Thread by @Kaalabala1

மீள் பதிவு:

நண்பர் ஒருவர் கலைஞர் முதல்வராக இருந்த போது அவரை வரவேற்க வந்திருந்த மாணவர் ஒருவர் கண்கலங்கி நிற்பதை பார்த்த கலைஞர் தாயுள்ளத்தோடு அது பற்றி விசாரித்து அந்த மாணவரை மருத்துவர் ஆக்கிய வரலாறு ஒன்றை பற்றி பதிவிட்டிருந்தார்.

கலைஞர் கருணை வடிவானவர் என்பது உண்மை தான் என்றாலும், அவரின் அன்பு மகன் மட்டும் சளைத்தவரா என்ன???? அவரின் அன்பு மகன் கருணையில் ஏசுநாதரை விட ஒருபடி உயர்ந்தவர் என்று அருகில் இருந்து பார்த்தவர்கள் உறுதியாக சொல்கிறார்கள்.

கடந்த வாரம் கலைஞரின் அன்பு மகன் கொரோனா முன்னேற்பாடு நடவடிக்கைகளை மேற்பார்வையிட சென்னையில் உள்ள கீழ்பாக்கம் மருத்துவ கல்லூரி மருத்துவமனைக்கு சென்றிருக்கிறார். அங்கு ஆய்வுகளை செய்து முடித்துவிட்டு,

மருத்துவமனை வளாகத்தில் தேனீர்கடையில் தேனீர் அருந்தலாம் என்று வந்த முதல்வரின் கண்களில், ஒரு ஓரமாக நின்று தேம்பி, தேம்பி அழுது கொண்டிருந்த அந்த வாலிபர் கண்ணில் பட்டிருக்கிறார். மனம் பதைத்து போன அன்பே வடிவான கலைஞரின் அன்பு மகன், அந்த வாலிபரை அருகில் அழைத்து,

அழுவதை நிறுத்துமாறு கூறிவிட்டு, தன்னுடைய வேட்டியால் அவர் முகத்தை துடைத்து விட்டு விட்டு, அவரிடம் அழுவதற்கான காரணத்தை பற்றி விசாரித்து இருக்கிறார்.

அன்பே வடிவான முதல்வரை அருகில் இருந்து பார்த்தாலும், அவரே தனது வேட்டியால் முகத்தை துடைத்து விட்டதால்

திக்குமுக்காடி போயிருந்த அந்த வாலிபருக்கு மூச்சே நின்றுவிடும் போல் ஆகிவிட்டது. கலைஞரின் அன்பு மகனின் பரிவான கவனிப்பில் பேச்சு மூச்சு இல்லாமல் உறைந்து போய் நின்றிருந்த அந்த வாலிபருக்கு பேச்சே வரவில்லையாம். அவரது நிலையை உணர்ந்து கொண்ட தளபதியாரும்,

தன் கையாலேயே தேனீர் வாங்கி அந்த வாலிபரை பருக வைத்து, அவரை ஆசுவாசப்படுத்தி விட்டு மீண்டும் அவர் அழுவதற்கான காரணத்தை பற்றி விசாரித்து இருக்கிறார்.

முதல்வரின் கவனிப்பால் சற்று ஆறுதல் அடைந்திருந்த அந்த வாலிபர், ஒருவாறாக தன்னை தேற்றிக்கொண்டு, திக்கி திணறி, நீட், தேர்வு, தோல்வி,

குடும்ப கஷ்டம் என்று ஒரு சில வார்த்தைகள் மூலம் தனது நிலமையை விளக்க முயன்றிருக்கிறார். அவர் நீட் தேர்வில் தேர்ச்சி பெறாமல் போனதால், மருத்துவ கல்லூரியில் சீட்டு கிடைக்காமல் போனதை எண்ணி தான் இப்படி கண்ணீர் விட்டு அழுகிறார் என்று தானாகவே புரிந்து கொண்ட கலைஞரின் அன்பு மகன்,

இந்த கொடுமையை காண சகிக்காமல் தானும் கண்ணீர் சிந்தினாராம். இதற்காக தான் தானும் தன் அரசாங்கமும் நீட் தேர்வை கடுமையாக எதிர்த்து வருவதாக அறிவித்த தளபதியார், தன்னுடன் வந்திருந்த அதிகாரிகளை உடனே அழைத்து அந்த வாலிபரை டாக்டர் ஆக்க என்ன வழி என்று கேட்டிருக்கிறார்.

முதல்வருடன் வந்திருந்த அதிகாரிகள், நீட் தேர்வை எழுதி தேர்ச்சி அடையாமல் மருத்துவர் ஆக வழியில்லை என்று திமட்டவட்டமாக கூறிவிட, அப்படியானால் இவருக்கு கௌரவ டாக்டர் பட்டமாவது அளித்து இவரை டாக்டர் ஆக்க முடியுமே என்று மடங்கி கேள்வி கேட்க, அவரது சமயோஜித புத்தி, அறிவுக்கூர்மை

ஆகியவற்றை கண்டு கூட வந்த அதிகாரிகள் ஆச்சரியப்பட்டு போனார்களாம். அதன் பின்னர் உடனடியாக எதோ ஒரு பல்கலைக்கழகம் அந்த வாலிபருக்கு கௌரவ டாக்டர் பட்டம் வழங்க, முதல்வர் அத்தோடு நில்லாமல் அந்த வாலிபரை அதே மருத்துவமனைக்கு தலைமை டாக்டராக அறிவித்து, இனி நீ கலங்க வேண்டாம்.

தலைமை டாக்டராக உன் பணியை செவ்வனே செய்து கொரோனாவுக்கு தடுப்பு மருந்து கண்டுபிடிப்பது தான் நீ எனக்கு செய்யும் கைமாறு என்று பெருந்தன்மையுடன் கூறி விட்டாராம்.

கலைஞரின் அன்பு மகன் காட்டிய கருணையால் உருகி போய் விட்டிருந்த அந்த வாலிபரும்,

இந்த உதவியை தான் வாழ்நாள் முழுவதும் மறக்க மாட்டேன் என்றும் முதல்வர் தன் மீது வைத்துள்ள நம்பிக்கையை கண்டிப்பாக காப்பாற்றுவேன் என்றும் உறுதியளித்தாராம். பின்னர் முண்டகளப்புகளிடம் பேசிய அவர், தற்காலிக ஸ்வீப்பர் வேலைக்கு வந்த தனக்கு வேலை நீட்டாக செய்ய வரவில்லை என்று கூறி

தனக்கு வேலை இல்லை என்று கூறிய அந்த திமிர் பிடித்த அதிகாரியின் கொட்டத்தை அடக்கி தன்னை அதே மருத்துவமனைக்கு முதல்வராக ஆக்கி முதல்வர் சமூக நீதியை காப்பதில் தான் ஒரு கோப்பெருஞ்சோழன் என்று நிரூபித்து விட்டார் என்று கண்ணீர் மல்க கூறினாராம்.

அது ஏன் கோப்பெருஞ்சோழன் என்று கூறுகிறீர்கள் என்று கேட்டதற்கு, வழக்கமாக அனைவரும் மனுநீதிச் சோழன் பெயரை தான் குறிப்பிடுவார்கள். ஆனால் மனுநீதி சமூக நீதிக்கு எதிரான ஒன்று என்பதால் தான் கோப்பெருஞ்சோழன் என்று குறிப்பிட்டேன் என்று சொன்னாராம்.

ஸ்ஸாப்பா முடில

#HBDFatherOfCorruption