Thread by @dina_blackshirt

ஒரு முழம் உயரமுள்ள குழவிக் கல்லுக்கு நமது நாட்டில் எத்தனை கோடி ரூபாய்கள் சொத்தும் எவ்வளவு வருமானமும் இருக்கின்றன?
இப்படி எத்தனை ஆயிரக் கணக்கான குழவிக்கல்லுகள் நமது நாட்டில் செல்வத்தோடு, யானை, குதிரை, ஒட்டகம், பல்லக்கு, இரதம், தேர் முதலிய வாகனங்களோடு பல பெண்டாட்டிகளோடு,

பல கல்யாணங்களோடு வாழ்கின்றன என்பவைகளை நேரில் பார்க்கும் ஒரு யோக்கியன் நமது நாடு தரித்திரநாடு என்று சொல்ல வருவானா?
இதை எந்த பொருளாதார நிபுணராவது கவனித்து நமது நாடு தரித்திரம் உள்ள நாடு என்று சொல்கின்றானா?

நமது நிலைக்கு காரணம் என்ன?
நமது தரித்திரத்திற்கு யார் காரணம்?
நமது செல்வமும், பாடும் என்ன ஆகின்றன? என்கின்ற அறிவு நமக்கு இல்லாமல் இருக்கிற முட்டாள்தனமே நமது இன்றைய இழிவுநிலைக்குக் காரணம்.
#மதத்தையாவது #சாதியையாவது #கடவுளையாவது உண்மை என்று நம்பி அவைகளை காப்பாற்ற முயற்சிக்கும்

எவனாலும் மக்களுக்கு சமத்துவமும் அறிவும் தொழிலும் செல்வமும் ஒருகாலும் ஏற்படவே ஏற்படாது.

இவைகளை அழிக்க மக்கள் ஒருகாலமும் சம்மதிக்க மாட்டார்கள். இவைகளை காப்பாற்ற குழந்தை பருவம் முதலே நமக்கு புகுத்தபட்டு வந்திருப்பதால் இது சுலபமான காரியமாக இருக்கமுடியவில்லை.

இவைகளில் எங்கு கை வைத்தாலும் நமது எதிரிகள் நம்மீது #நாத்திகன் என்னும் ஆயுதத்தை வீசி எறிந்து நம்மை கொல்லப் பார்த்துவிடுகிறார்கள்.

நமது மக்கள் பெரும்பாலும் மூடர்களாக இருப்பதால், அந்த #நாத்திகம் என்னும் ஆயுதத்தை கொண்டே நமது எதிரிகளுக்கு உதவியாய் நமக்கு எதிரியாவும் நின்று

நமது முயற்சிகளுக்கு இடையூறு செய்வார்கள். ஆகையால் நாம் இன்றைய நிலையில் இருந்து ஒரு சிறுமாறுதல் செய்ய வேண்டுமானாலும் நமது #எதிரிகளின் ஆயதமாகிய #நாத்திகத்திற்கு பயப்படாமல்,
#ஆமாம்_நான்_நாத்திகன் தான்'
என்று சொல்லிக்கொண்டு அந்த நாத்திகத்தையே நாட்டில் மூலை முடுக்கும் எங்கும் பரப்ப

துணியவேண்டும். அப்போதுதான் நம் எண்ணம் ஈடேரமுடியும். ஆதலால் நாம் இனி செய்யவேண்டியது முக்கியமாய்
#நாத்திகப்_பிரச்சாரமேயாகும்.

-பெரியார் (குடியரசு 14-9-1930)