وباء (COVID-19) کے ہنگام پاکستان میں ہمیں جس مسئلے کا سامنا ہے وہ ایک ایسی سیاسی قیادت ہے جو کبھی کسی جمہوری جدوجہد سے گزری، نہ عام شہریوں کو درپیش مسائل سمجھنے کیلئے اس نے کبھی انکے ساتھ کام کیا اور نہ ہی عوام کی زندگیوں میں بہتری کیلئے اس نےکسی ٹھوس انداز میں اپنا کچھ حصہ ڈالا۔
حقیقت تویہ ہےکہ ان "قائدین" کےدلوں میں عوام سےہمدردی ہی کافقدان نہیں بلکہ انہیں غربت کی چکی میں پیسنےکیلئےانکےخاندانوں نےقومی وسائل لوٹےہیں۔ (عیش وعشرت)کے حقدار ان "قائدین" کونگاہوں سےقدرے اوجھل اپنےمحلات میں شاہانہ زندگی میسر ہے اور عہدے انہیں اپنے خاندانوں سے وراثت میں ملےہیں۔
انکا واحد اورمایوس کن ہدف اپنےخاندانوں کی تجوریوں میں محفوظ قوم کی چوری شدہ دولت اور بدعنوانی بچاناہےجسکا یہ جزوِ لاینفک ہیں۔عام شہریوں کی زندگیوں سے بڑھ کر یہی ہدف انکی سیاست کارخ متعین کرتا ہے۔ یہ ہرحال میں سمجھوتے(NRO) کیلئے بیتاب ہیں اور یہی بیقراری انکی تحریک کابڑا محرک ہے.
چنانچہ جب ہم نےغریبوں کوبےسہارا/معیشت کومکمل زمین بوس ہونےسےبچانےکیلئے سمارٹ لاک ڈاؤن کی راہ اختیار کی تو ان "رہنماؤں"نےمخالفت کی اورمکمل لاک ڈاؤن کامطالبہ کیا۔اب جبکہ دوسری لہرآئی ہےاور ہمیں پھرسےسمارٹ لاک ڈاؤن درکارہےتویہ عوام کی زندگیوں/انکی سلامتی سےمکمل بےنیاز،جلسوں پربضدہیں
سمجھتےہیں کہ یہی وہ آخری حربہ ہےجس کےذریعے وہ ہم پر سمجھوتے (NRO) کیلئے دباؤ ڈال سکتےہیں مگر ہرگز ایسا نہ ہوگا۔ ایک دن کی محنت کےبغیر انکو میسر "شاہانہ" طرزِ زندگی انکےخاندانوں کیجانب سےلوٹ مار اور عوام سےچھیناجھپٹی کےذریعے کمائی اور جمع کی گئی دولت کےتحفظ پر براہِ راست منحصر ہے۔
• • •
Missing some Tweet in this thread? You can try to
force a refresh
