Thread by @Ravitwitz

#திராவிடம்_தகர்ப்போம்

• பெரியார் 1938-இல் தமிழ்நாடு தமிழர்க்கே என்றதும், 1939-40-இல் திராவிடநாடு திராவிடர்க்கே என்றதும் 1956-இல் மீண்டும் தமிழ்நாடு தமிழர்க்கே என்றதும் சந்தர்ப்பவாதமாகவே தெரிகிறது. திராவிடர் என்பதிலும் உறுதியில்லை; தமிழர் என்பதிலும் பெரியாருக்கு உறுதியில்லை.

திராவிடம், திராவிடர் என்று பெரியார் சொன்ன தெல்லாம் இன ஆராய்ச்சியின் அடிப்படையில் அல்ல என்ற உண்மையைப் பெரியாரே இதோ போட்டு உடைக்கிறார்.
தெலுங்கர், கன்னடர், மலையாளிகளைத் திருப்திப்படுத்தவே சொன்னதாகக் கூறுகிறார்.

"திராவிட சமுதாயம் என்று நம்மைக் கூறிக் கொள்ளவே கஷ்டமாயிருக்கும் போது தமிழர் என்று எல்லாரையும் ஒற்றுமையாக்க முயற்சி எடுத்தால் கஷ்டங்கள் அதிகமாகும்"
சேலம் செவ்வாய்ப்பேட்டையில் 16.01.1944 அன்று ஆற்றிய சொற்பொழிவில் இவ்வாறு பெரியார் கூறுகிறார்.

#திராவிடம்_தகர்ப்போம்

• தமிழர் என்றால் அதில் பிராமணர்களும் சேர்ந்து கொள்வார்கள்; திராவிடர்கள் என்றால் அதில் பிராமணர்கள் சேர முடியாது என்று பெரியார் கூறினார். திராவிடர்களில் பிராமணர்கள் சேரமாட்டார்கள் என்பதற்கு ஆதரவாக ஏதாவது சான்றுகள் காட்டினாரா ? இல்லை !

திராவிட பிராமணர்கள் இன்றும் இருக்கிறார்கள்.
இணைய தளத்தில்
"திராவிட மேட்ரிமோனி" என்று ஆங்கிலத்தில் தட்டினால், அனைத்து வகை திராவிட பிராமணர்களும் வருவார்கள்.
பெரியாரின் பகுத்தறிவு
"வழிப்பட்ட ஆராய்ச்சி முறை இதுதானோ?" அறிவு ஆசான் ஆதாரங்கள் காட்ட வேண்டிய கட்டாயம் இல்லையோ?

#திராவிடம்_தகர்ப்போம்

• திராவிடர் என்ற சொல் தமிழர்களை ஒருபோதும் குறிக்காது. ஏனெனில் ஆரியர் சிந்து சமவெளிப் பகுதிக்குள் நுழையும் முன்பே இந்தியத் துணைக் கண்டமெங்கும் வளர்ச்சியடைந்த நாகரிகத்துடன், வளர்ச்சியடைந்த மொழியுடன், தமிழர் என்ற இன அடையாளத்துடன் வாழ்ந்தவர்கள் தமிழர்கள்.

• தமிழர்கள் திராவிடர்கள் இல்லை.
தமிழர்கள்-தமிழர்கள்தாம்,
பிராமணர்கள்தாம் திராவிடர்கள்.
எந்த வகை ஆராய்ச்சிக்கும் இடங்கொடுக்காமல்,
"திராவிட" என்ற பெயரை தமிழர் தலையில் சுமத்தினார் பெரியார்.

• தமிழ்நாட்டைத் தானே திராவிடம் என்று ஆரியர்கள் சொன்னார்கள் அதை ஏற்றுக் கொண்டால் என்ன என்று நண்பர்கள் சிலர் கேட்கிறார்கள்.
ஆரியர்கள் சொன்னால்
திராவிடம் என்பதை ஏற்றுக் கொள்ள வேண்டும்; சங்க காலத்திலிருந்து தமிழ்ச் சான்றோர்கள் தமிழர், தமிழகம், தமிழ்நாடு என்று மொழிந்ததை ஏற்க கூடாதா?

• சொந்தத் தத்துவமோ, சொந்த சித்தாந்தமோ இல்லாதவை திராவிடக் கழகங்கள். அதனால் அவர்கள் தங்கள் தலைவர்களை சாக்ரடீஸ், இங்கர்சால் என்று அயல்நாட்டு அறிஞர்கள் பெயரில் அழைத்துக் கொள்கிறார்கள்...

திராவிடத்திற்கென்று என்றுமே தனித்துவமான தத்துவம் இருந்ததில்லை! அதில் கொஞ்சம் - இதில் கொஞ்சம் எடுத்துக் கொள்வார்கள். தமிழறிஞர்கள் கருத்துகள், மேற்கத்திய நாத்திகவாதம், காங்கிரசார் - கம்யூனிஸ்ட்டுகள் கொள்கைகள் முதலியவற்றில் கொஞ்சம் கொஞ்சம் எடுத்துப் பஞ்சாமிர்தத் தத்துவம் பேசுவார்கள்

தமிழர்களாக பிறந்த நீங்கள் தமிழ்த்தேசியத்தை இழிவுப்படுத்துவது..

"மகன் செத்தாலும் பரவாயில்லை,
மருமகள் தாலியறுக்க வேண்டும்"
என்று கொடுமைக்கார மாமனார் - மாமியார் நினைத்ததாக ஒரு பழமொழி உண்டு.

அப்படி தமிழ்த்தேசியத்தை அழிப்பதற்காக நீங்கள் பிறந்த தமிழினத்திற்கு துரோகம் செய்யாதீர்கள்.

#திராவிடம்_தகர்ப்போம்

அண்டை மாநிலங்கள் எல்லாம் தங்களது தேசிய இன அடையாளத்தை ஏந்தி எழும்போது,
தமிழ்நாடு மட்டும், "திராவிடன்" என்று அயலார் தூக்கி மாட்டிய இனப்பெயர்களை சிலுவையாய்ச் சுமந்து, சொந்தத் தமிழினப் பெருமிதங்களைத் தொலைவில் தள்ளி வைத்தது.

#திராவிடம்_தகர்ப்போம்

தமிழர்களை தான் திராவிடர்கள் என்றீர்கள் எனில்...

பம்பாய் - மும்பை ஆனதை போல்;
மெட்ராஸ் - சென்னை ஆனதை போல்;
சில சிக்கல்களை தீர்ப்பதற்காக,
திராவிடம் - தமிழ் என்றே ஆகட்டுமே.

• சொந்த இனத்தின் பெயரை சொல்லக்கூடாது வேறொரு கலப்பட இனப்பெயரைச் சொல் என்று கட்டளை இடும் இந்தக் கொடுமை

மராத்தியர்க்கு உண்டா?
குசராத்தியர்க்கு உண்டா?
தெலுங்கர் - கன்னடர்க்கு உண்டா?
இல்லை!
தமிழர்களுக்கு மட்டும்தான் உண்டு.

• தமிழர் என்று சொல்லாதே, திராவிடர் என்று சொல். தப்பித்தவறி தமிழர் என்று சொல்லிவிட்டால், திராவிடர் என்பதை அடுத்த வரியில் சேர்த்துக்கொள் என்கிறார்கள். இந்தக் கொடுமை வேறு எந்த இனத்திலாவது உண்டா? இல்லை!

• திராவிடவாதிகளே,
நீங்கள் "தமிழர்" என்றாலும் திராவிடர் என்றாலும் ஒன்றுதான் என்று கூறிக் கொள்கிறீர்கள். அக்கூற்றிலாவது, நீங்கள் நேர்மையாக இருந்தால்,

இலக்கிய வழக்கிலும், மக்கள் வழக்கிலும் தமிழர் என்றே அழைக்கப்படும் தமிழர்களைத் "தமிழர்” என்றே அழையுங்கள் !

• அருள் கூர்ந்து, தமிழ் இனத்தில் பிறந்த அனைவரும் தங்களை தமிழர் என்ற உண்மை பெயரில் அழைத்து கொள்ளுங்கள். உங்கள் முன்னோர்க்கு இழுக்குச் சேர்க்கும் வகையில் "திராவிடர்" என்று அழைத்துக் கொள்ளாதீர்கள்! அரசியல் ஆதாயத்திற்காகவோ, பெரியார் பக்திக்காகவோ பிறந்த இனத்தை இழிவு படுத்தாதீர்கள்!

• "தமிழர்" என்ற இயல்பான பெயரிலேயே ஆரிய எதிர்ப்பு வரலாறு நெடுகிலும் நடந்து வந்துள்ளபோது,
"திராவிடம்" என்று சொன்னால்தான் ஆரிய எதிர்ப்பு உறுதிப்படும் என்று சொல்லும் வாதத்தில் உள் நோக்கம் இருக்கிறது.
தமிழின அடையாளத்தை மறைப்பதுதான் அந்த உள் நோக்கம்!

#திராவிடம்_தகர்ப்போம்

திராவிடம் என்று பெயர் சூட்டியதற்கு மொழியியல் சான்றுகள் எதையும் கால்டுவெல் காட்டவில்லை.
ஆய்வு வசதிக்காக அவர் ஆரிய வழக்கிலிருந்து எடுத்துக் கொண்ட அடையாளப் பெயரே திராவிடம்...

#திராவிடம்_தகர்ப்போம்