மன்னர்களிடம் வரியில்லா மானிய நிலங்களைப் பெற்று உழைக்காமல் உட்கார்ந்து தின்றுவிட்டு, வெள்ளைக்காரர்கள் வந்த பிறகு சென்னையில் இருந்தால்தான் வளர்ச்சி் என்று தங்கள் முன்னோர்களுக்கு இலவசமாக கிடைத்த நிலங்களை விற்றுவிட்டு சென்னையின் மையப்பகுதிகளில் குடியேறும் வாய்ப்பு எங்களுக்கு கிடைக்க
வில்லை. அப்படி குடியேறியவர்களின் தலைமுறை இன்று அமெரிக்காவிலும் ஐரோப்பாவிலும் உயர் பொறுப்புகளில் இருக்கிறார்கள். நாங்கள் இப்பொழுதுதான் முதல் தலைமுறையில் படித்து வெளியில் வருகிறோம். பெற்றோர் உதவியில்லாமல் பரம்பரை சொத்துக்களின் பலமில்லாமல் சொந்த உழைப்பில் புறநகர் பகுதிகளில்
அடுக்குமாடி வீடுகளை மட்டும்தான் வாங்க முடியும். மாநகரங்களில் தனி வீடு வாங்க கோடிகள் தேவைப்படும். அதிவும் மையப் பகுதிகளில் கனவு கூட காண முடியாது. மாநகரத்து கல்வி, வேலைவாய்ப்புகள் நம் குழந்தைகளுக்கும் கிடைக்க வேண்டும் என்று நினைப்பதை குற்றமாக பார்க்க வைத்துவிட்டார்கள் போலி
சுற்றுச்சூழல் போராளிகள். எங்கள் முன்னோர்களுக்கும் பிரம்மதேய நிலங்கள் கிடைத்திருந்தால் நாங்களும் அடையாரிலும் பெசனட்நகரிலும் பங்களாக்களில் இருந்திருப்போம். சொந்த உழைப்பில் புறநகர்களில் குடியேறுவதையே குற்றமாக நினைக்க வைத்து எங்களை மீண்டும் கிராமத்திற்கே தள்ளிவிட நினைக்கும் உங்கள்
பிரச்சாரம் யாருக்கானது. நாங்களும் பூவலகின் நண்பரகளே என்று சொன்ன தலைவர்கள் இதன் பின் உள்ள அரசியல் புரிந்துதான் சொன்னார்களா? பாரம்பரியத்தை காப்பாற்றுவோம் என்று சொல்கிறார்களே யாருக்காக? நகரங்களுக்கு நாம் குடியேறக்கூடாது என்றுதான் தந்தை பெரியார் நினைத்தாரா?
• • •
Missing some Tweet in this thread? You can try to
force a refresh
