امبارح كنت زهقانة (ومش اللي هو ماعنديش حاجة أعملها، بالعكس ورايا ألف حاجة بس مأجلاها) وقولت هحط لينك curious cat هنا ويالا بقى نتكلم وكده. بعدين قبل ما أدوس send على طول حسيت ايه ده لأ، ليه؟ ليه بدّي ناس معظمها ماعرفهاش extra access ليّا ممكن يستخدموه عشان يضايقوني anonymously؟
احنا في وقت الـprivacy فيه تكاد تكون مُنعدمة وماعتقدش الناس كان عمرها عندها access لحياة بعض قد دلوقتي. الواحد بيشوف كمية أخبار وآراء وأفكار من كل حتة في العالم، طول الوقت، بطريقة ماكانتش موجودة لحد من ١٠ سنين مثلاً. فـ ليه أروح أزوّد بقى الـintake من ناحية تانية؟
ده غير ان الناس بتتشجع تقول كلام من ورا الشاشة مايقدروش يقولوه في الحقيقة، بس بعيداً عن الموضوع ده. حتى لو مش هيشتموا، حتى لو هيحكوا حاجة أو هيسألوا حاجة، تأثير ده longterm على الواحد إيه؟ انه عارف كل حاجة في حياته وحياة اللي حواليه وشوية حاجات عن ناس عالانترنت مايعرفش حتى اسمهم
وأنا مش شخص هيعرف يبقى unaffected. أنا فيه أسئلة ومواقف اتحكتلي من سنين anonymously ولسه فاكراها ولو أعرف مين اللي سأل/حكى هروح أسألهم ها عملتوا إيه في المشكلة اللي كانت عندكم في ٢٠١٥؟ فـ ليه الانسان بيحمّل نفسه فوق طاقته كده بس عشان يبقى مواكب العصر وموجود على كل الـplatforms؟
• • •
Missing some Tweet in this thread? You can try to
force a refresh
