"Nei Etüd: Jugendlecher si méi infektiéis wéi Erwuessener" - deen Artikel op RTL.lu gëtt vill diskutéiert, an dat net nëmmen bei eis am Land. D'Fro déi sech stellt ass natierlech déi, wat dat fir d'Schoulen bedeit.... (1/x) 
Wann een den originalen Artikel liest (Link hei drënner), da stellt ee Folgendes fest:
a) Donnéeë si vum 20. Januar bis den 27. Mäerz - wärend dem Lockdown a Korea, an zu engem Moment wou d'Schoulen do zou waren. (1/x)
a) Donnéeë si vum 20. Januar bis den 27. Mäerz - wärend dem Lockdown a Korea, an zu engem Moment wou d'Schoulen do zou waren. (1/x)
b) Doheem gëtt sech méi ugestach (11,8%) wéi "net doheem" (1,9%). Wéi gesot, dat war wärend dem Lockdown. Ech ginn dervun aus, dass déi meescht Koreaner zimmlech enk beienee wunnen - do ass social distancing wuel net méiglech. Schéngt mer normal dass ee sech méi ustécht. (3/x)
c) Tëscht 0 an 9 Joer sinn 3/57 Kontakter doheem ugestach ginn. Dat si just 5,3 %. Dat ass de klengste Wäert am Tableau. Kleng Kanner schéngen d'Krankheet manner ze verbreeden. (4/x)
d) Tëscht 10 an 19 Joer fënnt een den héchste Wäert: 18.6 % positiv Kontakter doheem. Wat awer opfält ass dass déi Kategorie krass aner Wäerter huet wéi 0-9 an 20-29 Joer. Tëscht 20 an 29 Joer goufen 3419 Kontakter doheem retracéiert. Bei den 10-19 Järegen just 231. (5/x)
e) Genau an der Alter-Kategorie, deen eis fir d'Lycéeën interesséiert, fale just 457 vun den 59073 retracéierte Kontakter (=0,8%). Pro positive Fall goufen do just 3.7 Kontakter retracéiert. Déi 0-9 Järegen haten an der Moyenne 8.2 Kontakter. Komesch. (6/x)
f) Interessant ass och, dass just 2,2% vun den Index-Patienten tëscht 119 Joer al sinn. Firwat ass dat net méi gläichméisseg opgedeelt? (7/x)
Fazit: Kanner a Jugendlecher kënne sech infizéieren, an d'Krankheet weider ginn. Kleng Kanner ginn d'Krankheet wuel manner weider. Mee ech géif mer eng Etüd wënschen, déi méi genau d'Situatioun an der Schoul kuckt - am léifsten vergläichbar mat eisem Schoul-System. (8/x)
Wann de Virus an der Bevëlkerung aktiv ass, dann och an der Schoul. Dee Moment muss een entspriechend Mesuren huelen - z.Bsp. Maskeflicht bei méi wéi 10 Neiinfizéierter pro 10000 Awunner an enger Woch. Et gëtt och wuel keng Alternative zum Contact-tracing an isoléieren! (9/x)
