Thread by @Eslll7970Gladii

مين هو اكبر جيش فى العالم؟
- الجيش الامريكى
مين اذن اكبر مشترى للسلاح"الامريكى"فى العالم؟
الجيش الامريكى برضه
مين اكبر منتجى السلاح فى العالم؟
الشركات الامريكيه

اذن لما #امريكا تقعد 4 سنين متضربش تقريبا طلقه ولا تدخل حرب،فان هذا يعنى ان مخازن الجيش مليانه على اخرها
يتبع👇👇

ومبتطلبش اى كميات اضافيه لتعويض ما تم استعماله حتى ؟ مصانع السلاح الامريكيه ايضا لديها الكثير من المحاذير والشروط للبيع ، يعنى مش هنبيع لدوله بتشترى سلاح روسى ولا صينى ، و مش هنبيع لدول محيطه باسرائيل الا بموافقة لجان متخصصه عشان نتأكد ان الصفقه مش هتضر اسرائيل 👇

ومش هنبيع الا بشروط كذا وكذا عشان التكنولوجيا بتاعتنا متتسرقش ، ففى النهايه اللى بيتباع بيبقى سلاح اوروبى او شرقى خلال الفتره الماضيه ، وربما كانت صفقة الامارات الاخيره لشراء كميات من F-35 لانقاذ هذه المشكله 👇

طيب الناس اللى وراء هذه الصناعات ، ناس صغيره ؟ لا طبعا دول اكبر رؤوس فى الصناعه هناك ، و متغلغلين فى ((الحزبين الكبيرين))

طيب هل تتوقع انهم مستعدين يستنوا اربع سنوات عجاف اخرى بدون حرب هنا او هناك تفضى المخازن عشان يملوها تانى ؟👇

انت فاكر طبعا فى كل حرب امريكيه كان بتنزل ارقام مرعبه للذخيره المستعمله وكمياتها ، جزء من الهدف الرئيسى لاعلان هذه الارقام ، هو تبرير الشراء المهول و الميزانيات الضخمه اللى هتوجه للتسليح ، وانعاش تلك الشركات العملاقه مره اخرى بأموال المواطن الامريكى 👇

عشان كده متستغربش من حالة الخمول و الكمون الجمهورى العجيبه طوال الفتره الماضيه ، مفيش اى حماس لدعم ترامب الا على نطاق ضيق وشخصى وبالاسم كمان !! ، الناس مش فارق معاها فعلا انتصار الحزب فى الرئاسه بقدر اعادة انتعاش المصالح الاقتصاديه لهم مره اخرى👇

الناس دى عاوزه حد يدق طبول الحرب ، اى حرب !! المهم تكون جزء من المنظومه اللى هم راسمينها لاستمرار الحروب ، انما انك تدمر ايران مثلا !! فده يعنى انتهاء 70% على اقل من حروب ومشاكل وصراعات الشرق الاوسط تماما ، يبقى استفدنا ايه على المدى الطويل !!
#السلاح_يحكم
#ahmed_borham✍️✍️