Thread by @Kartik_N_Jadhav

तो म्हणे 'मी मोठा'

तंत्रज्ञानाच्या क्षेत्रात जगावर वर्चस्व गाजवणाऱ्या अमेरिकेने, चीन याही क्षेत्रात पुढे येईल याची कल्पना केली नसावी किंवा ही बाब गांभीर्याने घेतली नसावी. संशोधन आणि विकास (R&D) या क्षेत्रात चीन मागील दोन दशके भरमसाठ पैसा ओततो आहे. जिथे अमेरिका या १/६

क्षेत्रातील खर्चात ४% वाढ करतोय तर दुसरीकडे चीनची गुंतवणूक तब्बल १८%ने वाढत जाणारी आहे.

त्यात 5G सारखे तंत्रज्ञान विकसित करणाऱ्यांच्या यादीत व्हूवेईचे देखील नाव आहे. आता करोना जगभर थैमान घालतोय तरी व्हूवेईच्या महसुलात यावर्षाच्या पहिल्या तिमाहीत जवळपास १.४% ($२५.७ बिलियन) २/६

एवढी वाढ झाली हे विशेष. त्यामुळे अमेरिकेच्या हृदयात धडकी भरणे साहजिक आहे. हार्डवेअर मध्ये वर्चस्व गाजवणारा चीन सॉफ्टवेअर मध्ये पुढे आला तर स्वाभाविकपणे अमेरिकेचे महत्व कमी होणार. कारण स्वस्त आणि मस्त (टिकाऊ नाही)ची भेट जगाला देणारा चीनच आहे.

इथे दुसरा मुद्दा असा की ३/६

सुरक्षेचा. जो अमेरिकेने लावून धरला. हा मुद्दा तथ्यहीन आहे असे व्हूवेईकडून स्पष्ट जरी करण्यात आले असले तरी याचे संस्थापक चीनच्या पीपल्स लिबरेशन आर्मीचे माजी उप-रेजिमेंटल चीफ आहेत हे विसरून चालणार नाही. जगात स्वतःच वर्चस्व प्रस्थापित करण्यासाठी वाट्टेल ते करणारा चीन यात कमी ४/६

पडेल असे वाटते? शिवाय एवढ्या कमी वेळात एवढी मोठी मजल मारणे राजकिय पाठिंब्याविना व्हूवेईला शक्य आहे का? याबाबत देखील मानत शंका आहे. असो, मी स्वतः आयफोन आणि व्हूवेई दोन्ही कंपनीचे मोबाइल वापरतो. जर चीन वाट्टेल ते करायला तयार असेल तर अमेरिका काही पाळण्यातील बाळ नाही. ५/६

आजवर या दोन्ही देशांच्या पराक्रम(?) कथा आपण पहिल्या आहेत. त्यामुळे एकच सांगणे आहे. आपली कोणतीही खाजगी माहिती जितकी तंत्रज्ञानापासून दूर ठेवता येईल तेवढी ठेवा. बाकी कधी काय घडेल याचा अंदाज बांधणे तसे कठीणच ६/६

Thread भाग २, समाप्त...