Thread by @humiraj1

نوریا کے حسن خیال اور دست ہنر کا لاجواب عکس......
مقبرہ بی بی جیوندی اوچ شریف........
اوچ شریف کی تاریخی اہمیت کی بنیاد یہاں کا مشہور مقبرہ حضرت بی بی جیوندی ہے جو اپنی بوسیدگی اور خستہ حالی کے باعث کسی وقت بھی زمین بوس ہو سکتا ہے، حضرت بی بی جیوندی کے حوالے سے تاریخ👇🏻

میں مختلف روایات ہیں۔ اسلامیہ یونیورسٹی بہاول پور کے شعبہ تاریخ کے سابق سربراہ ڈاکٹر شاہد حسن رضوی کے مطابق بی بی جیوندی کا اصل نام بی بی جندوڈی تھا، آپ سید جلال بن سید حمید کی بیٹی تھیں جو عظیم صوفی بزرگ حضرت مخدوم جہانیاں جہاں گشت کی ساتویں پشت سے تھے،👇🏻

بی بی جندوڈی بڑی عابدہ اور مستجاب الدعوات خاتون تھی، ان کی وفات 805ھ/1402ء میں ہوئی
اوچ شریف کے ممتاز محقق مفتی تنویر احمد مدنی کی تحقیق کے مطابق حضرت بی بی جیوندی، قاضی ہند، فقیہ وقت حضرت بہاء الدین حنفی سہروری بخاری رحمتہ اللہ علیہ کی صاحب زادی تھیں👇🏻

جن کا مقبرہ بہاول حلیم کے نام سے مشہور ہے اور مقبرہ بی بی جیوندی سے متصل ہے۔ حضرت بہاول حلیم حضرت مخدوم جہانیاں جہاں گشت کے تایا زاد بھائی تھے۔ اس لحاظ سے حضرت بی بی جیوندی، حضرت مخدوم جہانیاں جہاں گشت کی بھتیجی اور سید السادات، قطب عالم،👇🏻

جد اعلی سادات برصغیر حضرت شیر شاہ سید جلال الدین حیدر سرخ پوش رحمتہ اللہ علیہ کی پڑ پوتی ہوئیں اور ان کے بڑے بیٹے حضرت محمد غوث بخاری کی پوتی ہوئیں۔ (واللہ اعلم بالصواب)
حضرت بی بی جیوندی کا مقبرہ خراسان کے بادشاہ محمد دلشاد نے 1494ء میں تعمیر کروایا، یہ مقبرہ👇🏻

اپنے زمانے کے ممتاز معمار نوریا کے حسن خیال اور دست ہنر کا لاجواب عکس ہے۔ جن کا مقبرہ بھی ان دو مقابر کے ساتھ واقع ہے
حضرت سید جلال الدین سرخ پوش بخاری بخارا کی سکونت چھوڑ کر پہلے ایران اور بعد میں ہندوستان تشریف لے آئے تھے، یہ وہ زمانہ تھا جب سمرقند و بخارا پر تاتاریوں👇🏻

کی یلغار شروع ہو چکی تھی لیکن ان علاقوں میں آپ کا اور آپ کے خاندان کا اثرو رسوخ تھا، خراسان کا بادشاہ محمد دلشاد بھی آپ کے خاندان کا معتقد تھا
یہ مقبرہ خوبصورتی اور حُسن صناعت کے اعتبار سے آج بھی جاذب نظر ہے اور بلاشبہ ملتانی کاشی کے نفیس اور پائیدار کام کا عجیب و👇🏻

غریب نمونہ ہے، مقبرہ کی تعمیر ہشت پہلو ہے، ہر پہلو پر ایک مخروطی مینار تعمیر کیا گیا ہے، مقبرہ پختہ اینٹوں سے تعمیر شدہ ہے، اس کا طرز تعمیر (سوائے گنبد کے) ملتان کے مقبرہ حضرت شاہ رکن عالم سے مشابہت رکھتا ہے، مقبرہ کو فیروزی، سفید اور نیلے رنگوں کی کاشی گری سے سجایا گیا ہے👇🏻

جس میں گل کاری اور جیومیٹری کے ڈیزائن ہیں، سجاوٹ کے لحاظ سے اپنے دور کے تعمیراتی شاہکاروں میں یہ اپنی مثال آپ ہے
1818ء کو دریائے چناب میں آنے والے سیلاب کی طغیانی نے اس شاندار مقبرے کا نصف حصہ گرا دیا جبکہ باقی آدھے حصے کو محکمہ آثار قدیمہ کی جانب سے آہنی پائپوں کی سپورٹ👇🏻

دے کر حالات کے رحم و کرم پر چھوڑ دیا دیا، اوچ شریف کی تاریخی عمارتوں کو بچانے کے لئے اوچ مانومنٹ کمپلیکس بھی قائم کیا گیا، جس کا عملی کردار کہیں نظر نہیں آتا۔

1998ء میں اقوام متحدہ کے ذیلی ادارے یونیسکو کے ورلڈ ہیریٹیج سائٹ نے مقبرہ بی بی جیوندی سمیت اوچ کے چار مقامات کو اپنی👇🏻

واچ لسٹ میں شامل کیا، جبکہ فن تعمیر کے بے بدل شاہکار مقبرہ بی بی جیوندی کی وجہ سے امریکن ایکسپریس کمپنی نے اوچ شریف کو اولڈ بگ سٹی کا خطاب دیا، ملتانی فن تعمیر کا شاہکار یہ مقبرہ 2000ء میں دنیا بھر کی سو قدیم تاریخی عمارات کی فہرست میں پہلے نمبر پر تھا، امریکی قونصلیٹ👇🏻

برائن ڈی ہنٹ نے 2006ء میں جبکہ پیٹرسن نے 2008ء میں اس شہر کا دورہ کیا اور اس کے عظیم تاریخی ورثے کو محفوظ کرنے کے لئے پچاس پچاس ہزار ڈالرز کا عطیہ بھی دیا جس کا عشر عشیر بھی اوچ کے ان آثار قدیمہ پر لگا ہوتا تو آج ان کی یہ حالت نہ ہوتی،👇🏻

مقبرہ بی بی جیوندی کا یہ زیر نظر شاندار سکیچ سرائیکی وسیب کے مایہ ناز مصور جناب ضمیر ہاشمی کی کاریگری کا نمونہ ہے

#MarchAgainstImportedGovt
#امپورٹڈ__حکومت__نامنظور