Thread by @WaghamareVikas

#महत्वाचा_थ्रेड
छत्रपती संभाजीराजे यांनी महाआघाडीकडे राज्यसभेची उमेदवारी मागितली, काही दिवस वाटही पाहिली मात्र त्यांचा राष्ट्रवादी आणि शिवसेनेने अक्षरशः अपमान केला, जेव्हा पहिल्यांदा राज्यसभेचा विषय आला आणि राजेंनी सांगितलं की "मी अपक्ष फॉर्म भरणार आहे मला मदत करावी." तेव्हा+

राष्ट्रवादीचे शरद पवार म्हणाले आमचा उमेदवार निवडून येऊन उरलेली मतं आम्ही संभाजीराजेंना देणार! उरलेली? खरंतर उरलेली मतं हा शब्दच चांगला नाही, तुम्हाला द्यायची होती तर हक्काची उमेदवारी आणि तीही पहिली द्यायला पाहिजे होती. मात्र त्या स्टेटमेंट नंतर 24 तासांनी शरद पवारांनी पलटी मारली+

आणि शिवसेना सहाव्या जागेवर ज्यांना उमेदवारी देईल त्यांना आम्ही आमची मते देणार अशी घोषणा केली. म्हणजे संभाजीराजे यांना दिलेला शब्द 24 तासात फिरवला.

मुख्यमंत्री उद्धव ठाकरे यांनी तर कमाल केली, थेट संभाजीराजे यांना अटी शर्ती आणि अल्टीमेटम देत दुसऱ्या दिवशी 12 वाजेपर्यंत मातोश्रीवर+

या दोरा बांधायचा आहे असा जणू आदेशच सोडला. त्याला राजेंनी पद्धतशीर कोलला तो भाग निराळा! पण त्यात अजून अशा अटी होत्या म्हणे उद्धव ठाकरेंच्या नेतृत्वात काम करावं लागेल, सर्व बैठकांना हजर रहावं लागेल, पक्षाच्या प्रचारासाठी सक्रिय शिवसेनेचे म्हणून फिरावं लागेल. आणि हे सर्व मान्य असेल+

तर मातोश्रीला या आणि जर प्रवेश केला तरच उमेदवारी देणार आणि तीही सहाव्या नंबरची हा सेनेचा अजेंडा होता. त्याला संभाजीराजेंनी लाथाडला!

राजेंना महाआघाडी उमेदवारी देणार नाही हे आता उघड आहे, आणि शिवसेनेने तर आपला संजय पवार हा उमेदवारही काल जाहीर केला आहे, त्यानंतर मात्र संजय राऊत+

यांनी जे स्टेटमेंट दिले ते कानपिचक्या देणारे आहे, या संजय पवारांच्या उमेदवारी संदर्भात बोलताना राऊत म्हणतात, "संजय पवार हा मावळा आहे, आणि मावळे असतात म्हणून राजे असतात." याचा अर्थ राजेंना उमेदवारी तर मिळणारच नाही पण राजेंचा अपमानही केला.

मुळात ज्या शिवरायांच्या नावावर सेना इतकी+

वर्षे राजकीय पोळी भाजते त्यांना बिनशर्त आणि हक्काच्या जागी उमेदवारी द्यायला कसली अडचण आहे? मला तर वाटत होतं संजय राऊतांच्या जागेवर संभाजीराजे यांना उमेदवारी द्यायला हवी, कारण गेल्या 15 वर्षात राऊतांनी खासदार असूनही वाद आणि काड्या निर्माण करण्याशिवाय वेगळं काय केलं आहे? मग अशा+

वाचळवीराला चौथ्यांदा खासदारकी देण्यापेक्षा एकदा राजेंना द्यायला हवी अशी राज्यभरातील लोकांची मागणी आहे.

आणि खरंतर संभाजीराजे यांना भाजपापेक्षा आजपर्यंत राष्ट्रवादी आणि शिवसेनाच जवळची वाटत आली आहे, मराठा आरक्षण मूक मोर्चाला मुका मोर्चा म्हणणारी शिवसेना राजेंना जवळ वाटली, राजे+

उपोषणाला बसले होते तेव्हा तब्येत ढासळेपर्यंत कुणी सरकारचा एकही माणूस फिरकला नव्हता, याच संजय राऊतांनी उदयनराजेंना वंशजांचा पुरावा मागितला होता. वारंवार राजघराण्याचा अपमान करण्याचे जणू टेंडरच यांनी घेतले आहे.

आता काहीजण म्हणतात की भाजपा का राज्यसभा देत नाही, तर तयांच्या+

माहितीसाठी सांगतो, पहिल्यांदा आणि तेही कोणत्याही अटी शर्ती न ठेवता बिनशर्त राष्ट्रपती कोट्यातून संभाजीराजे यांना देवेंद्र फडणवीस यांच्या प्रयत्नाने खासदार केले होते, ते सहा वर्षे खासदार होते, त्यानंतर त्यांना कधीही भाजपने आमच्या झेंड्याखाली काम करा, पक्षाचा प्रचार करा असे+

सांगितले नाही. आणि त्यानंतर गडकिल्ल्यांच्या संवर्धनासाठी रायगड प्राधिकरण स्थापन करून त्यांना त्याचे अध्यक्ष केले, कॅबिनेट मंत्री दर्जा दिला. दिल्ली दरबारी त्यांना कायम VIP ट्रीटमेंट मिळावी याची सर्व व्यवस्था लावली गेली. भाजपाने कायम संभाजीराजे यांचा सन्मानच केला हे खुद्द राजेंना+

माहिती आहे.

तरीही एकदा राजे म्हणाले होते मी, भाजपच्या जीवावर खासदार झालेलो नाही. मी राष्ट्रपती नियुक्त खासदार आहे. खासदारकी दिली तर काय उपकार केलेत का? यानंतर भाजपच्या एकही नेत्याने कधी त्यांच्यावर ना टीका केली, ना चकार शब्द काढला! असो!

संभाजीराजे यांचीच इच्छा आहे की त्यांना+

आघाडीने आणि शिवसेनेने राज्यसभेत खासदार करावं तर शिवसेनेने यांचा अपमान न करता राऊतांची हक्काची जागा मोठ्या मनाने छत्रपती संभाजीराजे यांना द्यावी, शिवरायांच्या नावाने इतके दिवस राजकारणच केले आता सन्मान देण्याची वेळ आहे, तो हक्काची जागा देऊन द्यावा. जर सेना काँग्रेसमधून आलेल्या+

प्रियांका चतुर्वेदी यांना राज्यसभेत पाठवू शकते तर राजेंना का नाही? हा खरा सवाल आहे!

- विकास विठोबा वाघमारे
मोहोळ, जि. सोलापूर