്രിമെന്റിൽ ഏർപ്പെടും (ref 2). കുറച്ചു കൺഫ്യൂസിങ് ആണ് കാര്യങ്ങൾ ഇവിടെ.

അഗ്രിമെന്റിൽ ലൊക്കേഷൻ, ക്യാമറ, device എന്നിങ്ങനെ ഒരു native ഫോൺ app നു ശേഖരിക്കാൻ പറ്റുന്നതൊക്കെ ശേഖരിക്കും (see pic) എന്നൊക്കെ പറയുന്നുണ്ട്. വെബ് ആപ്പ് വഴി ഇതൊക്കെ എങ്ങനെ ശേഖരിക്കും എന്ന് വ്യക്തമല്ല.

പക്ഷേ ഈ ഡാറ്റ ചില 3rd പാർട്ടി സർവീസ് കമ്പനികൾക്ക് കൈമാറും എന്ന് പറയുന്നുണ്ട്. അഗ്രിമെന്റിലെ സ്ക്രീന്ഷോട്ട് ഇതാ. അതൊരു ആശങ്കയാണ്.

ഇനി എന്തൊക്കെ ഡാറ്റയാണ് ശേഖരിക്കുന്നതിന് നോക്കാം. ഒരിക്കൽ മൊബൈൽ നമ്പർ ഉപയോഗിച്ച് അക്കൗണ്ട് തുടങ്ങിയാൽ താഴെക്കാണുന്ന നാല് ഓപ്ഷനായകളാണ് ലഭിക്കുക.

ഇതിനെ സ്‌പ്രിംഗ്‌ളരുടെ ഭാഷയിൽ യൂസർ സർവ്വേ എന്നാണ് പറയുക. ആൾക്കാരോട് ചോദിച്ചു വിവരങ്ങൾ ശേഖരിക്കുക. പേര്, മൊബൈൽ ഫോൺ, ഇമെയിൽ, മേൽവിലാസം,  വിദേശത്തുനിന്നു വന്നെങ്കിൽ ഏതു രാജ്യം , വന്ന എയർപോർട്ട്, തീയതി, ഇന്ത്യയിലെ വേറെ സംസ്ഥാനമാണെങ്കിൽ യാത്രാ തീയതി, യാത്ര മാർഗ്ഗം എന്നീ വിവരങ്ങളാണ്.

ഈ സർവേകൾ ബേസിക് ആണ്. ക്രോസ്സ് വാലിഡേഷൻ ഒന്നുമില്ല. ഉദാ. കാസർകോട് ജില്ലയിലാണ് താമസം എന്ന് സൂചിപ്പിച്ചിട്ട് കണ്ണൂരിലെ പോസ്‌കോഡും കൊച്ചിയിലെ അഡ്രസും കൊടുക്കാം. അതുകൊണ്ടു സർവ്വേമങ്കിയിലോ ഗൂഗിൾ ഫോംസിലോ ഇതുപോലെയുള്ള സർവ്വേ ഉണ്ടാക്കാം. ഡാറ്റ അനലൈസ്‌ ചെയ്യാനുള്ള ഒരു ഫോമിൽ എടുക്കാൻ പറ്റും

പിന്നെ ഡാറ്റ നമുക്ക് സ്റ്റോർ ചെയ്യണമെങ്കിൽ ഓപ്പൺ സോഴ്സ് സർവ്വേ ആപ്പുകൾ വഴി സിഡിറ്റിന്റെ സെർവറിൽ തന്നെ സ്റ്റോർ ചെയ്യാം. ഈ പറയുന്നതുപോലെ ബിഗ് ഡാറ്റ അളവിലുള്ളതൊന്നും തന്നെയില്ല.

പിന്നെ എന്താണ് പ്രയോജനം എന്നറിയാൻ സർക്കാരിന്റെ ഡാറ്റ transparency പേജിൽ ഉള്ള ഓർഡർ ഫോം (ref 3) നോക്കാം. ഈ ഇൻഫർമേഷൻ ഇന്റലിജൻസ് (pic 1) എന്താണെന്നു നോക്കാം.

അവരുടെ CXM പ്രൈവസി പേജിൽ (ref 4) പറയുന്നത് ഈ സംഭവം വെച്ച് ഹോട്ട്സ്പോട്ട് കണ്ടുപിടിക്കാനും പൊതുവിവരവും അഭിപ്രായങ്ങളുടെയും ധാരണ ഉണ്ടാക്കാൻ സഹായിക്കും എന്ന്. ആദ്യത്തേത് റിപ്പോർട്ട് ചെയ്യുന്നതിലെ സ്ഥലം വെച്ച് എളുപ്പം കണ്ടുപിടിക്കാം .

രണ്ടാമത്തേത് എങ്ങനെ കണ്ടുപിടിക്കും എന്ന് മനസ്സിലാകുന്നില്ല. സോഷ്യൽ മീഡിയ അക്കൗണ്ട് ലിങ്ക് ചെയ്യാതെ. പബ്ലിക്കായി ട്വിറ്ററിൽ ആണ് കൂടുതലും ഡാറ്റയുള്ളതു. FB ഒന്നും പബ്ലിക് അല്ല ഇപ്പോൾ. എങ്ങനെയാണെന്ന് പിടിയില്ല.

സ്പ്രിംഗ്ലർ പ്ലാറ്റഫോം വരുന്നതിനു മുന്നേതന്നെ സിഡിറ്റ് ഹോട്ട്സ്പോട്ട് കണ്ടുപിടിച്ചിട്ടുണ്ട് (ref 5). ആരോഗ്യാവകുപ്പിന്റെ ഡെയിലി പത്രക്കുറുപ്പും Kerala State Spatial Data Infrastructure ഡാറ്റയും ഉപയോഗിച്ച്. അതാണ് ഈ കാണുന്ന കോവിഡ് ഡാഷ്‌ബോർഡ്

ഇപ്പൊ വാങ്ങിച്ചിരിക്കുന്നതിൽ കമ്മ്യൂണിക്കേഷൻ ഒക്കെ പ്രയോജനമുള്ള പരിപാടിയാണ്. ഒറ്റ ക്ലിക്കിൽ SMS വഴി വിവരങ്ങൾ കൈമാറാൻ പറ്റും. വേണമെങ്കിൽ ഓപ്പൺ സോഴ്സ് സോഫ്ട്‍വെയറുകൾ വെച്ച് ചെയ്യാൻ പറ്റും പക്ഷേ ഉണ്ടാക്കാൻ സമയമെടുക്കും.

വീണ്ടും ഡാറ്റയിലേക്കു വരാം. ആൾക്കാരുടെ സമ്മതത്തോടു കൂടി എടുക്കുന്ന ഡാറ്റ അവർക്കു വേണമെന്നുള്ളപ്പോൾ അപേക്ഷ കൊടുത്താൽ സ്പ്രിങ്ക്ലരുടെ സൈറ്റിൽ നിന്നും നീക്കം ചെയ്യാവുന്നതാണ്. ഇതു ഒരു സ്റ്റാൻഡേർഡ് പോളിസിയാണ് വ്യക്തിഗത വിവരങ്ങൾ ശേഖരിക്കുന്നതിന് ഭാഗവുമാണ്.

അതുപോലെ 6 മാസത്തേക്കാണല്ലോ ഫ്രീ. ഫ്രീ കഴിഞ്ഞാൽ മുപ്പതു ദിവസത്തിനകം ശേഖരിച്ച ഡാറ്റ വേണമെങ്കിൽ അപേക്ഷിക്കണം. ആ ഡാറ്റ കൈമാറ്റം ചെയ്യാൻ ചിലവാകുന്ന തുക (എത്ര എന്ന് പറഞ്ഞിട്ടില്ല) അപേക്ഷിക്കുന്ന വ്യക്തി നൽകണം (ref 6 ).  സ്ക്രീൻഷോട്ടിൽ കാണാം.

ഇതുവരെ വായിച്ചതിൽ നിന്നും മനസ്സിലായത്  ഇതുകൊണ്ടു ഈ ഘട്ടത്തിൽ വലിയ വ്യത്യാസം ഉണ്ടാക്കുമെന്ന് തോന്നുന്നില്ല. സർക്കാർ നേരത്തെതന്നെ കാര്യക്ഷമമായി പ്രവർത്തിച്ചു എല്ലാം വേണ്ട വിധത്തിൽ ചെയ്തതാണ്.  ഇതു കൊണ്ട് സർക്കാരിന് വലിയ പ്രയോജനമൊന്നുമില്ല.

പക്ഷേ സ്പ്രിംഗ്ളർ കമ്പനിക്ക് കോവിഡിനെ ലോകോത്തര രീതിയിൽ പ്രതിരോധിച്ച കേരള സർക്കാരിന്റെ ഭാഗമാകാൻ കഴിഞ്ഞു. അവരുടെ പ്രൊഡക്ടിന്റെ ആദ്യത്തെ സർക്കാർ. കേരളം എന്ന success സ്റ്റോറിയുടെ ഭാഗമാക്കുക വഴി ലോകശ്രദ്ധ പിടിച്ചു പറ്റുകയാണ് ലക്ഷ്യം എന്നതാണ് എനിക്ക് മനസ്സിലായത്  

നന്ദി നമസ്കാരം.

വാൽകഷ്ണം: ഇത്തിരി നീണ്ടു പോയി എന്നറിയാം #ദിഏൻഡ് 

റഫറൻസ് ചുവടെ 

ref 1: docs.aws.amazon.com/general/latest…

ref 2: citizencenter.kerala.gov.in/page/terms-con…

ref 3: kerala.gov.in/documents/1018…

ref 4: sprinklr.com/cxm-privacy-po…

ref 5: dashboard.kerala.gov.in/sources.php

ref 6: kerala.gov.in/documents/1018…