#भारतीय_राष्ट्रीय_कांग्रेस स्वातंत्र्योत्तर काळात भारतात लोकशाही किती टिकेल याबाबत डॉ आंबेडकर साशंक होते. अर्थात ही साशंकता ही त्यांनीच तयार केलेल्या संविधनावर नव्हती तर इथल्या समाजव्यवस्थेचा त्यांचा अभ्यास सांगत होता. धार्मिक,जातीय आधारावर विखुरलेला समाज हा हजारो वर्षांच्या
गुलामीच्या जोखडाला बांधलेला होता.आपले काही अधिकार आहेत हे समजण्यासाठी पुरेसं शिक्षण बहुतेकांना नव्हतं. भाषा, प्रांतात विखुरलेल्या ह्या भारत देशात मागच्या ६० वर्षात लोकशाही फक्त टिकली नाहीच तर जगाला संविधानाच्या आधारावर यशस्वी ठरलेल्या लोकशाहीचा परिपाठ घालून दिला ते काँग्रेस या
देशात होती म्हणून.स्वातंत्र्यापूर्वी मुस्लिम लीग आणि जनसंघ यांचे धर्माधिष्ठित उद्योग बघून त्यांच्या हातात सत्ता न देणं हेच योग्य हे जनतेने समजलं होतं. पण समाजाला विज्ञानासोबताच इतिहास योग्य प्रकारे शिकवण्यात तत्कालीन सरकार मागे पडली शेवटी कट्टर सनातनी जनसंघ हळूहळू विषारी
भाजपच्या रुपात वाढला. याच विषाला योग्य वेळी न संपवण्यासाठी खरं तर दोषी ही काँग्रेसच. महात्मा गांधीच्या हत्येनंतर सुद्धा खऱ्या सूत्रधाराला फाशी न होणे आणि पुढे आरएसएस वरची बंदी पुन्हा उठणे हे आरएसएस बद्दल काँग्रेसच्याच काही लोकांमध्ये असलेली सहानुभूती दाखवते.
आणि अनेकदा अशी लोकं माहीत असून सुद्धा त्यावर योग्य कार्यवाही न करणे हे तर खरं #Too Much Democracy म्हणावं लागेल. पण हे काँग्रेसच करू शकते.
मुस्लिम तुस्टिकरणाचा आरोप सतत भाजपा करते आणि आरएसएस चे लोकं समाजात हेच पसरवतात.
पण जी गोष्ट लोकशाहीमध्ये योग्य तीच गोष्ट टीकेचा विषय होऊ शकत नाही हे लोकांना समजाऊन सांगण्यात काँग्रेस नेहमी कमी पडत आलेली आहे. कशाच क्रेडिट घ्यावं आणि कशाच क्रेडिट घेऊ नये यात काँग्रेस मधे अनेकदा गल्लत होते. त्यामुळे देशाची परिस्थिती अन्न, उद्योग, सामाजिक न्याय यात प्रत्येक
कार्यकाळात किती पटीने सुधारणा झाली हे व्यवस्थित सांगता आलं नाही पण आता राम मंदिराचा क्रेडिट राजीव गांधींना देण्याचे फलक आता काँग्रेसवाले काढत आहेत. अर्थात तत्कालीन काळात केलेल्या अनेक चुकाच ह्या भाजपा सारख्या बकासुराला वाढण्यास कारणीभूत झाल्या. बाबरी मशीद उद्ध्वस्त होण्याची
माहिती असताना सरकार मधे असणाऱ्या अनेकांनी केलेल्या वेळकाढू पणामुळे शेवटी कट्टर हिंदू मुस्लिम द्वेष वाढण्यात मदत झाली. अर्थात हा द्वेष स्वातंत्र्यपूर्व काळापासून जनसंघ आणि मुस्लिम लीग ने तेवत ठेवला होता तोच पुढे वाढत वेळोवेळी झालेल्या दंगलीमुळे वाढत गेला. या गोष्टींचा दूरगामी
परिणाम अनेक ज्येष्ठ काँग्रेस नेत्यांना समाजात होता आणि त्यांनी वेळोवेळी धार्मिक आधारावर असलेल्या पक्षांच्या नेत्यांना फटकारल होतं. पण काँग्रेसवर आघात करणारे जितके बाह्य घटक होत तितकेच अंतर्गत होते आणि राहतील सुद्धा. कारण काँग्रेस मधे लोकशाही आहे. गांधी परिवाराबद्दल आदर आहे पण ही
हुकूमशाही असल्याची कुठलीच चिन्हं कधी दिसली नाही.
जसं जसं आरएसएस, भाजपा आणि मित्रपक्षांनी देशात काँग्रेस मुस्लिम तुस्टिकरण करते म्हणत कट्टर हिंदुत्व पसरवायला सुरवात केली लागली तशी त्यांना आरएसएस समर्थक असलेल्या सर्वच क्षेत्रातल्या लोकांनी मदत केली.
प्रसारमाध्यमे, प्रशासकीय अधिकारी, न्यायव्यवस्था यातल्या जवळपास सर्वच संघधार्जीण्या लोकांचा यात हात होता आणि पुढेही राहील.
२०१० पासून हळूहळू भाजपने पद्धतशीपणे माध्यमांना हाताशी धरून काँग्रेसमध्ये नेतृत्व नाही यांचा प्रचार सुरू केला. डॉ. मनमोहन सिंह यांच्यासारखा प्रशासकीय अधिकारी
आपल्या कामात व्यग्र राहिला आणि इतर मित्रपक्षांना सभाळण्यात काँग्रेस व्यस्त राहिली. स्वतःच्या पक्षाची प्रतिमा सांभाळण्यात काँग्रेस कमी पडली कारण तिला डागाळणारे बलाढ्य होत गेले. पुढे राहुल गांधींची प्रतिमा मलिन करायला सुरुवात झाली. एखाद्या व्यक्तीचा प्रभाव सामान्यांवर पडायला लागला
की त्याच्याबद्दल वावड्या उठविण्यात सदशिवपेशी कल्पकता आहे. अशाच व्यक्तीला संपवण्यासाठी ढोंगी देशप्रेमाचा आव आणून संभ्रम निर्माण करण्याच्या दाभिक्तेमधून हा आरएसएस चा पुणेरी सबंध दृढ करतो. इतक्या प्रयत्नात सुद्धा काँग्रेस ही देशात टिकून आहे आणि राहायला पाहिजे कारण आता परत लोकांना
धार्मिक आधारावर जगण्याकडे नेलं जातं आहे. लोकांना सोयीसुविधा आणि प्रगतीच्या संधी ह्या परत धर्माच्या आधारावर देण्याची स्वप्न पेशवाईप्रेमी लोक बघत आहेत. अनेक लोकांना याची भीषणता अजूनही कळत नाही. जर्मन लोकांसारखे एकाधिकार शाहीचं कौतुक करणाऱ्या लोकांना जर्मनी उध्वस्त झाल्यावर त्यांची
चूक कळाली. पण उशिरा उमगलेली चूक ही पश्चातापाशिवाय दुसरं काहीच देऊ शकत नाही. यासाठी लोकशाही टिकून राहिली पाहिजे आणि या साठी काँग्रेसचा विचार एकसंघ राहिला पाहिजे.
भारतीय राष्ट्रीय काँग्रेसच्या स्थापना दिवसाच्या अनेक सदिच्छा
- धैर्यशील पवार

• • •

Missing some Tweet in this thread? You can try to force a refresh
 

Keep Current with मी शेतकरी Dhairyasheel Pawar

मी शेतकरी Dhairyasheel Pawar Profile picture

Stay in touch and get notified when new unrolls are available from this author!

Read all threads

This Thread may be Removed Anytime!

PDF

Twitter may remove this content at anytime! Save it as PDF for later use!

Try unrolling a thread yourself!

how to unroll video
  1. Follow @ThreadReaderApp to mention us!

  2. From a Twitter thread mention us with a keyword "unroll"
@threadreaderapp unroll

Practice here first or read more on our help page!

Did Thread Reader help you today?

Support us! We are indie developers!


This site is made by just two indie developers on a laptop doing marketing, support and development! Read more about the story.

Become a Premium Member ($3/month or $30/year) and get exclusive features!

Become Premium

Too expensive? Make a small donation by buying us coffee ($5) or help with server cost ($10)

Donate via Paypal Become our Patreon

Thank you for your support!

Follow Us on Twitter!