Thread by @neeumatiko

RIGOBERTA E A TRANSFOBIA ⬇️
Eu nom acuso a Rigoberta Bandini de t3rf. Só sinalo que a sua mensagem parte do cissexismo¹. Falar de tetas, maternidade e a regra nom é "fazer um hino à feminidade" como ela di. Esses elementos nem definem nem som exclusivos das mulheres.

(1/8 🧶)

É certo que tradicionalmente som considerados femininos. Por isso existe tanto tabú com as tetas/regra e tanta imposiçom da maternidade. Por certo, dita imposiçom também se dá nas mulheres trans, mas isso é outro tema.

(2/8 🧶)

A reivindicaçom, polo tanto, é necessária. Mas essa denominaçom de "hino à feminidade" continua a reivindicar SÓ uma feminidade cis chamando-lhe "A feminidade". E isto sem questionar o que é "a feminidade" ou se existe tal cousa.

(3/8 🧶)

Quando às persoas com regra/tetas se nos impom sermos mulheres, e às persoas sem elas se lhes nega sê-lo... a mensagem de "Ay mamá" pode ser questionável. Imaginai uma cançom que falasse dum pénis e se chamasse um "hino à feminidade".

(4/8 🧶)

Há mulheres que o tenhem, sim. Mas poderia ser chamada hino se nom tem em conta todas as feminidades? Por pôr outro exemplo: pode uma cançom que só fale de persoas gays ser um hino de todo o coletivo LGBTIQA?

(5/8 🧶)

Por resumir um pouco: quer dizer isto que Rigoberta Bandini e/ou a sua cançom som transfóbicas? Nom é odio, ela dixo que apoiava as persoas trans. Mas é reproduzir um estereótipo polos esquemas mentais (cissexismo¹) que temos na cabeça.

(6/8 🧶)

De todos os jeitos, também gostaria de escuitar o que pensades. Porque a minha perspetiva como persoa nom-binária AFAB² pode ser diferente da duma mulher cis, ou trans (e se quadra elas tenhem mais que dizer nisto da "feminidade").

(7/8 🧶)

1- CISSEXISMO: estrutura social que leva a considerar as persoas cis (é dizer, aquelas que nom som trans) como "o normal" e as persoas trans como "a outridade".

2- AFAB: persoa à que lhe atribuírom o género mulher ao nascer.

(8/8 🧶)

+ ACLARAÇOM:
O único do que falava no fio era do facto da cançom ser nomeada "hino da feminidade", nom falei da letra. Também penso que é importante deixar isto por escrito ⬇️