Thread by @ShireenMazari1

سول و عسکری تعلقات پر نہایت غیر ضروری طریقےسے بہت سا ذہنی الجھاؤ پیدا کیا جارہا ہے۔چلئے کچھ حقائق واضح کئے دیتے ہیں۔ جمہوریت میں سویلین بالادستی ایک عمومی ضابطہ ہے مگر کسی ریاست کے معاملات کو مؤثر انداز میں چلانے کیلئے سول و عسکری ہم آہنگی لازم ہے۔

عسکری معاملات پر مجھے ہمیشہ سخت گیر مؤقف کی حامل سمجھاجاتا ہےاورمجھے اس پر فخر ہےکیونکہ پاکستان کیلئےمیں بھرپور عسکری صلاحیت خصوصاً کامل ہمہ جہت دفاعی استعداد پر یقین رکھتی ہوں۔ اس کے ساتھ دستورِ پاکستان کے تحت جمہوریت اور سویلین بالادستی پر بھی میرا ایمان کامل ہے۔

چنانچہ سمجھ لیجئےکہ اپنی مرضی کے CMsکی تقرریوں سےPM کسی تکبر کے مرتکب نہیں ہوتےبلکہ یہ اُنکا اسی طرح استحقاق ہےجیسےتینوں سروسزچیفس کی تعیناتیوں پر انہیں صدرِمملکت کومشورہ دینےکاحق حاصل ہے۔DGI کاانتخاب بھی انہی کااستحقاق ہے۔عسکری تقرریوں پر ہمیشہ درست طور پر فوج سےمشاورت کی گئی

آرٹیکلز 243 & 245 ہماری افواج کےآئینی کردار کی وضاحت کرتےہیں چنانچہ اگرفوج فرائض کی ادائیگی میں سویلین قیادت کا ہاتھ بٹاتی ہےتو اس سےہم آہنگی پر استوار سول وعسکری تعلقات کو جِلا ملتی ہے۔اہم قانون سازی میں مدد سول وعسکری تعلقات میں تقویت کو فروغ دیتی ہے۔

تاہم ایسےمواقع بھی آئےجب انسانی حقوق سےمتعلق ناگزیر قانون،جنکی منظوری ہماری حکومت کا پختہ عزم تھی، کی راہ میں روڑےاٹکائےگئے۔ دلچسپ حسنِ اتفاق دیکھئے کہ وہ سیاستدان جو فوج کو گالیاں دیتے آج نہایت خوش ہیں کہ 🇺🇸 ایماء پر حکومت بدلنےکی سازش کےنتیجےمیں حکومت انکے ہاتھ لگ چکی ہے

مگر پھر بہت سےبوڑھے/جوان بلوچ ریاست دشمنی کے الزام میں خاص طور پر اب تک بھی غائب یا گرفتار کیوں کئے جارہے ہیں؟
یوں محسوس ہوتا ہے کہ امریکی تائید کے بعد بدنامِ زمانہ بدعنوان مافیا سیاستدان، ہوش رُبا شواہد کے باوجود مکمل پاک اور صاف ہوچکے ہیں۔
#PakistanNeedsElections

سوال: اگر حکومت اور حکمران جماعت کے بعض اراکینِ پارلیمان کے مابین تعلقات عارضی تناؤ کا شکار ہیں تو اس سے عسکری قیادت کو کیوں تشویش ہونی چاہئیے؟ یہ معاملہ تو محض حکمران جماعت اور اسکی قیادت کیلئے موجبِ فِکر و تشویش ہونا چاہئیے۔
#PakistanNeedsElections

شاید سب سے ستم ظریف حقیقت تو یہ ہے کہ امریکی اشاروں پر حکومت کی تبدیلی کا منصوبہ اس وقت سامنے آیا جب معیشت سنبھل رہی تھی اور بحالی کے آثار نمایاں تھے۔ جب ہم وباء پر قابو پاچکے تھے۔ جب ترسیلاتِ زر اور محصولات بڑھ رہے تھے اور جب شہریوں کیلئے صحت کا مکمل بندوبست کیا جاچکا تھا۔

پھر یہی وہ وقت تھاجب عمران آزاد خارجہ پالیسی تراشتےہوئے 🇺🇸 کو اڈوں کی فراہمی کےامکانات ایبسولیوٹلی ناٹ سےرد کرچکاتھا۔جب وہ امت کوجوڑکر+UNGAکو اسلاموفوبیا کیخلاف یکجاکرکےمغرب کی آنکھ میں کھٹکنےلگاتھا۔ایسےمیں دورہ روس، 🇵🇰 کی آزادی کاایسا اظہار تھاجسےہضم کرنا 🇺🇸 کےبس سےباہرتھا

چنانچہ سازش رچائی گئی جس میں امریکی سرمایہ کاری سےتیار ہونےوالےبہت سےمقامی سہولتکار بروئےکارآئےاور مراسلےنےواضح طور پر اس پر سےپردہ ہٹایا۔ یہ سازش ہی تو تھی کہ حکومت بدل کر اقتدار اس بدعنوان سیاسی مافیا کےسپرد کیا جائےجو امریکی مفادات ہی کی غلامی کرے۔
#امپورٹڈ_حکومت_نامنظور

یہ سازش اب کامیاب ہوچکی ہےاور اپنی قوم کو کسی فانی طاقت کے سامنےنہ جھکنے دینےکا عزم کرنیوالےآزاد مُنش وزیراعظم کی جگہ بدعنوان مجرموں کا ایک رنگ برنگا گروہ بٹھایاجاچکا ہے۔یہ سب ایک منصوبےکےتحت کیاگیا۔غیرجانبداریت نام کی کوئی شے کبھی تھی نہ ہی اس سب میں کہیں دکھائی دیتی ہے۔

اسلام آباد ہائیکورٹ رات گئےمحض اس لئے کھولی گئی کہ اس وقت کےوزیراعظم کی جانب سےآرمی چیف کوہٹائےجانےکےمفروضے پر مبنی درخواست کی سماعت کرسکے۔ واقعی!! یہ فیصلہ کہ آیاعمران خان نےمایوس کیا، امریکی شہہ پر کسی سازش کے ذریعے نہیں، انتخاب کےذریعےعوام کوکرناہے #امپورٹڈ_حکومت_نامنظور

سلام ہےہمارےجوانوں، سپاہئیوں اور سویلین شہداءپر جو ہماری قوم کی حفاظت کی خاطر اپنی جانوں کےنذرانے پیش کررہےہیں۔ سلام ہے ان لوگوں پر جو امریکی سازش کے نتیجے میں پاکستان پر مسلط کردہ #ImportedGovernment کو مسترد کرنے نکل کھڑےہوئےہیں۔ پاکستان زندہ باد!