Thread by @boopalsridhar

சல்லிவான் கோயமுத்தூர் மாவட்ட ஆட்சியராக 1800களில் இருந்தவர். மெட்ராஸ் அரசின் அதிகாரிகள் மே.பாளையத்திற்கு மேல் என்ன இருக்கிறது என்று ஆராய்ச்சி செய்ய அனுப்பிய இரு அதிகாரிகளுடன் அங்கு சென்று பார்க்கலாம் என்று பார்த்த பொழுது அங்கிருந்த தட்பவெட்பநிலையைப் பார்த்து மயங்கிப்போனார். 1/n

https://twitter.com/boopalsridhar/status/1266634243469389827

இந்தியத் துணைக்கண்டத்தில் வட மூலைகளில் மட்டுமே இப்படியான climate இருக்கும் என்று நினைத்த அவருக்கு இது அதிர்ச்சி. மேலே செல்லும் பாதையானது கரடுமுரடாக இருந்ததால் மெட்ராஸ் மாகாணக் கைதிகளை நீலகிரி மலைப்பகுதியில் தங்கவைத்தால் அவர்கள் கீழே வரமாட்டார்கள் 2/n

என்று நினைத்த அவர் அரசிற்குக் கடிதம் எழுதினார். மறுபடி மறுபடி அங்கு சென்று கொண்டே இருந்தார். தனக்கென்று ஒரு பங்களாவையும் கோத்தகிரியில் ஏற்படுத்திக்கொண்டார். ஐரோப்பிய கண்டத்தின் சிலப்பகுதிகளின் சூழல் in particular swizz தனக்குக் கிடைத்துவிட்டது எனப்பெருமூச்சு விட்டார். 3/n

நீலகிரியில் ஐரோப்பா மற்றும் ஆசியக்கண்டங்களின் தென்மேற்குப்பகுதிகளின் காய்கறிகளான கேரட், உருளை (ஐரோப்பியாவிலும் இது அமெரிக்காவிலிருந்து வந்ததே, மேற்குக்கடற்கரைக்கு இதற்கு முன்பே வந்திருந்தது வேர் வகை உருளை), பீட்ரூட் போன்றவற்றை அறிமுகப் படுத்தினார். 4/n

அப்போது நீலகிரிப் பகுதிகளிலிருந்து (dist: Cbe) மலபார் மாவட்டத்திற்குப் புகையிலை கடத்தல் வெகுவாக நடந்து கொண்டிருந்தது. மெட்றாஸ் அரசு இதற்குக்காரணம் 2 சுங்கச்சாவடிகள் ( one with Cbe, one with malabar) என்று நினைத்தது. 5/n

நீலகிரியின் பகுதிகளை கோயமுத்தூரிலிருந்து மலபாருக்கு மாற்றுவதுதான் வழி என நினைத்தது.
அரசு இவ்வாறு செய்வதன் மூலம் பணமும் எஞ்சும் என நினைத்து மாற்றியது. சல்லிவான் தனது கண்டனத்தைக் கடுமையான முறையில் எழுதினார். அவருக்கு அவருடைய ஆசை மலை தன் ஆளுகையை விட்டுப் போய்விடும் என்று. 6/n

இன்றைய கோவையின் ஓடந்துறை, நெல்லித்துறை போன்ற பகுதிகளையும் சேர்த்தே மலபாருக்கு மாற்றி விட்டனர்.
சல்லிவானுக்கு இது உறுத்திக்கொண்டே இருந்தது. வாய்ப்பு கிடைக்கும் போதேல்லாம் நீலகிரி கோவையுடன் இருப்பதே நல்லது என்றும், நீலகிரியின் காவல் போன்றவை மலபாருக்கு மாறினாலும், 7/n

நீதித்துறையின் எல்லைகள் கோவையுடன் உள்ளது என்றெல்லாம் வாதிட்டுக்கொண்டே இருந்தார். பலவகையான பேச்சுவார்த்தைகளுக்குப் பின்னால் (படகர்களும் தாங்கள் கோவை மாவட்டத்தின் உடன் இருக்க மனுக்களை வழங்கினர்,பிற மொழி மக்களுக்கு அவ்வளவு வாய்ப்பு வழங்கப்படவில்லை தேர்வு செய்ய), 8/n

1842ல் டீவ்வெடர்லே என்பவர் மெட்றாஸ் மாகாணத்தின் ஆளுநராகப் பொறுப்பேற்றவுடன
சல்லிவானின் கோரிக்கையை ஏற்று பழைய கோயமுத்தூர் மாவட்டப் பகுதிகளை கோவையுடன் இணைத்தார்.
அதன்பின்பே உடனே நிலகிரி மாவட்டம் பிரிக்கப்பட்டது (பாவம் சல்லிவான்!!)
9/n

புதிய இரயில் வழித்தடம், போக்குவரத்து என இங்கிருந்து பெருகியது. சல்லிவான் தன் ஆசைக்காகச் செய்திருந்தாலும் (மக்களின் குரல் சிறிதளவு இருக்கும் என்று வைத்துக்கொள்ளலாம்), இன்றைய தமிழ்நாட்டில் ஊட்டி இருக்க அன்றைய கோவை மாவட்ட ஆட்சியர் Sullivan முதன்மைக் காரணம்
10/n

Tweet 1 -> Read as ஈர் / இரண்டு instead of இரு.