ਸ੍ਰੀ ਗੁਰੂ ਨਾਨਕ ਸਾਹਿਬ ਜੀ ਦਾ ਇਹ ਮੁੱਢਲਾ ਸਿਧਾਂਤ ਅਤੇ ਸੰਦੇਸ਼ ਹੈ ਕਿ “ ਕਿਰਤ ਕਰੋ , ਨਾਮ ਜਪੋ , ਵੰਡ ਛਕੋ ” ਇਸ ਨੂੰ ਸਮਰੱਥ ਗੁਰੂ ਸਾਹਿਬਾਨਾਂ ਨੇ ਸਾਡੇ ਵਾਸਤੇ ਪੂਰਨੇ ਪਾਉਣ ਲਈ ਆਪ ਵੀ ਨਿਭਾਇਆ ਤੇ ਆਪ ਕਰਕੇ ਵਿਖਾਇਆ । ਬਹੁਤ ਸਾਰੇ ਭਜਨ ਬੰਦਗੀ ਵਾਲੇ ਮਹਾਂਪੁਰਖਾਂ ਨੇ ਸਿਮਰਨ ਦੇ ਨਾਲ - ਨਾਲ ਕਿਰਤ ਨੂੰ ਵੀ ਅਪਣਾਈ ਰੱਖਿਆ । ੧/੫ 
ਇਸੇ ਤਰ੍ਹਾਂ ਹੀ ਸੰਤ ਗਿਆਨੀ ਜਰਨੈਲ ਸਿੰਘ ਖ਼ਾਲਸਾ ਜੀ ਦਾ ਅੱਖੀਂ ਵੇਖਿਆ ਜੀਵਨ ਹੈ । ਉਹ ਖੇਤੀ ਕਰਦਿਆਂ ਆਮ ਹਾਲੀਆਂ ਦੇ ਹਲ ਜੋੜਨ ਸਮੇਂ ਤੱਕ ਅੱਧੋਂ ਵੱਧ ਕੰਮ ਮੁਕਾ ਚੁੱਕੇ ਹੁੰਦੇ ਸਨ । ਉਹ ਬਹੁਤ ਰਾਤ ਲੈ ਰਹਿੰਦਿਆਂ ਉਠਦੇ , ਨਿੱਤਨੇਮ ਕਰਦੇ , ਸਿਮਰਨ ਕਰਦਿਆਂ ਬਲਦਾਂ ਦੀ ਜੋਗ ਲੈ ਕੇ ਹਲ ਵਾਹੁਣ ਲਈ ਖੇਤ ਚਲੇ ਜਾਂਦੇ । …/੪
ਇਥੇ ਇਹ ਵੀ ਦੱਸਣਾ ਵਾਜਿਬ ਹੋਵੇਗਾ ਕਿ ਉਹ ਹਲ ਦੀ ਪੰਜਾਲੀ ਵਿੱਚ ਜੁੜਣ ਵਾਲੇ ਬਲਦਾਂ ਦਾ ਬਹੁਤ ਧਿਆਨ ਰੱਖਦੇ ਸਨ । ਉਨ੍ਹਾਂ ਨੂੰ ਰੱਜਵੀਂ ਖੁਰਾਕ ਦੇਣੀ ਉਨ੍ਹਾਂ ਦੀ ਧੁੱਪ - ਛਾਂ ਆਦਿਕ ਦਾ ਹਰ ਤਰ੍ਹਾਂ ਖਿਆਲ ਰੱਖਣਾ । ਇਹੀ ਕਾਰਨ ਸੀ ਕਿ ਕਈ ਵਾਰ ਇਹ ਬਲਦਾਂ ਦੀ ਜੋੜੀ ਸੰਤਾਂ ਨੂੰ ਵੇਖਦਿਆਂ ਹੀ ਖੁਸ਼ੀ ਨਾਲ ਫੁਕਾਰੇ ਮਾਰਦੀ ਜਾਂ …/੩
ਸਿਰ ਹਿਲਾ ਕੇ ਅਹਿਸਾਸ ਕਰਵਾਉਂਦੀ ਕਿ ਅਸੀਂ ਵੀ ਤੇਰੀ ਕਿਰਤ ਨਾਲ ਸਾਂਝੀਵਾਲ ਹਾਂ , ਜਦੋਂ ਹਲ ਜੋੜਦੇ ਤਾਂ ਉਨ੍ਹਾਂ ਦਾ ਇੱਕ ਹੱਥ ਹਲ ਦੇ ਮੁੰਨੇ ਉਪਰ ਹੁੰਦਾ ਅਤੇ ਦੂਜੇ ਹੱਥ ਵਿੱਚ ਪਰਾਣੀ ਫੜ੍ਹੀ ਹੁੰਦੀ । ਪਰ ਇਸ ਪਰਾਣੀ ਨਾਲ ਕਦੇ ਵੀ ਉਹ ਬਲਦਾਂ ਨੂੰ ਨਹੀਂ ਮਾਰਦੇ ਸਨ , ਬਲਕਿ ਕੇਵਲ ਹਲ਼ ਚੱਲਦਿਆਂ ਹਲ਼ ਵਿੱਚ ਫਸਣ ਵਾਲੇ …/੨
ਘਾਹ - ਫੂਸ ਨੂੰ ਹੀ ਦੂਰ ਕਰਦੇ ਸਨ ਅਤੇ ਆਮ ਹਾਲ਼ੀਆਂ ਨੇ ਉੱਚੀਆਂ ਹੇਕਾਂ ਵਿੱਚ ‘ਵਾਜ਼ਾਂ ਲਾਉਣੀਆਂ ਜਾਂ ਬਲਦਾਂ ਨੂੰ ਤੇਜ਼ ਚਲਾਉਣ ਲਈ ਉੱਚੀ-ਉੱਚੀ ਗਾਲ਼ਾਂ ਵੀ ਦੇਣੀਆਂ ਇਸ ਸਭ ਕੁੱਝ ਤੋਂ ਉਲਟ ਸੰਤ ਜੀ ਪ੍ਰਭੂ ਰੰਗ ਵਿੱਚ ਹਲ਼ ਵੀ ਵਾਹੁੰਦੇ ਅਤੇ ਆਪਣੀ ਰਸਨਾ ਨਾਲ਼ ਜਪੁਜੀ ਸਾਹਿਬ ਜੀ ਦੇ ਪਾਠ ਕਰਿਆ ਕਰਦੇ । …/੧
ੑ(ਕਿਤਾਬ > ਸੁਹਿਰਦ ਸੰਤ ਖਾਲਸਾ )
ੑ(ਕਿਤਾਬ > ਸੁਹਿਰਦ ਸੰਤ ਖਾਲਸਾ )
• • •
Missing some Tweet in this thread? You can try to
force a refresh
