🇵🇹Hoxe é o día de Portugal🇵🇹 Aquí é feriado, unha xornada de lecer que os nosos veciños aproveitan para coñecer mellor o seu país, entre outras cousas 🚗. Pero cantos sabes de Portugal? 🤔 Aquí algunhas curiosidades
1. Iso de beber té parece moi británico pero foron os portugueses quen introduciron este costume na Gran Bretaña. Catalina de Braganza, que casou con Carlos II de Inglaterra, exportou este hábito típico da corte portuguesa. 
2. E é que a relación de Inglaterra con Portugal vén de moi atrás. O acordo diplomático entre os dous países é o máis antigo do mundo, desde 1373. E segue en pé!
3. Máis cousas que duraron. O rei máis lonxevo é portugues e o máis efímero tamén. Afonso I gobernou 73 anos e príncipe Luis Filipe só 20 minutos!
4. Por certo que aínda que non o teñamos en mente a dictadura máis longa de Europa foi a de Salazar en Portugal. De 1926 a 1974.
5. Portugal introduciu a tempura no Xapón no século XVI. Pero non só eso: “Arigato”, a palabra de agradecemento dos nipóns, vén do vocablo “obrigado”. Deixárono os navegantes lusos cando chegaron a Nagasaki.
6. Lisboa é máis antiga que Roma. Concretamente 400 anos máis vella. O que a fai, xunto con Atenas, unha das máis antigas na Unión Europea. Hai probas arqueolóxicas que a datan tan atrás como no 1200 anos a.C.
7. París é a terceira cidade portuguesa. Nela viven 700.000 portuguesas. E o 12% da poboación de Luxemburgo é lusa.
8. Portugal é lider en produción de enerxías renovables. O 70% da electricidade que consume vén do vento, do sol ou da forza da auga. Unha das miñas curiosidades favoritas 😌
