الامهات البتساهم في انتاج اولاد زي ديل للعالم جزء كبير من المشكلة، وده برضو ضرر عميق من أضرار المجتمع الذكوري.

وجزء من أضراره انو حارم الاولاد من الأبوة الصحيحة بسبب مشاكل السودان وكلام الناس وبسبب انو الأب متوقع منو انو يساهم مادياً فقط وممكن فعلاً يكون ٣/٤ اليوم خارج البيت.
المجتمع بينظر لتربية الأطفال كمسؤولية المرأة، ومتوقع منها تساهم في تربيتهم معنوياً وذهنياً وجسدياً وربما مادياً وتشتغل شغل البيت وتعمل كل ده وهو لو حاول يقعد مع عيالو ساي بيقولوا "حارس" الاولاد.
الأب البيمارس أبوته كاملة ومساهم في تربية عيالو ممكن يسمع كلام فارغ كتير من الناس.
"انت باطل ولا شنو؟"
"ماسك العيال وبتأكل فيهم؟ دي شنو حركات النسوان دي؟"
و غيرها من عبارات الذكورة السامة الممكن تأثر فيه لدرجة يتحسس يقضي وقت ويهتم بأولادو وبناتو ويلعب معاهم ويمرقهم بأريحية، خوفاً من كلام الناس الفارغ الما بودي وما بجيب، وفي النهاية الضحايا بيكونوا الاطفال.
الطفل القام في بيت فيهو الأب غير متوفر او غائب عاطفياً (لأنو شايف إظهار العاطفة عيب او "خيابة" او ضعف) وجسدياً (لأنو معظم الوقت برة البيت) وذهنياً (لأنو حتى لمن يكون معاهم بيكون بيفكر في مية شيء تاني او بيكون بس بيشاكل او بينتقد فيهم) بيكبر وأثر الجرح بيظهر في علاقاته مع الناس.
و نفس الشيء ونفس الضرر للطفل القام في بيت فيهو الام غير متوفرة عاطفياً وجسدياً وذهنياً. الأطفال بيحتاجوا امهم وأبوهم الاتنين بنفس المستوى ويساهموا في تربيتهم بكل الطرق لأنو ده حق من حقوقهم علينا، وما مفروض يجي المجتمع يقول ليك العكس او ينتقدك لمجرد انك اب ممتاز او ام ممتازة.
ويا أمهات، عارفينكم بتحبوا اولادكم وهم عارفينكم بتحبوهم، ونوع من إظهار الحب انك تعلميهو من عمر صغير كيف يكون انسان مستقل بنفسه بيحترم غيره وبيعرف يطبخ وينظف ويغسل ويقوم بواجباته المنزلية، الخ..
كونكم "بتتوقعوا" البنات يساعدوكم و"بتتوقعوا" الاولاد ما يساعدوكم جزء كبير من المشكلة.

• • •

Missing some Tweet in this thread? You can try to force a refresh
 

Keep Current with Asadoya

Asadoya Profile picture

Stay in touch and get notified when new unrolls are available from this author!

Read all threads

This Thread may be Removed Anytime!

PDF

Twitter may remove this content at anytime! Save it as PDF for later use!

Try unrolling a thread yourself!

how to unroll video
  1. Follow @ThreadReaderApp to mention us!

  2. From a Twitter thread mention us with a keyword "unroll"
@threadreaderapp unroll

Practice here first or read more on our help page!

More from @Queen_Asadoya

21 Feb
حاجة غريبة وحزينة ومحرجة جداً انو ولد كبير بالغ عاقل عندو مكانتو في المجتمع يكون ما بيعرف يأكِّل ويشرِّب نفسو ويهتم بيها وما بيعرف يكوي ويغسل ويرتِّب المساحة الهو عايش فيها وما بيعرف يهتم بنفسو وبس داير يشرفوا عليهو حياتو كلها زي الطفل🤔
المشكلة بعد ده عادي تجي تلقاهو بيقل أدبو على نفس الناس المشرفة على حياتو دي، ويجي بكل بساطة وبكل بجاحة يقلل من احترام شغل البيت عموماً ويستخدم عبارات سخيفة مثل "البنات مكانهم المطبخ" او يشتبك مع الناس عشان وجبة الغداء اتأخرت او هدومو وسخانة. ياخ قوة عين وقلة أدب عجيبة!
الواحد يغترب ويعيش براهو يلقى نفسو حرفياً ما بيعرف يعمل أي شيء من أساسيات الاهتمام بنفسو ويضطر وهو راجل كبير يا اما يعلم ويربي نفسو من أول وجديد على الإستقلال يا يعيش في فوضى تامة.
او يتزوج والبنت طبعاً تكون هي ضحية الدلع وقلة الأدب والقرصنة الشافها عادية في بيتو وجاها بيها.
Read 6 tweets

Did Thread Reader help you today?

Support us! We are indie developers!


This site is made by just two indie developers on a laptop doing marketing, support and development! Read more about the story.

Become a Premium Member ($3/month or $30/year) and get exclusive features!

Become Premium

Too expensive? Make a small donation by buying us coffee ($5) or help with server cost ($10)

Donate via Paypal Become our Patreon

Thank you for your support!

Follow Us on Twitter!