#संकलित
रणरागिणी #कोंडाबाईचा भीमपराक्रम - ज्या काळात महिलांना केवळ चूल आणि मूल सांभाळण्याची जबाबदारी रूढी-परंपरेने सोपविली होती,त्या काळात पाच महिन्यांची गरोदर असलेल्या एका महिलेने निधड्या छातीने हल्लेखोलांशी दोन हात केले.पोटात वाढत असलेल्या अंकुरासह स्वतःच्या(१/९)
रणरागिणी #कोंडाबाईचा भीमपराक्रम - ज्या काळात महिलांना केवळ चूल आणि मूल सांभाळण्याची जबाबदारी रूढी-परंपरेने सोपविली होती,त्या काळात पाच महिन्यांची गरोदर असलेल्या एका महिलेने निधड्या छातीने हल्लेखोलांशी दोन हात केले.पोटात वाढत असलेल्या अंकुरासह स्वतःच्या(१/९)
जीवाची पर्वा न करता डाॅ.बाबासाहेब आंबेडकरांचे प्राण वाचविले.ती महिला आता १११ वर्षांची झाली.तिचे नाव आहे कोंडाबाई कांबळे.या रणरागिणीचा महाराष्ट्रात अनेक ठिकाणी सत्कार झाला.१९३८ सालची ही गोष्ट.संपूर्ण देश स्वातंत्र्याच्या लढाईत उतरला.(२/९)
अशातच सोलापूर जिल्ह्यातील बार्शी या गावी सायंकाळी डाॅ.बाबासाहेब आंबेडकर यांच्या भाषणाचा कार्यक्रम आयोजित केला होता.गावातील चावडीवर आयोजित कार्यक्रमात बाबासाहेब येताच महिलांनी त्यांना कुंकू लावून औक्षण करण्याचा प्रयत्न केला. या वेळी 'बायांनो,मला कशाला हळद-कुंकू लावता?'(३/९)
असे म्हणत बाबासाहेबांनी स्वागत टाळले.बाबासाहेबांच्या भाषणाला सुरुवात होताच,जवळपास चारशे ते पाचशे लोकांचा जमाव सभास्थळी आला.त्यांनी बाबासाहेबांवर प्रचंड दगडफेक सुरु केली.या वेळी सभेत त्याच गावातील रहिवासी विनायक कांबळे व त्यांची सोळा वर्षांची आणि (४/९)
पाच महिन्यांची गरोदर पत्नी कोंडाबाई कांबळे बसून होत्या.हल्ला होताच कोंडाबाई आणि विनायक कांबळे यांनी त्या ठिकाणी ठेवून असलेल्या लाठ्या हातात घेऊन फिरवायला सुरुवात केली आणि बाबासाहेबांजवळ जाऊन पोहोचल्या.या काठ्यांच्या मदतीने त्यांनी बाबासाहेबांवर झालेला हल्ला परतवून लावला.(५/९)
या प्राणघातक हल्ल्यातून बाबासाहेबांचे प्राण वाचले.कोंडाबाई यांचे पती विनायक हे सैन्यात होते. त्या काळात घरच्यांचा विरोध असतानाही त्यांनी कोंडाबाईंना लाठीकाठी व दांडपट्टा चालविण्याचे प्रशिक्षण दिले होते.त्याच प्रशिक्षणाचा फायदा घेत त्यांनी हे शौर्य दाखविले. (६/९)
आज कोंडाबाई कांबळे १११ वर्षांच्या आहेत.सोलापूर जिल्ह्यातील बार्शी गावात राहतात. कोंडाबाईच्या पराक्रमाची दखल सर्वप्रथम २००८ मध्ये प्रसारमाध्यमांनी घेतली.त्यानंतर अनेक ठिकाणी कोंडाबाईचा गौरव झाला.२०११ मध्ये अमरावती, २०१२ मध्ये यवतमाळ अशा अनेक ठिकाणी त्यांचा सत्कार झाला.(७/९)
कोंडाबाई यवतमाळात आल्यानंतर त्यांच्याशी चर्चा केली असता, त्या म्हणाल्या, ' ज्या काळात महिलांना गौण स्थान होते, त्या काळात आम्ही धीरोदत्तपणे हे काम केले.आज काळ बदलला आहे.मात्र, महिला या आजही महिलाच आहेत. त्यांना आजही स्वतःच्या संरक्षणाची गरज भासते.(८/९)
त्यांनीही स्वरक्षणाचे धडे गिरविले पाहिजे.त्यामुळे त्यांना मदतच होईल.बाबासाहेबांच्या अहिंसेच्या तत्त्वाचे पालन जरुर करावे;पण सोबतच दोन हात करण्याची तयारी ठेवावी.जर कुणी उगीच त्रास देत असेल,तर त्याला सडेतोड उत्तर दिलेच पाहिजे.'
मनोज बावनथडे,साभार सकाळ दीक्षा विशेषांक-२०१३.(९/९)🙏
मनोज बावनथडे,साभार सकाळ दीक्षा विशेषांक-२०१३.(९/९)🙏
