Thread by @sindhwildlife

خوبصورت آواز والے پرندے کوئل کا شمار 🇵🇰 کے مقامی پرندوں میں ہوتا ہے۔ زیر نظر ویڈیو تاریخی شاہی باغ شکارپور، سندہ کی ہے جہاں ان دونوں کوئل گاتے ہوئے ملتی ہے۔
کوئل کی سحر انگیز آواز سے تو سبھی متاثر ہیں اور ہم میں سے کافی لوگ یہ بھی جانتے ہیں کہ یہ پرندہ اپنے انڈے کوے کے 1/12

گھونسلے میں رکھتا ہے، پر کیسے آئیے آج آپ کو بتاتے ہیں کہ کس طرح سے یہ ذھین پرندہ کوے جیسے چالاک پرندے کو مات دے کر اپنے انڈے اس کے گھونسلے میں رکھتا ہے، پر اس سے پہلے کوئل کا ذرا سا تعارف ہوجائے تو بہتر رہیگا۔
کوئل ایک اومنی وور پرندہ ہے جوکہ مختلف کیڑے مکوڑے اور جنگلی فروٹس2/12

کھاتا ہے۔ سال کے نو مہینے خاموش رہنے والا یہ پرندہ اپریل کے آغاز سے اپنی مسحور کن آواز سے اپنی موجودگی کا احساس دلانا شروع کر دیتا پے جو کہ اصل میں نر پرندے کی طرف سے 'میٹنگ کال' ہوتی ہے۔
آپ کو یہ جان کر حیرت ہوگی کہ کوئل کوے کو خاص پسند نہیں کرتی باوجود اس کے کوئل سارا سال3/12

کوے کا پیچھا کرتی ہے اور جیسے ہی کوا گھونسلہ بنانا شروع کرتا ہے تو کوئل اندازہ لگا لیتی ہے کہ انڈے دینے کا وقت آن پہنچا ہے۔ مزید خوشگوار حیرت کی بات یہ ہے کہ انڈے کب اور کس ٹائم دینے ہیں، کوئل اس عمل پر مکمل قابو رکھتی ہے یعنی تیار انڈے پیٹ میں موجود ہیں، کب ڈلیور کرنے ہیں 4/12

اس بات کا فیصلہ اچانک ہوتا ہے۔ نر کوئل کوے کے جوڑے پر مسلسل نظر رکھتا ہے،جوں ہی مادہ کوا انڈے دیتی ہے نر کوئل اس کی اطلاع مادہ کوئل کو دیتا ہے۔ نر کوئل حکمت عملی کے طور پر گھونسلے کے مالکان سے الجھتا ہے، گھونسلے اور انڈوں کے دفاع میں نرکوا نر کوئل کو بھگانے لگتا ہے اور وہیں 5/12

پر مادہ کوئل کوا ایک سنگین غلطی کرتی ہے اور اپنے نر کے ساتھ کوے کے خلاف لڑائی میں شامل ہوتی ہے۔ مادہ کوئل جو کہ قریب ہی چھپی ہوئی ہوتی ہے،کوے کے گھونسلے میں آکہ اس کے انڈے گرا کر یا انہی کے ساتھ اپنے 6/12

انڈے ڈلیور کردیتی ہے۔ نر کوئل مشن کی تکمیل پر علائقہ چھوڑ دیتا ہے۔ جب انڈوں سےبچے پیدا ہوتے ہیں تب بھی کوے کو پتہ نہیں چلتا،پر بعد میں جب کوئل کے بچے بڑے ہونے لگتے ہیں 7/12

تو ان کو دھوکے کا احساس ہوتا ہے،تب تک بہت دیر ہوچکی ہوتی ہے۔ ماہرین کے مطابق دھوکے کا شکار ہونے والے کوے وہ علائقہ ہمیشہ کے لیے چھوڑ دیتے ہیں۔
کوا عام طور پر چالاک سمجھا جاتا ہے اور ایسا سائنسی طور پر ہے بھی۔ لیکن کوئل کی حکمت عملی کوے کو مات دے دیتی ہے۔8/12

کہیں ایسا تو نہیں کہ کوئل کا تعارف جاننے کے بعد کوے سے ہمدردی تو نہیں ہونے لگی؟ قدرت کے قوانین غور و فکر اورسبق آموز ہوتے ہیں۔ اس پیراگرف میں خاص بات یہ ہے کہ کوئل کا کوے کے گھونسلے اور انڈوں کے ساتھ یہ عمل کوے کی آبادی کو قابو میں رکھنے کے لیے قدرت کا مکینزم ہے۔ 9/12

بیشک قدرت عظیم ہے۔ راز قدرت انسان کو دعوت فکر دیتے ہیں۔
کوے کی ایکوسسٹم میں موجودگی ضروری ہے کیوں کہ وہ ایکو سسٹم کے خاکروب کے طور پر اپنا رول ادا کرتے ہیں لیکن ان کی تعداد ایک حد سے زیادہ نہیں ہونی چاہیے۔
کوے کے گھونسلے پرکوئل والدین اس وقت تک نظر رکھتے ہیں جب تک بچے بڑے 10/12

نہ ہوجائیں۔ اس دوران اگر ان کو محسوس ہوجائے کہ میزبان والدین بچوں کا خیال نہیں رکھ رہے تو وہ اس گھونسلے کو تہنس نہس کردیتے ہیں۔ ان کے بچے اتنے سخت جان ہوتے ہیں کہ ماہرین کے مطابق ان کے بچ جانے کے بہت زیادہ چانسز ہوتے ہیں۔ علاوہ ازیں یہ بچے خود بھی اتنے چالاک ہوتے 11/12

کہ بقا کی جنگ میں وہ میزبان پرندے کے بچوں کو گھونسلے سے اوائل ایام میں ہی گرا دیتے ہیں۔12/12