Thread by @RealHauleGluck

#Jielimisheni: mchakato wa kupata Katiba Mpya Tanzania ulianza tangu mwaka 2010, wakati Rais wa wakati huo, @jmkikwete alipoamua kuutangazia umma dhamira na nia ya serikali ya CCM kuanzisha mchakato wa kupata Katiba Mpya.

👇🏻

Mchakato wa Katiba Mpys ukaanza rasmi mwaka 2011 kwa kutungwa kwa Sheria ya Mabadiliko ya Katiba Na. 83/2011 na baadaye ikatungwa Sheria nyingine ya Kura ya Maoni Na. 11/2013.

Sheria ya Mabadiliko ya Katiba ilitamka kuanzishwa kwa Tume ya Mabadiliko ya Katiba ambayo ilianzishwa chini ya Waziri mkuu wa zamani, Jaji Joseph Sinde Warioba, ikaratibu mchakato wa kukusanya maoni ya wananchi na kuandaa rasimu ya kwanza ya Katiba.

Kupitia uhariri wa Mabaraza ya Katiba ikapatikana Rasimu ya Pili ya Katiba. Rasimu hii ya pili ambayo ni maarufu “Rasimu ya Warioba” ikawasilishwa kwenye Bunge Maalum la Katiba ambalo kwa kiasi kikubwa lilikuwa & wajumbe wengi kutoka Bunge la JMT na wajumbe Wawakilishi -Zanzibar.

Kwenye bunge hili la Katiba, ambalo Makamu Mweyekiti wake alikua Rais Samia, ndiko joto na mivutano mikali kuhusu masuala kadhaa yaliyomo kwenye katiba ilipoanzia. Baadhi ya wajumbe wa Bunge hilo hasa kutoka CHADEMA walijitoa na kususia mchakato.

Wajumbe waliobaki waliendela na ikapatikana “Katiba pendekezwa” ambayo watanzania wengi waliiona kama imekosa muafaka na maridhiano ambayo ndio msingi wa kuanzisha mchakato wa Katiba Mpya ili kupata Katiba bora ya kitaifa yenye kukubalika na wengi.

@threadreaderapp unroll