Thread by @Moh_alarabi

#ثريد
(بيت السفينه)
.
البيت الاغرب ف امدرمان والكل الناس شافتو واتسائلت عنو البيدور حولو غموض عجيب ومليون استفهام والليلة حنعرف الحاصل (رتويت علشان يصل لباقي الناس)

في البداية للناس الماعندهم فكرة عنو البيت دا ف شارع النيل امدرمان بعد كبري شمبات بشوية وفاتح ف الشارع طوالي ممكن اي واحد يلاحظ الايقونة العمرانية دي وشكلها الغريب (زي السفينه) دا وليه مبنى بالشكل دا ومطل على النيل يكون مهجور كدا من غير ترميم ولا زول يسكنو!.

اما مٌلاك البيت ف عندها قصتين ومامعروفة الاصح ياتا.
-القصة للاولى بتقول انو البيت حق عائلة قبطية سابت السوداني وهاجرت وخلت البيت.
-القصة التانية يتقول انو ملاك البيت سودانين بس برضو ما في البلد ولمن جو لاحظو الظواهر الغريبة ف البيت وماقدروا يسكنو فيه.

انا في بداية البحث البديتو عن البيت دا لقيت مقال صحفي مكتوب قبل ٨ سنوات على ما اظن وقالو انو القصص دي من تااليف سماسرة وانو البيتقال عنها دي كلها كذب لكن اتواصلت مع ناس حكو لي قصصهم وبيحلفو انو القصص دي حصلت معاهم او حكاها ليهم واحد عاشا فا حاحكي ليكم.
(رتويت للثريد ياشباب).

-نبدا بقصة اهل البيت وانو بعد حسو بالاشياء الغريبة بتحصل جوا البيت والاصوات والخيالات واثاث البيت البيتحرك براهو وعفش البيت البيحرق براهو بدون سبب غير الاشخاص الغريبين الفجأة بشوفوهم لافين ف البيت وفجأة بيختفو والتهديدات البتحصل قرروا يجيبو شيوخ

شيوخ من اي حته من الخرطوم وبحري وامدرمان حتى شيوخ من غرب السودان وشيوخ من منطقة (ام ضوا بان) حتى انهم كانوا بيغرضو عليهم اسعار خرافية كعربون لو طلعوا ليهم الساكنين البيت دا حتى انهم استعانو بشيوخ من الخليج الامارات والسعودية ولكن كلهم كان مصيرهم واحد اول ما بيوصلو البيت...

بيحسوو بكميية مخيفة من الوحشية والطاقة السلبية وعدم الترحيب ونيه قتل ماعادية فا كانو ولا بيحاولو اصلا انهم يعملو حاجة فا بيعتذرو وبيمشو وتاني مابيرجعو.. وكانو بيوروهم انو البيت دا قاعد في منطقة تعتبر بوابة بين عالمنا وعالمهم فا ما عائلة واحدة يمكن تكون قبيلة كاملة ساكنه البيت دا.

-حاولو يجيبو غفير(حارس) لكن كلهم كانو ما بيقعدو يوم واحد وماكانو اصلا بيحكوا الحصل ليهم شنو جوا الا واحد بس ودا العندو اشهر قصة والحكوها لي كم نفر.
-الغفير(عبد الله) رحمه الله عليه :كان انسان مؤمن بربو وما بيخاف من شي وهو اطول واحد قضا فترة ف بيت السفينه غفير وحكى للناس عنو....

حكى وقال انو انا من اول يوم جيت فيهو البيت كنت بسمع اصوات اطفال وبشوف مخلوقات واشكال اول مرة اشوفا ناس بتمشي واطرافا مقطعه حيوانات كتيرة مستحيل تكون موجودة هنا كما انو قال مرة شاف اسد! ايوة اسد ولمن كان بيقرا قرآن فجاة بيختفي. حاولو يحذروهو ويطردوهو الف مرا لكن رفض لحدي ما حصل...

فيوم من الايام الجيران سمعو صوت صريخ لمن وصلو لعبدالله جوة لقوهو ميت قدام الباب ومحروق ومافي اي اثر نار في الأرض ولا اي شي تاني محروق غيرو حتى ملابسو ما حرقت حرق هو بس!!!!!

من اليوم داك بدت شهرة البيت تنمو وتكبر لحدي يومنا دا وفي كم قصة حصلت مع ناس هسي وهم الحكوها لي وشكرا شديد ليهم على التعاون وحأحكي قصصهم.

اول قصة حكاها اخونا احمد قال مرة كنا ماشين انا وصاحبي راكبين في ركشة والركشة ما وقفت الا قصاد البيت فلمن عاينت ف شباك الطابق التاني شفت راجل عجوز محنن دقنو لمن لمحني رجع وقف ف الشباك. وقعد يضحك ولفا راسو حولين رقبتو(زي البومه)ماصدق الحصل الا اكد ليهو صاحبو الشافو وكملو طريقهم...

-قصةحصلت لاخونا (محمد عاطف) قال كنا دايما بنمشي تمرين كورة بليل ولمن نجي بجبمب البيت دا بجينا شعور غريب يوم من الايام كنت راجع براي فا عاينت ف سطوح البيت شفت لي بت واقفة ف السطح وشعرا مغطي عيونا اتلفت على الشارع ولمن رفعت راسي تاني لقيتها فجأة ف الطابق التاني! (السطح الرابع)!!

.

حضرتو حلقة @ObaiAnwar السنه الفاتت لمن مشو البيت دا؟.
وهل عارفين القصة الحصلت ليهم شنو؟

.

القصة حصلت قبل سنه تقريبا ولمن وصلنا المنطقة ماكانا عارفين ياتو البيت بالزبط والساعه كانت ١٢ بليل والشارع فاضي لقينا نفرين وسألناهم عاينو في بعض وقعدو يضحكو وف النهاية وصفو لينا وصف غلط..

اخدنا يوتيرن ولقينا واحد خاتي طربيزة فيها لمبة جمب الخور والغريب انو الزول دا ما بيبيع ولا اي شي في طربيزتو دي والساعه واحدة الا والشارع فاضي هو براهو قاعد. سلمنا عليهو ولمن سالناهو عن البيت ردا بسرعه وقالينا تالت بيت. (بس اعملو حسابكم الزمن متأخر شديد يا اولادي)..

ما قدرنا نوقف العربي برة لانو شارع زلط فقلنا نوقفا بالشارع الفي الحلة ونحن لافينا سمعنا صوت كميه كبيرة من الكلاب بتنبح لمن خشينا الشارع مالقينا ولا حتى نص كلب ف الشارع؟ نخن هنا بدينا نستغرب من الحاصل بعد شوية...

حسينا بانو اغصان الشجرة بتضرب سقف العربية بقوة زي الكانو في حاجة بتنطط ف الشجرة مع انو ماكان في هوا قوي لدرجة يحرك الاغضان بالقوة دي. نورنا بكشافاتنا ف الشجرة مالقينا اي حاجة!!.....

قررنا نرجع الشارع الكان واقيفن فيهو ونحن واقفين ف الشارع وبنصور تاني سمعنا صوت الكلاب بقرب علينا من الشارع ونحن جوة العربية.. بعد شوية الصوت سكت وطلع راجل من الشارع ماشي.. (ونسيت اوريكم انو لمن طلعو على الشارع مالقو الراجل الكان قاعد بي طربيزو لا هو لا طربيزتو اختفو!)! !

في لحظة التصوير فجئة لاحظنا انو ورا اوبي في راجل ماشي في الشارع مع انو مافينا ولا واحد شافو وهو جاي من قدام العربية. قلنا نصورو لكن الكاميرا كانت ما بتعمل فوكس والتلفون برضو حاولنا نصور بيهو الصورة كانت بتجي مشوشة فجأة!..

الراجل وقف وبقا ينطط! بدون اي سبب بقا ينطط وجرا ف اتجاه الخور........ واختفى.

قصة برضو اتحكت في تعليقات فيديو الشباب المشو البيت دا في قناه جن سوداني ف اليوتيوب.

▶️قصص كتيرة بتتحكي من سكان الحي وانهم اول ما يجي الليل بشوفو انوار مولعه جوا البيت ومرات بيسمعو صوت اغاني ومرات بيشمو ريحة بخور جوا البيت فا في كدة هالة غموض كبيرة حوالين القصص..

انتهى الثريد وان شاء الله يارب يكون عجبكم....
.
احب اشكر كل الناس الساعدتني ف الموضوع بمعلوماتكم وربنا يخيلكم ويسعدكم ويحفظكم انتو واهلكم ويديكم الصحة والعافية❤️ وماتنسو الريتويت والفولو علشان يوصلكم كل جديد🌚✌️🔥

حساب احمد:
@AhmedMu80179564
حساب محمد عاطف:
@i7x7x
وشكرا ياشعب❤️