Tweet

The Lone Wolf

Apr 27 • 20 tweets • 8 min read

गुमनामी बाबा - 1
#महाकाल
#gumnamibaba #नेताजी

ज्या व्यक्तीने भारताच्या स्वातंत्र्य मध्ये प्रचंड मोठी भूमिका पार पाडली ती व्यक्ती काळाच्या ओघात प्रचंड दाबली गेली. ती व्यक्ती म्हणजे नेताजी सुभाषचंद्र बोस. कितीही वर्ष त्यांचा मृत्यू व त्याबाबतची गूढता दाबण्याचा प्रयत्न भारतामध्ये

व भारताच्या बाहेर कायम झालेला आहे तरीदेखील सत्तर वर्ष होऊन सुद्धा या महान माणसाबद्दल असलेली भारतीयांना आत्मीयता ही प्रचंड आहे. त्यांच्या मृत्यूच्या गुढते बाबत जे वलय आहे ते तसेच आहे.

@anujdhar

मी ह्याचा गाढा अभ्यासक नाही परंतु अनुज धर @anujdhar व @chandrachurg यांसारख्या दिग्गज लोकांनी वीस वर्ष हा विषय पिंजून काढला व त्याबद्दल देशात आणि देशाबाहेर त्याचप्रमाणे आयआयटीसारख्या संस्थांमध्ये अनेक व्याख्याने दिली त्याचबरोबर प्रचंड मोठी पुस्तके लिहिली.

ती पुस्तके म्हणजे केवळ कथा नाहीत तर या लोकांनी प्रचंड परिश्रम करून अमेरिकेच्या सीआयए पासून इंग्लंडमधील गुप्तचर संघटनांना त्यांच्याकडून काही कागदपत्रे मिळवून त्याचप्रमाणे भारतामधील असलेल्या नेताजी सुभाषचंद्र बोस यांच्या काही फाईल declassified करायला लावले.

त्या सर्व कागदपत्रांना त्यांनी हजारो पानांच्या पुस्तकांमध्ये छापलेले आहे व नेताजी यांचे नक्की काय झाले याबद्दल प्रचंड शोध घेतलेला आहे. ही सर्व पुस्तके इंग्रजी भाषेमध्ये आहेत त्यामुळे मराठी भाषेत याबाबत फारसे काही वाचायला मिळत नाही. त्यामुळे मी गुमनामी बाबा या नावाने एक लेखमाला

चालू करण्याचा विचार करीत आहे. ज्यामध्ये एकंदरीतच सुभाष चंद्र बोस यांचे 1945 मध्ये नक्की काय झाले व त्यानंतर त्यांच्या मृत्यूबाबत कोणकोणत्या प्रकारच्या संभावना स्पष्ट होत गेल्या, त्यातील किती फोल होत्या व किती खऱ्या या सर्वांच्या बाबतीत मी थोडेफार माझ्या कुवतीप्रमाणे लिहायचा

प्रयत्न करेन.

त्यासाठी आपल्याला थोडे इतिहासात जाऊन देखील डोकवावे लागेल. आपल्याला नक्की स्वातंत्र्य कशामुळे मिळाले याची कारणमीमांसा बघावे लागेल.
मुळातच मूठभर इंग्रज भारतात राज्य कोणाच्या जोरावर करत होते याचा विचार केला असता हे लक्षात येईल

की मूळ इंग्रजांचे पोलीस किंवा सैनिक हे फार कमी होते म्हणजे अगदी दहा हजार देखील असतील नसतील सांगता येत नाही. बाकी संपूर्ण भारत हा इंग्रजांनी आपल्या हाताखाली ठेवला होता तो भारतीय सैनिकांच्या आणि पोलिसांच्या जोरावर. महात्मा गांधी यांचे छोडो भारत हे आंदोलन 1942 साली झाले होते.

त्याचा फारसा परीणाम त्याकाळात झालेला दिसत नाही. हे आंदोलन प्रत्यक्षात प्रचंड मोठे होते तरीदेखील दुसरे महायुद्ध संपेपर्यंत स्वातंत्र्य मिळणार नाही हे सांगून इंग्रजांनी हे आंदोलन दडपले. त्यानंतर दुसरे कोणतेही आंदोलन देशांमध्ये झालेले नाही 1947 पर्यंत. मग असे नक्की काय घडले

ज्यामुळे इंग्रजांनी अचानक देश सोडण्याचा निर्णय घेतला?
1. दुसरे महायुद्ध इंग्लंड जिंकले होते तरीदेखील आर्थिक दृष्ट्या मात्र त्यांचा कणा मोडला होता. दुसऱ्या महायुद्धामुळे एकंदरीतच इंग्लंडची परिस्थिती अत्यंत खराब झालेली होती. हे एक महत्त्वाचे कारण आहे. अशा परिस्थितीमध्ये भारतासारख्य

प्रचंड मोठ्या देशावर राज्य करण्याकरता त्यांचा कस लागला असता.
2. ज्या सैनिकांच्या जोरावर पहिले महायुद्ध व दुसरे महायुद्ध इंग्लंड लढले ते भारतीय सैनिक 1945 आली एका वेगळ्याच गोष्टीमुळे भारावून गेले ती गोष्ट म्हणजे आय एन ए. नेताजी सुभाष चंद्र बोस यांनी स्थापन केलेले INA.

जी गोष्ट गेल्या दीडशे वर्षांत घडली नव्हती ते पहिल्यांदा घडले ते म्हणजे भारतीय सैनिक व पोलीस ज्यांच्या जोरावर ब्रिटिश भारतावर राज्य करत होते तेच सैनिक आता सशस्त्र आंदोलनाचे गोष्ट बोलू लागले होते त्याचे कारण पूर्वेकडून येणारी प्रचंड जोरात विजय मिळवणारे नेताजी सुभाषचंद्र बोस यांची

Indian National Army (INA).अर्थात भारताला स्वातंत्र्य मिळणार करता हजारो देशभक्त मग ते कोणत्याही पक्षाचे असतील त्यांचा हातभार लागलेला आहे यात वाद नाही. परंतु सलग शंभर वर्ष प्रयत्न करत असूनही जे फळ हाताला लागत नव्हते त्याची सुरुवात झाली होते नेताजी सुभाष चंद्र बोस यांच्या पासून.

भारताच्या घटनेचे शिल्पकार व अत्यंत महान व्यक्ती डॉक्टर बाबासाहेब आंबेडकर यांनीदेखील आपल्या बीबीसी या वाहिनीवरील मुलाखतीत हे सांगितलेले आहे की भारताला स्वातंत्र्य मिळण्याचे सगळ्यात महत्त्वाचे कारण म्हणजे नेताजी सुभाषचंद्र बोस हे आहेत. त्या काळातील भारतामधील महान नेत्यांचे

संपूर्ण स्वराज्य किंवा संपूर्ण स्वातंत्र्य हे ध्येय कधीच नव्हते. इंग्रजांच्याच वर्चस्वाखाली आणि मार्गदर्शनाखाली आपल्या लोकांनी आपल्या देशावर राज्य करावे अशी धारणा त्या काळातील प्रमुख लोकांमध्ये आढळून येते. ही गोष्ट नेताजी सुभाषचंद्र बोस यांना कधीही मान्य नव्हती.

स्वतंत्र भारताचे पहिले चलन काढले होते ते नेताजी सुभाषचंद्र बोस यांच्या INA ने.

जर का सुभाषबाबू विमान अपघातात गेले नसते ( सर्वात मोठे गूढ हेच आहे ज्यासाठी ही लेख माला मी चालू केली आहे.) तर कदाचित भारताचे पहिले पंतप्रधान नेताजी झाले असते.

कारण तत्कालिन भारतामध्ये नेताजींची लोकप्रियता अत्यंत तुफान होती.

मी जे काही लिहीत आहे त्या गोष्टी मी अनुज धर यांच्या पुस्तकांमध्ये वाचलेल्या आहेत व त्याच प्रमाणे मला त्या लॉजिकली पटतात. त्यामुळे पुढच्या भागापासून मी सुभाष चंद्र बोस यांच्या मृत्यूच्या गुढतेबाबत ज्या काही शक्यता

आहेत त्याबद्दल व व त्यातील किती शंका खऱ्या व खोट्या याबाबत बोलायचा प्रयत्न करेन. त्यासोबत आवश्यक ती कागदपत्रे व प्रूफ अनुज धर यांच्या पुस्तकातून येथे जोडण्याचा प्रयत्न करेन. बऱ्यापैकी डिटेल मध्ये हे लेख लिहिणार असल्यामुळे त्यांची लांबी जास्त असू शकेल.