Thread by @Lorrykaran

சர்க்காரியா விசாரணை ஆணைய அறிக்கையின் முதல் தொகுப்பில், பக்கம் 52 மற்றும் 53லிருந்து ஒரு சில பகுதிகள்..

நெ 9, முதல் குறுக்குத் தெரு, ராசாஅண்ணாமலைபுரம், சென்னை என்ற முகவரியைக் கொண்ட வீட்டினை இ.எல்.விஸ்வாசத்திடமிருந்து 20.1.1969 ல் ரூ 57000 கொடுத்து வாங்குகிறார் ராசாத்தி அம்மையார்

இந்த வீட்டை 21.8.1970 தேதியிட்ட ஆவண எண் 1523/70 மூலம் தன்னுடைய பாதுகாவலர் டி.கே. கபாலிக்கு விற்றுவிட்டார் ராசாத்தி அம்மையார் . இந்த வீட்டை வாங்கிய கபாலி ராசாத்தி அம்மையாருக்கு ரூ 14 ஆயிரத்தைத்தான் தன் முன் கொடுத்தார் என்று பதிவாளர் மேற்படி ஆவணத்தில் குறிப்பினை எழுதியுள்ளார்

அதே நாளன்று கபாலியின் பெயரில் பதிவு செய்யப்படாத குத்தகை ஆவணத்தை தயாரித்து அதன்படி மாதாந்திர வாடகை ரூ. 300 என்கிற அடிப்படையில் அதே வீடு ராசாத்தி அம்மையாருக்கு வாடகைக்கு விடப்படுகிறது.
அதாவது, தான் விற்ற வீட்டிலேயே ராசாத்தி அம்மையார் தொடர்ந்து வாடகைக்கு குடியிருந்து வருகிறார்.

30.1.1972 அன்று மேற்படி வீட்டை கபாலி, திருமதி சிவபாக்யம் என்பவருக்கு ரூ 45 ஆயிரத்துக்கு விற்றுவிட்டார். அதாவது, ரூ 12,000 நஷ்டத்திற்கு விற்றுவிட்டார். ராசாத்தி அம்மையாரின் தாயார் தான் இந்த சிவபாக்யம்!!. இந்த விற்பனைக்கு பதிவு செய்யப்பட்ட ஆவணம் இருக்கிறது.

20.3.1972 அன்று இதே வீட்டை தனது மகள் ராசாத்தி மற்றும் பேத்தி கனிமொழி பெயரில் எழுதி வைத்துவிட்டார் சிவபாக்யம். தனது காலத்திற்குப் பிறகு இந்த வீடு தனது மகளுக்கும், பேத்திக்கும் போய் சேரும் என்று மேற்படி ஆவணத்தில் குறிப்பிடப்பட்டுள்ளது.

13.3.1973 அன்று தாக்கல் செய்யப்பட்ட தன்னுடைய வருமான வரி அறிக்கையில், இந்த வீட்டை வாங்குவதற்காக கபாலியிடம் இருந்து ரூ 40,000 கடனாகப் பெற்றேன் என்றும், சொந்த சேமிப்பு ரூ 23,000 என்றும், மொத்தம் ரூ 63,000 என்றும் ராசாத்தி அம்மையார் குறிப்பிட்டு இருக்கிறார்.

ஆனால் பதிவு செய்யப்பட்ட ஆவணத்தின்படி ரூ57000 கொடுத்து தான் வீடு வாங்கப்பட்டு இருக்கிறது கடனாக பெற்றதற்கு 11.1.1970 தேதியிட்ட பதிவு செய்யப்படாத ஆவணம் ஆதாரமாக காட்டப்பட்டு இருக்கிறது
இந்த ஆவணத்தின்படி கடன் பணம் ரூ15000, ரூ15000 மற்றும் ரூ10000 என்று திருப்பி செலுத்தப்பட வேண்டும்.

இவ்வாறு திருப்பி செலுத்தப்படவில்லையெனில் மேற்படி வீடு கபாலிக்கே விற்கப்பட வேண்டும். இது சம்பந்தமான பத்திரம் தயாரிக்கப்பட்டு 21.8.1970ல் ராசாத்தி கையெழுத்து இட்டு இருக்கிறார்.பின்னர் அந்த சீட்டில் ராசாத்தியிடமிருந்து ரூ 40000 பெற்றுக்கொண்டு விட்டேன் என்று எழுதியிருக்கிறார் கபாலி.

இந்த சீட்டு 23.3.1976 அன்று வருமான வரித் துறையினரால் கைப்பற்றப்பட்டது. 11.4.1973 அன்று கபாலியால் தாக்கல் செய்யப்பட்ட வருமான வரி அறிக்கையில் ராசாத்திக்கு ரூ 40,000 கொடுப்பதற்காக சிவபாக்கியத்திடமிருந்து ரூ 20,000 கடனாகப் பெற்றேன் என்று குறிப்பிட்டு இருக்கிறார் கபாலி.

அதாவது ராசாத்திக்கு கடன் கொடுப்பதற்காக ராசாத்தியின் தாயார் சிவபாக்கியத்திடமிருந்து பணம் வாங்கியதாக ராசாத்தியின் பாதுகாவலர் கபாலி குறிப்பிட்டு இருக்கிறார்!!.

இவ்வளவு நடந்தும் இந்தக் குற்றச்சாட்டு எதுவுமே நிரூபிக்கப்பட முடியவில்லை...

இது கருணாநிதியின் விஞ்ஞானபூர்வ ஊழலுக்கு ஒரு சிறிய எடுத்துக்காட்டு- ஜெயலலிதா அவர்களின் 2011 ஆம் ஆண்டு அறிக்கை

The real tag is Founder of corruption

But now trending tag is..... #HBDFatherOfCorruption