Thread by @Indumakalktchi

அர்ஜுன் சம்பத்- செய்திக்குறிப்பு!

இந்து மக்கள் கட்சியின் சார்பில் இன்று தேர்தல் பிரச்சாரம் துவங்கியது. கோவை மாவட்டம் கவுண்டம்பாளையம் சட்டமன்றத் தொகுதி, மற்றும் கோவை வடக்கு சட்டமன்ற தொகுதி, ஆகிய பகுதிகளில் .

இந்து மக்கள் கட்சி சார்பில் போட்டியிட விருப்பம் தெரிவித்துள்ள வேட்பாளர்கள் ஆன்மீக அரசியல் கொள்கைகளை முன்னிறுத்தி பிரச்சாரத்தை துவக்கினார்கள்.

இந்த பிரச்சாரத்தில் இந்து மக்கள் கட்சி மாநில தலைவர் தமிழ்த்திரு. அர்ஜுன்சம்பத் பங்கேற்றார்.

கோவை சரவணம்பட்டி அய்யா வைகுண்டர் பதியிலே சிறப்பு வழிபாடுகள் நடத்தப்பட்டு மதியம் மூன்று முப்பது மணிக்கு தேர்தல் பிரச்சாரம் துவங்கியது. சரவணம்பட்டி பேருந்து நிலையம், காந்திமா நகர்,

கணபதி மாநகர், மணியகாரம்பாளையம் உள்ளிட்ட பகுதிகளில் மொத்தம் 11 இடங்களில் இந்து மக்கள் கட்சி சார்பில் போட்டியிடுகின்ற வேட்பாளர்களுக்கு ஆதரவாக பிரச்சாரம் செய்யப்பட்டது.

தமிழகத்தில் 234 சட்டமன்ற தொகுதிகளிலும் இந்து மக்கள் கட்சியின் சார்பில் போட்டியிடுகின்ற வேட்பாளர்கள் விருப்ப மனுக்களை தாக்கல் செய்து வருகிறார்கள். நாளைய தினம் எட்டாம் தேதி மாலை 6மணி யோடு விருப்ப மனு தாக்கல் செய்யும் நிகழ்ச்சி நிறைவடைகிறது.

9,10 தேதிகளில் விருப்ப மனு தாக்கல் செய்தவர்களுக்கான நேர்காணல் நிகழ்ச்சி ஆன்லைன் மூலமாகவும், வெப்பினார் மூலமாகவும், நேர்காணல் நிகழ்ச்சிகள் நடைபெறும்.

11ஆம் தேதி இந்து மக்கள் கட்சியுடைய வேட்பாளர் பட்டியல் வெளியிடப்படும்.

வருகிற 12-ஆம் தேதி வேட்புமனு தாக்கல் செய்கின்ற முதல் நாளன்று இந்து மக்கள் கட்சி வேட்பாளர்கள் வேட்பு மனுக்களை தாக்கல் செய்ய துவங்குவார்கள்.

இதுவரை 190 தொகுதிக்கு இரு நூற்று அறுபதுக்கும் மேற்பட்டோர் விருப்ப மனுக்களை தாக்கல் செய்துள்ளார்கள்.

இன்று காலை கோவை மாவட்ட ஆட்சித் தலைவர் அலுவலகம் அருகில் கிருஷ்ண விலாஸ் ஹோட்டல் கோவை மாநகர் புறநகர் மாவட்டங்களுக்கான விருப்ப மனு தாக்கல் செய்யும் நிகழ்ச்சி நடைபெற்றது.

இதனை தொடர்ந்து தேர்தல் பிரச்சாரத்தையும் இந்து மக்கள் கட்சி துவங்கி இருக்கிறது.

தமிழகத்தில் அதிமுக திமுக இரண்டு கட்சிகளுக்கான தேர்தல் போட்டிகள் உருவாகி உள்ளது இதில் திமுக அணியில் இஸ்லாமிய மத அடிப்படைவாத அமைப்புகள் இடம்பெற்றுள்ளன. அதிமுக பாஜக கூட்டணியில் இந்து மக்கள் கட்சி இடம் பெற விரும்பி கடிதம் அனுப்பி இருக்கின்றது.

5 சட்டமன்ற தொகுதிகள் வரை இந்து மக்கள் கட்சி
கேட்டுள்ளது. இந்துக்களின் குரல் சட்டமன்றத்தில் ஒலிக்க வழிவகை செய்ய வேண்டும். அதிமுக பாஜக கூட்டணியில் இந்து மக்கள் கட்சிக்கு உரிய அங்கீகாரம் வழங்கவில்லை எனில் இந்து மக்கள் கட்சி தமிழகம் முழுக்க 214 தொகுதிகளிலும் இந்து வாக்கு வங்கியை

பலப்படுத்தும் நோக்கத்தோடு தேர்தலை சந்திக்கும். ஆன்மீக அரசியல் கொள்கைகளை முன்னிறுத்தி தேர்தல் பிரச்சாரத்தை நடத்தும். நாங்கள் தேர்தலில் போட்டியிட்டு ஓட்டுக்களை பிரிக்க விரும்பவில்லை.

எப்படியாவது திமுக கூட்டணியை தோற்கடிக்க வேண்டும் என்பதுதான் எங்களுடைய நோக்கம். ஆனால் அதற்காக எங்களுக்கு உரிய அங்கீகாரத்தை கொடுக்காமல் இருப்பது எங்களுக்கு வருத்தத்தை அளிக்கின்றது.

நாங்கள் இந்து ஓட்டு வங்கியை பலப்படுத்துவதற்காக தேர்தலில் நிற்க வேண்டிய கட்டாயத்திற்கு தள்ளப்பட்டிருக்கிறோம். எனவே பாஜக அதிமுக தலைமை நல்ல முடிவை எடுத்து தமிழகத்தில் திமுகவை தோற்கடிக்க எங்களை முழுமையாக பயன்படுத்திக் கொள்ள வேண்டும் என்று நாங்கள் எதிர்பார்க்கின்றோம்.

End.