Thread by @LabanNgMasa

LUKE ESPIRITU PARA SA SENADO

Sino si Luke Espiritu? A thread.

Si Renecio "Luke" Espiritu ay tubong Bacolod City, Negros Occidental. Nagtapos siya ng kolehiyo sa kursong AB Communication at Juris Doctor sa Ateneo de Manila University. 1/9

Siya ay naging Associate at Senior Associate sa Chavez Miranda Aseoche Law, at noong 2008, ay naging National Executive Council Member ng Partido Lakas ng Masa. 2/9

Pinili niyang magsilbi sa kilusang manggagawa at kinalaunan ay ginampanan ang tungkulin bilang Labor Organizer ng socialist labor center na Bukluran ng Manggagawang Pilipino, at naging spokesperson at National President nito. 3/9

Siya rin ay nagsilbing National President ng Solidarity of Unions in the Philippines for Empowerment and Reforms (SUPER) Federation. 4/9

Bilang batang abogado noong 2000s, tumulong siya sa pagsulat ng petisyon laban sa abuso ng gobyerno, gaya ng iconic na Chavez vs. Gonzales case kung saan hiniling na ibasura ang tangkang pag-censor ni Gloria Arroyo hinggil sa Hello Garci tapes. 5/9

Tumulong organisahin ang mga kaanak ng mga biktima ng extrajudicial killings sa Escalante, Negros noong 2000s na nagpigil sa sunod-sunod na patayan sa lugar na iyon. 6/9

Naipanalo, bilang abogado ng Save Waters in Indang Movement ang kauna-unahang permanent Writ of Kalikasan ng Court of Appeals. 7/9

Bilang pangulo ng SUPER, naipanalo ang mga laban for full regularization ng mga kontraktwal sa APT Manufacturing, Fishta Seafood, at Herco Trading. Beterano ng sampung welga mula 2018-2019, nang nagsiputukan ang iba't ibang pagkilos ng mga kontraktwal. 8/9

Naipanalo ang kalakhan ng mga welgang ito. Naging bahagi rin sya ng iba't ibang kampanya para sa demokrasya, karapatang pantao at hustisyang pangklima. Hanggang ngayon, tuloy-tuloy ang kanyang pagtungo sa mga komunidad ng manggagawa. 9/9

Join! lnm.ph/volunteer

#TayoNaman