Thread by @SuriyaKML

#StopHindiImperialism
இந்தியா பல்வேறு மொழிகள் பேசும் மக்களால் ஆனது, இவர்களை ஒன்றிணைக்க ஒரு இணைப்பு மொழி தேவை (link language) என்று வருகிறபோது தமிழ்நாடு ஆங்கிலத்தை இணைப்பு மொழியாக வலியுறுத்துகிறது.

அந்திய மொழியான ஆங்கிலத்தை இணைப்பு மொழியாக ஏற்கும் நீங்கள், இந்திய மொழியான இந்தியை ஏற்கக்கூடாதா என்று கேட்பார்கள்.

அதில் தான் ஒரு சிக்கல் இருக்கிறது.

எங்களுக்கு ஆங்கிலமும் அந்நிய மொழி தான், இந்தியும் அந்நிய மொழி தான். (2)

இந்தி" இந்தியாவில் ஒரு பகுதி மக்களுக்கு தாய் மொழி. இந்தியை இணைப்பு மொழியாக வைத்திருக்கும்போது அந்த பகுதி மக்களுக்கு தங்கள் தாய்மொழி மட்டுமே போதுமானது.
மற்ற பகுதி மக்கள் தாய் மொழியோடு இணைப்பு மொழியையும் கற்க வேண்டிய கட்டாயம் ஏற்படுகிறது.
(3)

இந்தியை தாய் மொழியாக கொண்டோர் தங்கள் மொழியை கற்றால் போதுமானது, மற்றவர்கள் இரண்டு மொழிகளை கற்றே ஆக வேண்டிய சூழலில் "Level playing field" அடிபடுகிறது. கூடுதலாக உலகத்தோடு இணைய ஆங்கிலமும் கற்க வேண்டியுள்ளது.
(4)

கற்பனையான வாதத்திற்கு இந்தி அல்லாத வேறு ஒரு இந்திய மொழியை மட்டும் இணைப்பு மொழி ஆக்கினாலும் கூட இதே சிக்கல் வரும்.

அதனால் தான் காலம் காலமாக தமிழகம் இந்தியை திணிப்போரிடம் சொல்கிறது..

"உங்களோடு இணையவும், உலகத்தோடு இணையவும் நாங்கள் ஆங்கிலத்தை கற்றுக்கொள்கிறோம்.
(5)

எங்களோடு இணையவும், உலகத்தோடு இணையவும் நீங்களும் ஆங்கிலத்தை கற்றுக்கொள்ளுங்கள்"

இல்லை இந்தியை மட்டும் தான் ஒற்றை இணைப்பு மொழி ஆக்குவோம் என்று பெரும்பான்மை வெறியில் திரிந்தால், இந்தி அல்லாத மாநிலங்கள் ஒருபோதும் அதை ஏற்காது (6)

ஏனெனில்,

இந்திக்காரர்கள் மட்டும் போராடி இந்தியா விடுதலை பெறவில்லை, இந்திக்காரர்கள் மட்டும் வரி செலுத்தி இந்தியா இயங்கவில்லை. (7/ end)