Thread by @kingsmanT11

#Thread भाग -१ पेशवे-सर्वश्रेष्ठ कपटपटु
पेशवे म्हटले की सामन्यात: आपल्याला अटकेपार झेंडे, पानिपत, बाजीराव मस्तानी, चिमाजी अप्पा, बारभाई कारस्थान, ध चा म,
काका मला वाचवा अशा खुप गोष्टी आठवतात.
पण यापलीकडेही पेशव्यांची लुप्त ओळख ही सर्वश्रेष्ठ कपटपटु उर्फ कटकारस्थानी पेशवे होय.

२) सध्या पेशव्यांच्या वैचारिक वारसदारीचं बांडगुळ फोफावत चाललं आहे. कारण उत्तर पेशवाईमधे जेवढे हाफ डझनभर बाजीरावांचे असले नसलेले पराक्रम आपल्या सोयीनुसार लिहण्याचा जो सपाटा चालला त्याने सामन्य रयत किंवा इतिहासात रुची ठेवणारे,

३) असे सर्वजन भ्रमित झाले. या पेशवाई हितसंबंधी कलम कसाईंनी पेशव्यांचे असे काही पराक्रम लिहुन ठेवले की त्यांच्या पराक्रमाच्या तेजापुढे, कुंतीपुत्र भीम अर्जुन, राम लक्ष्मण, अंगद, मारुती, अशा सर्व थोर वीरांच्या तेजस्वी तलवारीच-धनुष्याच, गदेचं पाणी पाणी झाल्याशिवाय राहीलं नसणार..

४) शस्र आणि शास्र यांचा अलौकिक संगम जुळवत जणु ब्रम्हदेवानेच आळीपाळीने पिढी दरपिढी बाळाजी विश्वनाथांच्या घरी जन्म घेतला असावा, अशी शक्यता बळावतेच.
ह्या पेशवाई कंपुची लेखणी अशीच शाई ओकत राहिली तर इतिहासात पेशवाई म्हणजे चक्रवर्तीराज्य अशी समाज धारणा होईल.

५) पेशवाई म्हणजे समाजविघातक, स्वराज्यविनाशक, महाराष्ट्राच्या सांस्कृतिक जीवनातील काळा नायटा अथवा गजरकण होय, जो पुढे त्यांच्या वैचारिक पैदाशीनी खाजवुन खरडून मोठा केला. आता त्यावर सत्यशोधनाचा जालीम मलम लावायचे काम तुम्ही आम्ही सामान्यजन करू शकत नाही हे ही खरे.

६ ) पण आपल्या सत्यशोधक लोकांनी त्याची योग्य तजवीज केली आहे, ती धुंडाळून आपण तीच वाचन मनन अवलोकन करणे फार गरेजचे तरच आपण यावर विस्तृतपणे बोलू शकतो अन्यथा मुखवाणी मधे पटाईत असलेले आपल्याला शब्दाच्या जाळ्यात केव्हाही अडकवू शकतात. पेशवे म्हणजे खुप मोठे प्रशासक या भाकड

७ ) कल्पनेला छेद देणारा, पेशवाईला छत्रपतींच्या विचारांची जोरदार उलट सलामी देणारा हा लेख - पेशवाईचा पहिला पेशवा म्हणजे बाळाजी विश्वनाथ हा मूळचा कोकणातील श्रीवर्धनचा तिथे कायस्थ प्रभु कुळकर्णी कडे कारकुनी करायचा, आपल्या जीवनाचा उत्कर्ष साधण्यासाठी हा कोकण सोडून घाटावर आला.

८) घाटावर, धनाजी जाधवांकडे सेवावृत्ती पत्करली, अवघ्या काही काळातच त्याने सातारच्या राजकीय लोकांशी बस्तान बांधले,
छत्रपती शाहूंच्या नाट्यशाळेतील वीरबाई गुलबाई यांच्या वशील्याने बाळाजी छत्रपतीकडे पोहचला. प्रसंगाचा सोळा अणे फायदे करणे व आपल्या हेतुपुढे कोणत्याही नैतिक कर्तव्याला

९) फाट्यावर मारणे यात पेशव्यांचा हात या धर्तीवर कोणी धरूच शकत नाही. पुढे बाळाजी शिकारीच्या क्षुल्लक कारणावरून जाधवांवर उलटला. आपल्या अन्नदात्या धन्याशी बेईमनी करणे या सर्व वेदआज्ञा गुंडाळून उकिरड्यावर फेकल्या असेच म्हणावे लागेल. नंतर चिटणीसांच्या शिफारशीच्या बळावर, -

१०) छत्रपती शाहूकडुन पेशवाईचे वस्त्रे मिळवली. बाहिरोपंत पिंगळ्याना रक्ताचा एकही थेंब ना सांडवता कान्होजी आंग्रेकडुन सोडवून आणल्याबद्दल ही पेशवाई त्याना दिली असेही म्हणतात. पण (बाळाजी विश्वनाथाने पेशवाई मिळवली ती, आपल्या कारकुनीच्या बळावर, शौर्याच्या पराक्रमाच्या बळावर नव्हे.)

११) असा उल्लेख राजराम शास्त्री आपल्या मराठ्यांच्या संबंधाने चार उद्गार या ग्रंथात करतात. नंतर पुढच्या पिढीत त्यांचा पुत्र बाजीराव, खटाला सवाई खट निघाला ह्याच्या राजकाळात मराठेशाही भरभराटीला नक्कीच आली, पण त्याच्या या उदात्त कर्मामागे राष्ट्रीय भावनेचा चिखल जास्त साचला.

१२) याची वाणी ओजस्वी होती, थोड्या कालावधीत छ.शाहूकडून मुख्य प्रधान, सेनापती हे अधिकार प्राप्त केले, व स्वतंत्रपणे कारभार हाकू लागला. याने शाहूंराजेंचा हस्तक्षेप नसावा यासाठी पुण्याला राजधानी हलवली, आणि राजरोसपणे स्वतःला मराठाशाहीचा राजा मानून फर्मान सोडू लागला.

१३) मराठा सरदारांना लुटारू बनवण्याचा कुचाळ प्रघात यानेच पाडला. हे पेशवे छत्रपती समोर आदराने वागत, व मागे कपटीकृत्य करत. याचा चिमाजी अप्पाने छत्रपती शाहूंचा तीन वेळा अपमान केला. स्वामींभक्ती काय असते हे पेशव्याकडे सूक्ष्मदर्शिका लावून पाहिलं तरी दिसणार नाही.

१४) नंतर नानासाहेब यांची कारकीर्द सुरू होण्यापूर्वीच शाहू महाराज वारले, मग तर यांनी सगळेच स्वराज्य बळकावले. नानानी क्षत्रिय मराठेशाहीला ठार पाडुन, भटभिक्षुकशाही व्यवस्थेला नवीन च्यवनप्राश दिले. नानासाहेबाच राजकारण हे मंद विषाप्रमाणे परिणाम करणारं होत. कावेबाजपणा हेच शस्र.

१५ ) शाहुपत्नी माँ सकवारबाई ह्या फार धोरणी मुत्सद्दी पण त्यांचाही टिकाव लागू दिला नाही.
सकवारबाईंनी स्वराज्याला गेलेली प्रतिष्ठा प्राप्त करून दिली असती पण, हे संभव न होऊ देणे यातच नानाच सौख्य सामावल होत. शास्रपुराणांचा आधार देत राणीच्या भावाला नरकाची भीती दाखवत राजपत्नी माँ,-

१६) सकवारबाईंना शाहूंच्या पादुकांच्या सरणावर जिवंत जाळली. यावर आचार्य राजाराम शास्त्री यांचे उद्गार पहा- 'नानासाहेबाने राजपत्नीशी केलेला कावा खरोखरीच आम्हा ब्राम्हणानां खाली पाहावयास लावणारा आहे'
असे हे पेशवे नंतर राजसत्ता मिळाल्याने भयंकर माजले, पदोपदी छत्रपतीचा अपमान करत.

१७) आपल्या दरबारी जातिवंत कुलवंत शूर मराठ्यांना न ठेवता आपले हितसंबंध जपणाऱ्याला ठेवत, शिंदे होळकर तर खुप कर्तृत्ववान पण रक्ताचा ओढा रक्ताकडे ओढला जाऊन त्यानी पेशव्यांना खड्ड्यातल्या विटी प्रमाणे कोलण्यास सुरवात केली. त्यामुळेच यांनी मराठे सरदारांना विविध ठिकाणी विखरून ठेवले.

१८ ) स्वराज्यसंस्थापक छत्रपतीनी उभारलेले सुसज्ज आरमार हे बलाढ्य युरोप राष्ट्राची धडकी भरवत, मात्र त्याच वाटोळं यांनीच केल, तेही इंग्रजांची मदत घेऊन. कोल्हापूर आणि सातारा गादीचा परस्परांशी असलेला जिव्हाळा नष्ट करण्याचे हर यत्न या नानानी केला. दोन घरात शक्य होईल तेवढा बेबनाव केला

१९) आपल्या पेशवाईमध्ये महत्वाच्या हुद्द्यावर आपले चित्पावन जातभाई आप्तेष्ट लोकांस बसवले. रघुजी भोसल्याना मोठी मोठी वचने मुलुख देऊन गार पाडले. मराठा सरदारांमध्ये फूट पाडण्यासाठी जे काही करता येईल ते त्यानी यशस्वी करून दाखवले व महाराष्ट्र मंडळामध्ये कपटद्युत काय असते हे दाखवले.

२० ) शाहूराजे नंतर चलाख स्वभावचा राजा गादीवर बसणार नाही यात पेशव्यांनी आपले षड्यंत्री कसब पणाला लावले, ते एवढे की शकुनी स्वतः येऊन यांच्या पायावर लोटांगण घालेल. ह्या स्वामीभ्रष्ट पेशव्यांनी छत्रपतीना देवळाताला महादेव करून सोडले व स्वतः नंदीबैलाप्रमाणे कारभार शिंगावर घेतला..

असे हे पेशवे यांच्या कपटकारकीर्दीवर लिहायच ठरवले तर 100 महाभारत होतील एवढ्या यांच्या कटकपटकथा आहेत. तुर्तास या भागाला विराम देतो..
संदर्भ - मराठ्यांच्या संबंधाने चार उद्गार- राजाराम शास्त्री भागवत, व प्रबोधनकर

हा थ्रेड इतरांनही शेअर करा जेणेकरून सर्वाना कळेल.👍 #जय_शिवराय

#Thread पेशवे- सर्वश्रेष्ठ कपटपटु ☝️
@PoulAyodhya @abhi_palaskar1 @DangatDhanesh @Nileshjs @Bina_j_2000 @Mostly_Sane24 @Am_here_DURGA @TSYIngle @rohanreplies @Vijay___26 @Anand_Dasa88 @akshaykate007
@rajunachanekar @Tickwood1
@bharat_parody @BrotherTwoGod
@Kranti_evince