डेडपूल... Profile picture
Sep 26, 2020 17 tweets 4 min read Read on X
डॉ.मनमोहन सिंग.

पाकिस्तान फाळणीच्या धगीने तावूनसुलाखून निघालेलं बालपण...त्यातून आलेली जिद्द,चिकाटी,सचोटी. त्याजोरावर पुढे शिक्षण.. प्रशासकीय अधिकारी ते सर्वोच्च पदावर मांड ठोकली..तरीही जनतेने त्यांना 2014 साली नाकारले..ते का? याचा जुजबी उहापोह.. #म 1/n
पंतप्रधान म्हणून डॉक्टरांना कारकिर्दीच्या शेवटी उद्विग्नपणे 'इतिहास माझी योग्य दखल घेईल.' अस त्यांना म्हणावं लागलं..इतकं आपण त्यांना टॉर्चर केलं अस म्हणण्यास वाव आहे.तत्कालीन विरोधकांच्या 'स्वच्छ प्रतिमेस निच आणि मलिन प्रतिमेस सर्वोत्तम' दाखवण्यामुळे हे झालं हाही एक पदर आहेच. 2/n
या अगोदर काहीतरी मांडतोय मी..
2004 साली सगळ्यांना सुखद धक्का देताना काँग्रेसने MMS ना पंतप्रधान पदी आरूढ केलं..वास्तविक त्यांना पंतप्रधान करण्यासाठी जनतेनं काँग्रेसला मत दिलं न्हवतं..पण 2009 साली मात्र जनतेनं MMS साठी मतदान केलं असं म्हणता येईल. 3/n
कारण, त्यांची पहिली निवड ही अपघाती मानली तरी दुसरी निवड तशी न्हवती याबाबत दुमत असण्याचं कारण नाही.या दहा वर्षात MMS हे सोनिया गांधी यांच्या हातातील बाहुले आहेत हा आरोप काही अपवाद वगळता ते परतवून लावू शकले नाहीत.जनतेच्या मनात ही एक शंका कायम राहिली.तीच अविश्वासाची सुरवात होती. 4/n
या आरोपातील अपवाद म्हणजे अमेरिकेशी अणुकरार, किराणा गुंतवणूक, इंधन दर जागतिक बाजाराशी जोडणे, वेगवेगळी अनुदाने कमी करणे.या साऱ्या प्रकरणात MMS नि काँग्रेस आणि सोनियांची प्रतिकूलता टाळत आपले निर्णय रेटले. तरीही या सगळ्या निर्णयात अगदी सरकार धोक्यात येईल अशी हवा तयार झाली होती. 5/n
तत्पूर्वी पंतप्रधान काळाच्या फार अगोदर त्यांनी अर्थमंत्री म्हणून त्यांचा पहिला अर्थसंकल्प जुलै 1991 मध्ये मांडला..'भारत जागा होत आहे, हे जगाला आता सांगायची वेळ आली आहे.' इतक्या निःसंदिग्ध आशय त्यांच्या शब्दात उमटला. अगदी सोने गहाण परिस्थिती ते आजची परिस्थिती आपण पहात आहोत. 6/n
खरंतर अर्थव्यवस्था वाढीचे उच्चांक प्रस्थापित केलेला माणूस त्याच्या कारकिर्दीत शेवटच्या दोन-तीन वर्षात 'धोरणलकवा' आणि 'मुका' या विशेषणांनी संबोधला गेला.हे क्लेशदायक होतं. मला आकडेवारीत जायचं नाही.पण,आत्ताच्या सरकारने बेस इयर हवातसा बदलून ही तेवढी वाढ दिसत नाही.यातच सर्व कळतंय. 7/n
डॉ.मनमोहन सिंग यांची उंची आज कळत जरी असली तरी तत्कालीन परिस्थिती नक्कीच बरी म्हणावी अशी न्हवती..त्यातच विरोधकांनी पराचा कावळा केला..दुसरीकडे भारतीय समाजाचा 'हा चांगला आहे.यापेक्षा हा नालायक आहे.' यावर विश्वास बसतो..हे तत्कालीन विरोधकांनी हेरले आणि एक बदनामीचा ट्रॅप आखला गेला. 8/n
जनतेच्या मनात पहिल्यापासून काही एक शंका होत्या त्यास पुरून उरण्यास काँग्रेस त्यावेळी कमी पडली. त्यातच काँग्रेस किती नालायक आहे ही आवई विरोधकांनी उठवली..याचा सगळा भार आता मनमोहन सिंग यांच्या खांद्यावर येणार होता..कारण ते हिनतेचा चेहरा आता बनवले गेले होते.. 9/n
त्यास मनमोहन सिंग आणि खुद्द काँग्रेस यांच्या चुकाही कारणीभूत ठरल्या.

आज जी परिस्थिती आहे तीच त्यावेळीही होती..ती म्हणजे 'काँग्रेस हे कुटुंब मानलं तर गांधी घराणे हे कुलदैवत आहे.' त्यातील राजकारणातून सुरक्षित पर्याय म्हणून मनमोहन सिंग यांनी PM पदाची शपथ घेतली. 10/n
1991 ला MMS काही भरीव करू शकले कारण त्यांना त्यावेळी धाडसी निर्णय घेणारे खमके नरसिह राव लाभले.पण पुढे मनमोहन सिंग स्वतः पंतप्रधान झाल्यानंतर या राजकीय पदासाठी लागणारी आस आणि ऊर्जा कमी पडली.पंतप्रधान पद हे फक्त सज्जनपणाच्या ठेवीवर चालत नाही.त्यासाठी एक तडफ आणि करारीपणा लागतो. 11/n
तरच जनतेस तो पंतप्रधान भावतो..कसा? ते आपण सध्या पाहतोच आहे..मग भले काम काही न करो. सिंग हे उत्तम प्रशासकीय अधिकारी होते पण पुढे पंतप्रधान पदी आल्यानंतरही ते प्रशासकीय अधिकारी असल्याची ओळख जनतेतून मिटवू शकले नाहीत. त्यासाठी वर मांडलेले फक्त अपवाद होते.. 12/n
डॉ.सिंग हे नामधारी आहेत हे आरोप सतत होत राहिले तो आव्हेरने त्यांना जमले नाही परिणामी त्यांच्या प्रतिष्ठतेचा ऱ्हास होत गेला.. इतका की पुढे राहुल गांधींनी जाहीर पाणउतारा करूनही डॉ. शांत राहिले.शेवटी उद्विग्नपणे 'इतिहास माझी योग्य दखल घेईल.' असे म्हणते झाले.बरोबर ही होतं ते 13/n
व्यक्ती असो की संस्था त्याच्या यशस्वीतेचे मूल्यमापन हे वर्तमान कर्तृत्वातून केले जाते पूर्वपुण्याईने नाही..तत्कालीन जनतेने तेच केलं.. कॅग,कोलगेट, 2G प्रकरणात आणि आण्णा बाबांच्या आंदोलनात परिस्थिती बिकटच बनत गेली..शेवटी परिस्थिती हाताबाहेर गेली .जाताना सोबत सत्ताही घेऊन गेली. 14/n
सर्वार्थाने या सरदाराची शौर्यगाथा भारताच्या इतिहासात लिहली गेली..शेवटी शेवटी ही शौर्यगाथा शोकगाथा बनली..त्यामुळेच जनतेने त्यांना नाकारले हे कटुसत्य आजच्या बेताल परिस्थितीत जास्तच कडवट लागत आहे. त्यामुळे ते पचवणं जड जातंय. 15/n
आशा या कारकिर्दीत LPG मॉडेल,मनरेगा, RTI, RTE, अन्नसुरक्षा हे विषय तडीस लावत देशाला प्रगती पथावर नेणारे सरदार आज 88 वा वाढदिवस साजरा करत आहेत..त्यांना खूप खूप शुभेच्छा.❤ #आदर n/n

• • •

Missing some Tweet in this thread? You can try to force a refresh
 

Keep Current with डेडपूल...

डेडपूल... Profile picture

Stay in touch and get notified when new unrolls are available from this author!

Read all threads

This Thread may be Removed Anytime!

PDF

Twitter may remove this content at anytime! Save it as PDF for later use!

Try unrolling a thread yourself!

how to unroll video
  1. Follow @ThreadReaderApp to mention us!

  2. From a Twitter thread mention us with a keyword "unroll"
@threadreaderapp unroll

Practice here first or read more on our help page!

More from @MarathiDeadpool

Apr 24, 2023
अखंड एक पिढी तुझा खेळ बघत लहानाची थोर झाली.. एखाद्या खेळाशी भावना जुळण्याची ती त्या पिढीची पहिलीच वेळ.. तुझा खेळ पाहतानाचे 'नेल-बाईटिंगचे' अनेक प्रसंग आजही जशाच तसे आठवतात.. तत्कालीन जाहिरातीमधील पेप्सीसारखा थंडावा सापडणारी.. तुझी प्रत्येक नजाकत रसिकांची मनं शांत करत गेली..❤️
अजून मिसरुटही न फुटलेला 'सच्या' ते पोक्त 'मास्टर ब्लास्टर सचिन' या प्रवासाचे यथासांग सहप्रवासी होण्याचे भाग्य आमच्या पिढीने अनुभवले..तो बावनकशी अनुभव पारिजातकाच्या सड्याप्रमाणे सदैव आमच्या आयुष्यात सुगंधी पिंगा घालत राहील..पण त्या समृद्ध अनुभवाच्या भरजरी पदराला एक मात्र डाग आहे..
तो डाग म्हणजे..मूकसंमतीचा.
क्रिकेट माणसांनीच बनवलेला खेळ आहे.. माणूस म्हणून जे अवगुण असतात ते त्या खेळातही येणारच.. एक क्रिकेट रसिक म्हणून क्रिकेटच्या त्या अवगुणी वृत्तीविरोधात सचिनने काही बोलावं..ही एकमात्र आशा तेंव्हा अपूर्ण राहिली..तुझी ती मुकसंमती तेंव्हाही वेदनादायक होती.
Read 7 tweets
Oct 2, 2022
तिन्हीसांजेची लगबग रस्त्यावर दिसत होती.. रस्ता फार काही वर्दळीचा न्हवता.. हार-फुलांची दोनचार दुकानं आणि शांत चहापानासाठी कौलारू एकदोन हॉटेलं.. अधूनमधून कुंपणाच्या आतील घरं..तुरळक एखादं किराणा मालाचं दुकानं..आणि रस्त्याच्या टोकाला छोटेखानी कसलं तरी मंदिर.. बस् संपला रस्ता..
#Love
परिसर तुलनेत शांत होता.. कुठंतरी लांब चंदन अगरबत्ती धुराची काडी हवेत सोडत होती..ती काडी संपता संपता सायलेंट सुगंध त्याच्यापर्यंत पोहचवत होती..त्या सुगंधाने दिवसभराची ओढाताण हलकी होत होती..दिवेलागणीला असतो तो आभाळातला भडक तांबूसपणा आता विझत आला होता..त्यातच थंडीची धांदल सुरू होती.
नगराच्या मध्यवर्तीत असूनही हा तळ मनाला भुरळ पडणारा होता..वाहतूक अगदी शिस्तीत जात होती.. मंदिराकडे जाणारी माणसं दुर्मिळ असणाऱ्या शांत चेहऱ्याने लगेच ओळखू येत होती.
फुलांच्या दुकानात 'मेरे दिल में आज क्या है.. तू कहे तो मैं बता दूँ।' वाजणारं गाणं फुलांना अजूनच खुलवत होतं..
Read 7 tweets
Oct 1, 2022
दिवसाच्या पहिल्या प्रहराची सुरवात..रात्री बाराला गडगडाटी पाऊस पडून गेला होता..घरी सगळे साखर म्हणावी अशा झोपेत..रातकिड्यांची किरकिर शांत वातावरणाची शांतता भयाण रातीत परावर्तित करत होती.. मधूनच एखादं कुत्रं रडायचं..पण ते कोणीतरी तोंड दाबून धरल्यागत लगेच शांत पण व्हायचं.
#Annabelle
मला जाग आली तेंव्हा घरात सगळे आपापल्या रूममध्ये झोपले होते..फॅनची घरघर सोडता कसलाच आवाज न्हवता..अजून थोडा वेळ आहे, पडावं..या हिशोबाने मी कलंडलो..इतक्यात लहान मुलांच्या सायकलचं ते इंग्लिश संगीत वाजायला सुरवात झाली..पहिल्यांदा मला बाहेरून आवाज येतोय वाटलं..पण ते फक्त पाचच मिनिट.
कारण आवाजाची दिशा ही आपल्याच घरातून होती..आणि इतक्या उशीर आमच्या घरात एकसारखं ते संगीत वाजायची ही पहिलीच वेळ..आणि एवढं घाबरायचीही ही पहिलीच वेळ.. अगदी The Conjuring, Annabelle एका दणक्यात आठवावी इतकी.
काय करावं कळत न्हवतं..आणि खोलीचं दार उघडलं आणि काही दिसलंच तर करायचं काय?
Read 9 tweets
May 11, 2022
उघड्या माळावर कुसळं उगवून वाळून जायची..ती खायला जनावरं सुद्धा नसायची..नजर जाईल तिथवर चिटपाखरूही न्हवतं..उघडे डोंगर-माळ ज्यांच्या मालकीचे..ते ही काही करू शकत नव्हते..अशात त्यावर नजर पडली एका बड्या पवनचक्की कंपनीची..आणि एका रातीत लोकांना पैशे ठेवायला नव्या ट्रंका घ्याव्या लागल्या.
जमिनीचे सौदे ठरतील तसं एका एका घराचे वासे फिरू लागले.. लाकडी तुळई जळणात गेल्या..त्या जागी RCC पिलर आले.. सायकलची चैन पडायची त्याच जागेवर धूळ आत येऊ नये म्हणून चारचाकी काचा वर करू लागल्या.. ३ डोकी घरात असूनही दारात ४-४ दुचाकी आणि २-२ चारचाक्या सर्रास दिसू लागल्या.
मळलेल्या कॉलर गेल्या..व्हाइट कॉलर आता ड्रायक्लीन होऊन येऊ लागल्या..पाण्याच्या घोटासाठी वाट बघणारे.. आता बार मालकाला खिशात ठेऊ लागले..सो कॉल्ड बरकतीने गाव सारा फुलून उठला..भावंडात हिश्श्यावरून धराधरीही झाली..हा सगळा गोंधळ चांगला दशकभर सुरू राहिला..खर्चापेक्षा जमा जास्त होती.
Read 11 tweets
Mar 8, 2022
रशिया-युक्रेन कुस्ती फक्त ५६" किंवा इंधन महागाई एवढ्यापुरती मर्यादित नाही..युक्रेन पट्टीचा गहूनिर्यातदार देश आहे..सूर्यफूल,सोयाबीन इ. तेल ही तो पिकवतो.. सांगायचा मुद्दा आहे..युक्रेन युद्ध धांदलीत अडकल्याने.. आंतरराष्ट्रीय बाजारात त्या जिन्नसांचा तुटवडा आहे..❤️
#farm
आपल्याकडे आत्तापासूनच खाद्यतेल महागाई जाणवत आहे ती त्यामुळेच..खाद्यतेलाच्या बाबतीत आपण स्वयंपूर्ण नाही..त्यास पर्याय नाही..पण, गव्हाचे तसे नाही.. सद्यस्थितीत भारत गव्हाचे चार दाणे बाळगून आहे.. शिवाय यंदाचे रब्बी उत्पादन ही येईल..तेंव्हा केंद्राने निर्यातबंदी न करता हा योग साधावा.
शेतकऱ्यांना चार पै ज्यादाचे मिळतील त्याने.. पण, केंद्राची शेतकऱ्यांप्रति असलेली भावना यापूर्वी कांदा आणि साखर निर्यातबंदीत दिसलीच आहे..अन्नसुरक्षा या सदराखाली शेतकऱ्यांचा जीव घेऊनच स्वस्त धान्य दुकानांची शृंखला चालवण्याची परंपरा यंदा तरी खंडित व्हायला हवी.
Read 8 tweets
Dec 31, 2021
सांज रातीला पडक्या वाड्याच्या पल्याड भिंतीला निवाळसंग तलावाची छबी नाकासमोर ठेवत ती बसलेली असायची..तलावावरचा धुंद वाऱ्याचा झोत..अदबशीर होऊन तिच्या मोकळ्या केसांना बटेसहित कुरवाळायचा.. त्याला यायला नेहमीचा उशीर असायचा यावर तिची लालबुंद नाकाची धार शीतल वातावरणात चमकून उठायची.
#म
आज त्याने त्या लेकुरवाळ्या आठवणींसहित तिथल्या दगडी सोपानावर चार गरका घेतल्या...प्रत्येक गरकेसरशी आठवणी आपला विळखा अजूनच तंग करत्या झाल्या.. त्यातून सैलावण्यासाठी त्याला अजून चार गरका घ्याव्या लागल्या.
पुढं होऊन तलावात पाय सोडून बसताना चपळ चंचल मासे धावताना दिसले..
आयुष्यातले क्षण असेच चपळ असतात..आत्ता हा क्षण माझ्या कवेत आहे म्हणेपर्यंत तो निघून गेलेला असतो.. त्या एवढ्याशा क्षणाला..क्षणाच्या आत..त्या आपुलकीच्या घटकेसहित काळजात साठवून ठेवावं लागतं..परत परत तो क्षण काळजाच्या तळात जाऊन अनुभवण्यासाठी.
डाव्याअंगाला वयोवृद्ध वड पानगळ सोसत उभाय..
Read 6 tweets

Did Thread Reader help you today?

Support us! We are indie developers!


This site is made by just two indie developers on a laptop doing marketing, support and development! Read more about the story.

Become a Premium Member ($3/month or $30/year) and get exclusive features!

Become Premium

Don't want to be a Premium member but still want to support us?

Make a small donation by buying us coffee ($5) or help with server cost ($10)

Donate via Paypal

Or Donate anonymously using crypto!

Ethereum

0xfe58350B80634f60Fa6Dc149a72b4DFbc17D341E copy

Bitcoin

3ATGMxNzCUFzxpMCHL5sWSt4DVtS8UqXpi copy

Thank you for your support!

Follow Us!

:(