الفنان المصري #شريف_دسوقي أحد نجوم مسلسل "بـ100 وش" الذي اشتهر بأداء دور "سبعبع" تسبب في حالة صدمة للجمهور بعد الإعلان عن خضوعه عن عملية جراحية نتج عنها بتر ساقه بسبب مرض السكري 
حرص عدد كبير من نجوم الفن على دعم الفنان #شريف_دسوقي والوقوف بجانبه عن طريق رسائل المساندة التي وجهوها له عبر حساباتهم على مواقع التواصل الاجتماعي المختلفة
الفنانة #نشوى_مصطفى كتبت عبر حسابها: "الف الف سلامة عليك يا استاذ باذن الله ربنا هيعافيك بسرعة وباذن الله تمثل كتير ونتعلم من حضرتك يا استاذنا، ادعوا له بتمام الشفاء، الاستاذ تم بتر قدمه أمس، لاحول ولا قوة إلا بالله".
الكاتب والفنان #عمرو_محمود_ياسين حرص على دعم #شريف_دسوقي عبر حسابه حيث نشر صورة له وعلق قائلًا: "الفنان شريف دسوقي.. ألف سلامه عليك، اكيد ده اختبار كبير من ربنا.. وقدر الله وما شاء فعل.. خلي بالك على صحتك وتماسك.."
واستكمل:"وبإذن الله هنشتغل مع بعض قريب لأني من معجبينك.. وأول عمل يكون فيه دور مناسب هسعد بوجودك فيه.. ولتستمر الحياة.. خليك قوي".
محمد يسري نجل الفنان الراحل إبراهيم يسري، كتب عبر حسابه: "بعيدًا عن اد ايه #شريف_دسوقي ممثل قوي جدًا وحقيقي.. بس أنا كمان بحبه أوي على المستوى الانساني، وعدى بصعاب كتيرة ودائمًا كان بيتغلب عليها لأنه مؤمن إنه هيقدر يعديها وده اللي بيعمله دائمًا.. "
وتابع: "#شريف_دسوقي للأسف اتعرض لمشكلة صحية والدكاترة اضطروا لبتر رجله.. انا متأكد مليون في المية انك ان شاء الله هتعدي المحنة دي كعادتك وكمان أنت دلوقتي مش لوحدك، مصر كلها بجد بتحبك و بيدعولك... ربنا يقويك ويقومك لينا بألف سلامة يا شريف ويعديك من المحنة دي يا رب يا حبيبي".
#مصطفى_درويش الذي شارك كذلك في مسلسل "بـ100 وش" عبر عن صدمته من الخبر الحزين، فقال: "للأسف خبر بتر رجل شريف دسوقي حقيقي ادعوا له يا جماعة والله الواحد ما عارف يعمل ايه بس"
واستكمل دعواته: "الله يقويك يا شريف ويشيل عنك كل اللي أنت فيه أنت ماتستاهلش كل ده استغفر الله العظيم يارب، ربي إني لا اسالك رد القضاء ولكني اسألك اللطف فيه.. ادعوا له ربنا يقويه محنه صعبه اوي".
الفنانة #بدرية_طلبة كانت حريصة طوال الوقت على طمأنة الجمهور على الحالة الصحية لـ #شريف_دسوقي، بعد بتر قدمه
فكتبت: "للناس اللي بتتصل وبتبعت رسايل علشان تطمن على الفنان #شريف_دسوقي (سبعبع) كان فيه جرح في رجله الشمال وهو مريض سكر حالته ساءت جدًا وبعد الفحوصات والأشعة قرر الدكتور بتر الرجل من تحت الركبة وهو خرج من أوضة العمليات وحالته مستقرة الحمد لله ادعوا له ربنا يتم شفاه على خير"
كما أنها أعلنت فيما بعد عن خروج #شريف_دسوقي من المستشفى والاستعداد لبدء مرحلة التأهيل النفسي للتأقلم مع وضعه الجديد.
• • •
Missing some Tweet in this thread? You can try to
force a refresh
