Thread by @appa_v

🚩సందేహాలు – నాకు తెలిసిన సమాధానాలు !🙏🏿

✍🏿నా సందేహం ఏమిటంటే ఆత్మని శస్త్రం అగ్నివాయువు నీరు ఏమిచేయలేవు అని చెపారు కదా !
మరి మరణించిన తరువాత మన ఆత్మని పాపా పుణ్యలను బట్టి యమధర్మరాజు శిక్షలను విదిస్తారు కదా! ఇది ఎలా సాద్యం!

ఆత్మకు కలిగే బాధ మానసికం. దేహానికి కలిగే బాధ బౌతికం. తీరని కోర్కెలతో దేహం లేక తిరిగేది ప్రేతాత్మ. దేహమున్నా ఈతి బాధలనుభవించేదిబౌతికంగా ఉన్న జీవి.
పున్నామ నరకం నుండి తప్పించు వారు పుత్రులు అంటారు..

అలాగే నా పిల్లలు నాకు శ్రాధ్ధం పెట్టక పోతే నేను నరకమెందుకు అనుభవించాలోనా కు అర్ధం కాదు.
-
#గరుడపురాణం, విష్ణుపురాణం ఇత్యాది పురాణాలు ఈ విషయం కూలంకషంగా చర్చించాయి. ముందుగా మనం మాట్లాడుకుంటున్నది జీవాత్మ గురించి. జీవుని విగత శరీరం నుండి జీవాత్మ బయటకు వస్తుంది.

అది ఎటునుండి బయట పడిందో దాని ప్రయాణం ఆ లోకాల వైపు వుంటుంది. ఊర్ధ్వ రంధ్రాల నుండి బయల్వడిన జీవాత్మ ఊర్ద్వ లోకాలకు, అధో రంధ్రాల నుండి విడువడిన ఆత్మ ప్రయాణం అ\ లోకాలకు. శరీరానికి కర్మ కాండ జరిగిన పద్ధతి ప్రకారం పదకొండో రోజు సపిండీకరణ ద్వారా అతడికి #యాతనా శరీరం ఇవ్వబడుతుంది.

ఆ #యాతనా శరీరంతో ఆ జీవాత్మ తనకు నిర్దేశించబడిన లోకాలకు ప్రయాణం చేస్తుంది.
#ప్రతి మాసికంలో ఇచ్చే తిలధాన్యాలతో బలం పుంజుకుని ప్రయాణం సాగిస్తుంది. సంవత్సర కాలంలో యాత్ర పూర్తి చేసుకుంటుంది.
ఈ కాలం అంతా కూడా తన వారితో అనుబంధం వదులుకోలేక వారు పెట్టె పిండాలు స్వీకరిస్తూ వెళ్తూవుంటుంది.

# యమధర్మరాజు వేసే శిక్షలను అనుభవించేది ఈ యాతనా శరీరమే. శరీర భ్రాంతితో వున్నది కనుక జీవాత్మ అది తానే అనుభవిస్తున్నట్టు భావిస్తుంది.
అతడి పాప పుణ్యాల అకౌంట్ ప్రకారం ఆ యాతన శరీరానికి ఆ శిక్షలు లేదా స్వర్గ భోగాలు లభిస్తాయి.

ఒక్కసారి స్వర్గానికి కానీ నరకానికి కానీ చేరినాక వారికి ఒక రోజు వ్యవధి మనకు సంవత్సర కాలము. వారు పోయిన తిధి నాడు వారికి తద్దినం పెట్టి తర్పణాలు వదులుతాము.
# అది వారికి భోజనము. అలా ఎవరైతే పిత్రు దేవతలను సంతోష పెడతారో వారిని తృప్తిగా ఆశీర్వదిస్తారు.

వారు దేవతల కన్నా మనకు కావలసిన వారు. పితృదేవతలను క్షోభ పెట్టిన వారు వారి ఆగ్రహానికి గురయ్యి బాధలు అనుభవిస్తారు. కొన్ని పర్వదినాలలో వారికి తర్పణాలు వదిలే పద్ధతి మన సాంప్రదాయంలో వుంది. అది వారికి తేనీరు లా/ స్నాక్స్ లా అందే అవకాశం అన్నమాట.

ఇక్కడ మనం పెట్టె పిండాలు వారికి ఎలా భోజనాలు అవుతాయి అంటే నేను ఇక్కడ online లో పంపిన డబ్బు వేరొక దేశంలో వారి కరెంసీలో వారికి అందడం లాంటిది.
-
#ఎవరికైతే ఇటువంటి తర్పణాలు, పిండాలు అందడం లేదో వారు నరకంలో నరకం పున్నమ నరకం అనుభవిస్తారు.

మన భాషలో చెప్పుకోవాలంటే వారికి ఆకలి తీర్చలేకపోతున్నాం అన్నమాట. కొడుకులు పన్నెండు రకాలు. మనకు పుట్టిన కొడుకు కాక శాస్త్రం పది రకాల కుమారుల గురించి చెప్పింది. పుత్రులు ఆరు రకాలు.
💥💥💥

1. ఔరసుడు, 2. దత్తకుడు, 3. కృత్రిముడు, 4. గూఢోత్పన్నుడు, 5. అపవిధ్ధుడు, 6. క్షేత్రజుడు. వీరికి రాజ్యములో కాని ఆస్తిలో కాని భాగం ఉంటుంది.
ఇంకొక రకమైన పుత్రులు ఆరుగుర్ ఉన్నారు. వారు 1. కానీనుడు, 2. సహోఢుడు, 3. క్రీతుడు, 4. పౌనర్భవుడు, 5. స్వయందత్తుడు, 6. జ్ఞాతుడు.

వీరు కూడా పుత్ర సమానులే కాని, వీరికి రజ్యాధికారము కాని, ఆస్తిలో భాగము కాని లేదు.
#మనుమడు, కూతురు కొడుకు కూడా పుత్రుల లెక్కలోకి వస్తారు. అందుకే మన తర్పణ విధులలో ఇటు తండ్రి వైపు మూడు తరాల వారికి, అటు తల్లి వైపు మూడు తరాల వారికి పిండాలు పెడతాము, తర్పణాలు వదులుతాము.

కాబట్టి ఒకరికి కొడుకు లేదు అని బాధ పడవలదు. యోగ్యులైన కూతురు కొడుకులు తర్పణాలు విడిచినా అవి ఆ తండ్రికి అందుతాయి.

#ఇవి కాక బ్రహ్మ కపాలం దగ్గర పెట్టిన పిండం ఆ తండ్రికి బ్యాంకు లో ఫిక్సెడ్ డిపాజిట్ లాంటిది .దాని మీద వచ్చే వడ్డీ తో ఆ పితరుల జీవనం గడుస్తుంది అన్నమాట. కానీ అక్కడ పిండం పెట్టినా కూడా సంవత్సరీక శ్రాద్ధం తప్పనిసరి. వారిని ఎంత తృప్తి పరచితే మనకు అంత సౌభాగ్యము, రక్షణ..

💥💥💥💥💥💥💥

Thread Reader App
@threadreaderapp"unroll"