Thread by @RayaIaseema

మనకూ ఉంది ఒక త్రికూట ఆలయం-అనేక విశేషాల సమాహారం పుష్పగిరి త్రికూటేశ్వర ఆలయం

సాధారణంగా ఆలయాలలో ఒక ప్రధాన గర్భాలయం వాటికి అనుబంధంగా ఉపాలయాలు ఉంటాయి. అలాకాకుండా ఒకే ఆలయంలో రెండు లేదా అంతకన్నా ఎక్కువ ప్రధాన గర్భాలయాలు ఉంటే వాటిని ద్వికూట, త్రికూట మొ. ఆలయాలుగా సంబోధిస్తారు #Pushpagiri

ఒకే ఆలయంలో మూడు గర్భాలయాలు ఉంటే ఆ ఆలయాన్ని త్రికూట ఆలయం అంటారు. చాళుక్యుల, హోయసలుల, కాకతీయుల శిల్పకళా రీతిలో ఈ అధికంగా కనిపిస్తాయి

వరంగల్ లోని ప్రఖ్యాత వేయి స్తంభాల గుడి త్రికూట ఆలయం. తెలంగాణలో త్రికూట ఆలయాలు చాలా ఉన్నా, రాయలసీమలో త్రికూట ఆలయాలు అత్యంత అరుదు
#rayalaseema_Temples

అటువంటి త్రికూట ఆలయం, కడప జిల్లా పుష్పగిరిలోని శ్రీ వైద్యనాథేశ్వర స్వామి ఆలయ ప్రాంగణంలో ఉన్న త్రికూటేశ్వర ఆలయం. ఇక్కడి త్రికూట ఆలయంలో 3 గర్భాలయాలో స్వామి ఉమామహేశ్వరుడు , త్రికూటేశ్వరుడు మొ.పేర్లతో పూజలు అందుకుంటున్నాడు. ఈ మూడు గర్భాలయలు వేరే వేరే వ్యక్తులు కట్టించడం విశేషం.

మూడు ఆలయాలలో రెండు ఆలయాలు ఇద్దరు భిన్న రాజవంశాలకు చెందిన రాణులు కట్టించడం ఇంకా విశేషం. శివుడు లింగాకారంలో కాక పార్వతీ సమేతుడై ‘ఉమామహేశ్వర స్వామిగా’ విగ్రహ రూపంలోపూజలుఅందుకోవడం ఇక్కడ ఇంకో విశేషం.

ఓరుగల్లురాజ్య సామంతుడు, వారి తరపున కొంతకాలం ములికినాటి సీమను ఏలిన కాయస్థ రాజు

గండపెండెర గంగయ్య సాహిణి భార్య అయిన కమలాదేవి త్రికూటేశ్వర ఆలయంలో తన పేరిట శాలివాహక శకం 1176లో (క్రీ.శ 1255) కమలేశ్వరస్వామి ఆలయాన్ని నిర్మించినది. అల్లుగి రాజు కుమార్తె హచలాంబ తనపేరుమీద త్రికూటేశ్వర ఆలయంలోని హచలేశ్వర ఆలయమును నిర్మించినది. పల్లవ రాజు ఖందేరాయ -

పల్లవేశ్వర ఆలయాన్ని నిర్మించారు.

ఆలయ మంటపంలో కొలువై ఉన్న సప్తమాత్రికలు ఈ ఆలయ మరో ప్రత్యేకత. ఆలయ ప్రాంగణంలో ఉన్న స్తంభాలపై వివిధ భాషలలో ఉన్న శాసనాలు 800 సంవత్సరాలకు పైగా ఉన్న ఆలయ చరిత్ర తెలియజేస్తాయి. పుష్పగిరి కడప పట్టణం నుండి 20 కిమీ ల దూరంలో ఉంది. వీలైతే తప్పక దర్శించండి.