Thread by @Arakkal_unnii

#അത്തം

ചിങ്ങമാസത്തിലെ അത്തം നക്ഷത്രം മുതൽ ആഘോഷങ്ങൾ തുടങ്ങുമെങ്കിലും തിരുവോണം പ്രാധാന്യത്തോടെ ആഘോഷിക്കുകയും ചതയം നാൾ വരെ നീണ്ടു നിൽക്കുകയും ചെയ്യുന്നതാണ് നമ്മുടെ ഓണാഘോഷം..

തൃക്കാക്കരയപ്പനെ (വമാനസ്വാമി) എഴുന്നള്ളിയിരിത്താന്‍ വേണ്ടിയാണ് അത്തപൂക്കളം ഒരുക്കുന്നത്

~1~

എന്നൊരു ഐതിഹ്യമുണ്ട്. അതുകൊണ്ടുതന്നെ ഓണാഘോഷം തുടങ്ങുന്നത് പൂക്കളം ഇടുന്നതോടു കൂടിയാണ്. പണ്ടൊക്കെ പിള്ളേരോണം മുതലായിരുന്നു പൂക്കളം ഇട്ടിരുന്നതത്രെ. ഇന്ന് അത്തം മുതലാണ് പൂക്കളമിടുന്നത്.
തുമ്പപ്പൂ, തുളസിപ്പൂ, തൊട്ടാവാടിപ്പൂ, മുക്കുറ്റിപ്പൂ, കൊങ്ങിണി, വാഴക്കൂമ്പ്,

~2~

ഇലകൾ ഫലങ്ങൾ തുടങ്ങി പ്രകൃതിയിലുള്ളതെല്ലാം പൂക്കളത്തിൽ സ്ഥാനം പിടിച്ചവയാണ്. പൂവിടുന്നതിനുമുണ്ട് ചില ചിട്ടകൾ. അതിനു പ്രാദേശികമായി ചില മാറ്റങ്ങള്‍ ഉണ്ടാകാം.

നമുക്ക് എങ്ങനെയാണു ഓണപ്പൂക്കളം ഇടേണ്ടത് എന്നൊന്ന് അറിഞ്ഞാലോ...

~3~

നിലവിളക്കു കൊളുത്തി ഗണപതിക്കു വച്ചു ചാണകം മെഴുകിയ തറയിലാണ് പൂക്കളം ഇടാറു . അത്തം, ചിത്തിര : തുമ്പപ്പൂവിട്ടാണ് പൂവിടാൻ തുടങ്ങേണ്ടത്. ആദ്യ രണ്ടു ദിവസം(അത്തത്തിനും ചിത്തിരക്കും ) തുമ്പപ്പൂവും തുളസിയുമാണ് ഇടുന്നത്. ഈ നാളുകളിൽ ശേഷമാണ്
~4~

വിവിധതരം പൂക്കൾ ഉപയോഗിച്ച് അത്തപ്പൂക്കളം ഒരുക്കുന്നത്.

ചിലയിടങ്ങളിൽ അത്തനാളിൽ ഒരു നിര പൂ മാത്രമായി പൂവിടാറുണ്ട്. മിക്കവാറും മഞ്ഞനിറം.. ഈ ദിവസം ചുവന്ന പൂവിടാനും പാടില്ല. തുടര്‍ന്ന് രണ്ടാം ദിവസം രണ്ട് തരം പൂക്കളും..മഞ്ഞയും വെള്ളയും.

~5~

മഞ്ഞക്കു പകരം ഓറഞ്ചുനിറമുള്ള പൂവും ഉപയോഗിക്കാറുണ്ട്..

ചോതി, വിശാഖം : മൂന്നാം ദിവസം മുതൽ നിറങ്ങളുളള പൂക്കൾ ഇടും. ചോതി നാള്‍ മുതലാണ് പൂക്കളത്തിൽ ചെമ്പരത്തിപ്പൂ(ചുവന്ന പൂ ) ഇടുന്നതു.

അനിഴം : അഞ്ചാം ദിവസം മുതൽ കുട കുത്തും. വാഴപ്പിണ്ടിയിലോ വാഴത്തടയിലോ ആണ് കുട കുത്തുന്നത്.

~6~

ഈർക്കിലിയില്‍ ചെമ്പരത്തിപ്പൂവും മറ്റു പൂക്കളും കോർത്തു വയ്ക്കുന്നതിനാണ് കുട കുത്തുക എന്നു പറയുന്നത്.

തൃക്കേട്ട, മൂലം, പൂരാടം :ആറാം ദിവസം പൂക്കളത്തിൻ്റെ നാല് ദിക്കിലും കാൽ നീട്ടും (വലിപ്പം കൂട്ടും). ഓരോ ദിവസവും പൂക്കളുടെ tharaങ്ങളും പൂക്കളത്തിന്റ വലിപ്പം കൂട്ടും.

~7~

ഉത്രാടം : ഉത്രാട നാളിലാണ് ഏറ്റവും വലിയ പൂക്കളം ഒരുക്കുന്നത്. അന്ന് മണ്ണു കൊണ്ടു തൃക്കാക്കരയപ്പന്റെ രൂപം ഉണ്ടാക്കു ന്നു. ഉത്രാടദിവസം വൈകിട്ടുതന്നെ പൂക്കളത്തിലെ പൂക്കളെല്ലാം മാറ്റി പടിക്കൽ വെക്കും. ചാണകം കൊണ്ടു തറമെഴുകി തുമ്പക്കുടം വയ്ക്കും. ചിലയിടത്ത് അരകല്ല് വയ്ക്കാറുണ്ട്.

~8~

തിരുവോണം : ഈ ദിവസം രാവിലെ പൂക്കളത്തിൽ പലകയിട്ട് അരിമാവു പൂശി അതിന്റെ പുറത്ത് നാക്കിലയിട്ട് അരിമാവു പൂശുന്നു. മണ്ണുകൊണ്ടോ തടികൊണ്ടോ തൃക്കാക്കരയപ്പന്റെ വിഗ്രഹങ്ങൾ നിർമിച്ച് ഇലയിൽ പ്രതിഷ്ഠിക്കും. വിഗ്രഹങ്ങൾ പൂക്കൾ കൊണ്ട് അലങ്കരിക്കുന്നു..

~9~

(തിരുവോണത്തിനു രാവിലെ നിലവിളക്കു കത്തിച്ചു വച്ച് അരിമാവിൽ വെണ്ടയില ഇടിച്ചു പിഴിഞ്ഞു കുറുക്കി കൈകൊണ്ടു കോലം വരയ്ക്കും. നക്ഷത്രം, സ്വസ്തി എന്നീ ചിഹ്നങ്ങളും കാണും.)

അതിനുശേഷമാണ് പൂക്കളത്തിൽ അട, പഴം, ശർക്കര തുടങ്ങിയവ നിവേദിക്കുകയും ചെയ്യുന്നു.
~10~

പൂവട എന്നാണ് ഇതിനു പറയുക. ഞങ്ങൾ അരിമാവിൽ‍ കൈമുക്കി ഭിത്തിയിലും വാതിലിലും പതിപ്പിക്കാറുണ്ട്.ഓണം കാണാൻ എത്തുന്ന തൃക്കാക്കരയപ്പനെ ആര്‍പ്പുവിളിച്ചും സ്വീകരിക്കും.
ചിലയിടങ്ങളിൽ കുടുംബത്തിലെ മുതിര്‍ന്ന കാരണവര്‍ ചതയം വരെ പൂജ നടത്തുന്ന

~11~

പതിവുമുണ്ട്. പിന്നീട് ഉതൃട്ടാതി നാളിൽപ്രതിഷ്ഠ ഇളക്കിമാറ്റും.

തിരുവോണദിവസം വൈകുന്നേരം തേങ്ങാപ്പീരയും ശർക്കരയും തിരുമ്മി വീടിന്റെ നാലു ദിക്കിലും വയ്ക്കുന്നു. ഇത് ഉറുമ്പിനോണം കൊടുക്കുക എന്ന സങ്കൽപ്പമാണ്.

~12~

അരിമാവു കൊണ്ടു ഭിത്തിയിൽ കോലം വരയ്ക്കുന്നതിന് പല്ലിക്ക് ഓണം കൊടുക്കുക എന്നു പറയും.

ഏവർക്കും ഐശ്വര്യത്തിന്റെ സ്നേഹത്തിന്റെ സന്തോഷത്തിന്റെ ആരോഗ്യത്തോടെയുള്ള ഓണദിനങ്ങൾ ആശംസിക്കുന്നു

കടപ്പാട്

13/13

തിരുത്ത് ; (വാമന സ്വാമി)

@threadreaderapp unroll