Thread by @Riaz_Hussain77

اسلام آباد کس کا مال غنیمت ہے؟
#یادگار_تحریر
اسلام آباد ہائی کورٹ نےایک تاریخی فیصلےمیں قرار دیا ہےکہ ریاست کی زمین اشرافیہ
کیلئےنہیں ہے آئیے ذرا دیکھتےہیں
اسلام آباد میں اشرافیہ نےریاست کی ز مین کےساتھ کیاسلوک کیاھے اور اگر عدالت کےاس فیصلےکی روشنی میں وفاقی کابینہ کوئی
👇1/20

اصول طےکر نےکی ہمت کر لےتو کیا کچھ تبدیل ہو سکتا ہے

اسلام آباد میں ایک شفاء ہسپتال ہےجسےقومی اسمبلی کی دستاویزات کے مطابق نوے کی دہائی میں ڈھائی ایکڑ سرکاری زمین محض ایک سو روپےمربع فٹ کےحساب سےعنایت فرمائی گئی۔یہ اسلام آباد کا مہنگا ترین ہسپتال ہےحالت یہ ہےکہ ڈھائی ایکڑ
👇2/20

زمین لےکر بھی یہاں ڈھنگ کی پارکنگ نہیں یہ ہسپتال اس علاقےمیں واقع ہےجہاں ایک مرلہ زمین کی قیمت کروڑ روپےتک ہو گی۔سوال یہ ہےکہ اگر یہی زمین مارکیٹ میں فروخت کر دیجاتی اور اس سےحاصل ہونیوالی رقم سرکاری ہسپتالوں پر لگائی جاتی تو کیا پولی کلینک اور پمز کی قسمت ہی نہ بدل جاتی؟
3/20

یہی نہیں اس رقم سے اسلام آباد میں دو چار مزید اچھے ہسپتال بھی قائم کیےجا سکتےہیں
ویراعظم ہائوس اور پارلیمان کے پڑوس میں ہی اشرافیہ کیلئےایک عدد کلب ہے۔اسکا نام اسلام آباد کلب ہے۔ اس کلب کے پاس 244 ایکڑ سرکاری زمین ہےآپ یہ جان کر سر پیٹ لینگےکہ یہ زمین اس کلب کو مبلغ
👇4/20

ایک روپیہ فی ایکڑ سالانہ پرعطا کی گئی تھی
2018 میں اس ریٹ پر نظر ثانی کی گئی اور یہ رقم بڑھا کر گیارہ روپےکر دیگئی۔مبینہ اشرافیہ سرِ شام یہاں تشریف لاتی ہےاور مزے کرتی ہےآج تک کسی نےپارلیمان میں حکومت سےیہ کہنےکی ضرورت محسوس نہیں کی کہ د نیا کےپانچ براعظموں میں ہم قرض کے
👇5/22

حصول کیلئےگھوڑےدوڑاتےپھر رہے ہیں لیکن اپنی شاہ خرچیوں پر توجہ دینےکی فرصت نہیں کہ ہم
نےکیسےکیسے سفید ہاتھی پال رکھے ہیں
ذرا تصور کیجیےسرینا ہوٹل سے چند قدم کےفاصلے پر واقع یہ244 ایکڑزمین اگر مارکیٹ ریٹ پر کسی کو دیجائے تو قومی خزانے میں کتنی بھاری رقم جمع ہو سکتی ہے
👇6/20

آپ بیوروکریسی کےکمالات دیکھئے
مال مفت حکومت سے لیا۔زمین سرکاری ھے جو قوم کی امانت ہے لیکن زمین پر بنائےگئے کلب کو لمیٹڈ کمپنی قرار دے دیا بعد میں صدر پاکستان کےحکم سےاسے حکومتی تحویل میں لے لیا گیا اوراب اسے وزارت کھیڈ دیکھ رہی ہے۔لیکن یہ بندوبست بھی صرف کاغذوں میں ہے
👇7/20

آڈیٹر جنرل کی رپورٹ پڑھئےنہ صرف ہوش ٹھکانےآ جائینگے بلکہ یہ بھی معلوم ہو جائےکہ ریاست کےاندر ریاست کیا ہوتی ہے اور
وزیراعظم ہائوس کے پہلو میں بیٹھ کر بھی کیسےکامیابی سےچلائی جا سکتی ہے

ملین سےز یادہ اسکی ممبر شپ فیس ہےاشرافیہ کا یہ کلب ہےاور وہ بھی کمرشل۔سوال یہ ہے
👇8/20

اس اشرافیہ کا بوجھ ریاستی وسائل کیوں اٹھائیں؟ نہ یہ حکومتی ضابطےکو خاطر میں لاتاہےنہ اسےپیپرا رولزکی کوئی پرواہ ہے۔بےزبان عوام کسی سوسائٹی یا ٹاور میں زندگی بھر کی جمع پونجی سےفلیٹ خرید لیں تو اسےگرا دیا جاتاھےلیکن اشرافیہ پورے244ایکڑ ہضم کرکے بیٹھی ہو تو قانون اسکی جانب
👇9/20

نظر اٹھا کر نہیں دیکھتا
آگے چلیے۔، اسلام آباد کلب کے ساتھ ہی آگے ایک اور کلب ہے۔ اسے گنز کلب کہتے ہیں۔ اس کو 72 ایکڑ زمین لیز پر دی گئی ہے اور سپریم کورٹ نے چند سال پہلے وفاقی حکومت کو نوٹس جاری کیا تو معلوم ہوا بالکل مفت دی ہوئی ہے۔ حکومت نےکلب سے ایک روپیہ بھی نہیں لیا
👇10/20

سپریم کورٹ کےنوٹس پر مزید انکشافات اسوقت ہوئےجبCDA نےعدالت کےحکم پر رپورٹ جمع کرائی
رپورٹ میں بتایاگیا حکومت پاکستان نےپاکستان سپورٹس بورڈ کو جوز مین لیز پر دے رکھی تھی اس نےاس زمین میں سے44 ایکڑ ایک کلب کو عطا فرما دیےہیںCDA نےایک اور انکشاف بھی کیا کہ اسے حکم دیا گیا
👇11/20

کہ گنز کلب کو مزید 28 ایکڑ زمین دی جائے اور اس کا کوئی کرایہ نہ لیا جائے۔

اسلام آباد کلب کے ساتھ ہی صرف 150 ایکڑ زمین پاکستان گالف فیڈریشن کو عطا فرمائی گئی ہے۔ آپ کو یہ جان کر خوشی اور مسرت ہو گی کہ یہ زمین صرف 2اعشاریہ 41 روپے فی مربع فٹ سالانہ پر لیز کی گئی ہے۔
👇12/20

اسلام آباد ہائی کورٹ کا حالیہ فیصلہ ایک سنگ میل ہے۔اس فیصلے میں کہا گیا ہے کہ اسلام آباد کے خصوصی سیکٹرز میں جج ، بیوروکریٹس اورافسران کے لیے پلاٹ مختص کرنے کی سکیم نہ صرف غیر آئینی اور غیر قانونی ہے بلکہ اس سے قومی خزانے کو 10 کھرب کا نقصان پہنچا ہے۔ اب اگر چند مرلوں
👇13/20

اور کنالوں کی اس طرح کی تقسیم سے قومی خزانے کو دس کھرب کا نقصان پہنچ سکتا ہے تو اندازہ لگائیے کہ جنہیں ایکڑوں کے ایکڑ انتہائی معمولی اور علامتی قیمت پر لیز پر دیے جا چکے ہیں وہاں قومی خزانے کو پہنچنے والے نقصان کا تخمینہ کیا ہو گا۔

اسلام آباد دارالحکومت ہے مگر عوام
👇14/20

کے لیے مناسب قیمت پر کوئی ایک ہائوسنگ سیکٹر نہیں بنایا جا سکا۔ وزارتوں اور اشرافیہ نے اسے مال غنیمت کی طرح تقسیم کر رکھا ہے۔ یہ آئی بی کی سوسائٹی ہے ، وہ سینیٹ کی ، یہ وزارت صنعت کی سوسائٹی ہے، وہ ایوان صدر کی، یہ سپریم کورٹ کے ملازمین کا سیکٹر ہے اور وہ سپریم کورٹ
👇15/20

کے وکیلوں کا۔ یہ اوور سیز کی وزارت کا سیکٹر ہے وہوہ منسٹری آف کامرس والوں کا۔ یوں لگتا ہے اسلام آباد کو انہوں نے چنگیز خان سے لڑ کر فتح کیا تھا اور اب یہ ان کا مالِ غنیمت ہے۔
ساری عمر مراعات کے مزے اٹھانے والے بیوروکریٹ آخر میں چند لاکھ کا پلاٹ ہتھیاتے ہیں
👇16/20

اور ریٹائرمنٹ کے دو سال بعد کروڑوں میں بیچ کر منافع سے اسلام آباد کلب کی دھوپ میں چائے پیتے ہیں اور رات کو ٹی وی ٹاک شوز پر اس قوم کی رہنمائی فرما تے ہیں کہ احتساب کیسے ہونا چاہیے اور قومی وسائل کو برباد ہونے سے بچانےکے رہنما اصول کیا ہیں
فوجیوں کےججز #گٹھ_جوڑ کا شاخسانہ
👇17/20

یہ تحریر چونکہ اسلام آباد سے متعلق تھا اس لیے لاہور کی طرف رخ کرنے کی ہمت نہیں ہوئی۔ لاہور کے رہنے والے اگر چاہیں تو خود حساب کتاب کر لیں
لاہور کا پوش ایریا اس اشرافیہ کی ملکیت ھے جو لاہور ڈیفینس کے نام سے جانا جاتا ھے
یہ جو اشرافیہ کے لیے جم خانہ کلب قائم ہے
👇18/20

کیا یہ اشرافیہ کے آبائو اجداد میں سے کسی نے خرید کر ان کے لیے مختص کیا تھا یا یہ بھی اصل میں ریاست کی زمین ہے جو اشرافیہ کے حوالے کر دی گئی ہے تا کہ ان کی تفریح کا بوجھ بھی اس نیم خواندہ قوم پر ڈالا جائے جس کے شعور کی مبلغ سطح ابھی تک بس اتنی ہی ہے کہ اشرافیہ میں سے
👇19/20

کوئی اٹھ کر قومی خزانے سے ایک گلی اور چار گٹر بنوا دے تو یہ مبارک سلامت کے بینروں سے پورا محلہ یوں بھر دیتی ہے جیسے اشرافیہ نے ابا حضور کے مربعے اور فیکٹریاں بیچ کر غریب رعایا کے لیے یہ گلی اور گٹر بنوائے ہیں۔
#ہائے_لٹ_گیا_میرا_وطن
End
پلیز فالو اور شیئر کریں 🙏