ਦਰਬਾਰ ਸਾਹਿਬ ਤੋਂ ਜੰਗ ਲੜਨੀ ਕੋਈ ਐਂਵਈ ਨਸੀਬ ਹੋ ਜਾਂਦੀ ?
ਸੰਤ ਭਿੰਡਰਾਂਵਾਲੇ ਨੂੰ ਬਾਬਾ ਦੀਪ ਸਿੰਘ ਤੇ ਨਿਹੰਗ ਬਾਬਾ ਗੁਰਬਖਸ਼ ਸਿੰਘ ਦੀ ਸ਼੍ਰੇਣੀ ਵਿੱਚ ਰੱਖਕੇ ਵੇਖਣ ਦੀ ਲੋੜ ਏ ਜਿਹਨਾਂ ਨੇ ਦਰਬਾਰ ਸਾਹਿਬ ਦੀ ਅਜ਼ਮਤ ਬਚਾਉਣ ਖਾਤਰ ਹਿੰਦ ਹਕੂਮਤ ਨਾਲ ਮੱਥਾ ਲਾਇਆ ਤੇ ਅੱਗੇ ਹੋਕੇ ਸ਼ਹੀਦੀਆਂ ਪ੍ਰਾਪਤ ਕੀਤੀਆਂ ।
ਸੰਤ ਭਿੰਡਰਾਂਵਾਲੇ ਨੂੰ ਬਾਬਾ ਦੀਪ ਸਿੰਘ ਤੇ ਨਿਹੰਗ ਬਾਬਾ ਗੁਰਬਖਸ਼ ਸਿੰਘ ਦੀ ਸ਼੍ਰੇਣੀ ਵਿੱਚ ਰੱਖਕੇ ਵੇਖਣ ਦੀ ਲੋੜ ਏ ਜਿਹਨਾਂ ਨੇ ਦਰਬਾਰ ਸਾਹਿਬ ਦੀ ਅਜ਼ਮਤ ਬਚਾਉਣ ਖਾਤਰ ਹਿੰਦ ਹਕੂਮਤ ਨਾਲ ਮੱਥਾ ਲਾਇਆ ਤੇ ਅੱਗੇ ਹੋਕੇ ਸ਼ਹੀਦੀਆਂ ਪ੍ਰਾਪਤ ਕੀਤੀਆਂ ।
੧੯੪੭ ਤੋਂ ਬਾਅਦ ਇਹ ਸਿੱਖਾਂ ਅਤੇ ਹਿੰਦ ਹਕੂਮਤ ਦੀ ਪਹਿਲੀ ਜੰਗ ਸੀ, ਓਹਨਾ ਵੇਲਿਆਂ ਚ ਜਦੋਂ ਹਰ ਦੂਜੀ ਕੌਮ ਸੋਚਦੀ ਸੀ ਕਿ ਅਸੀਂ ਅਜ਼ਾਦ ਹੋ ਚੁੱਕੇ ਆਂ, ਓਸਲਾਂ ਰੋਡੇ ਪਿੰਡੋਂ ਉਠਿਆ ਸਾਧ ਆਖ ਗਿਆ "ਨਹੀਂ, ਸਿੱਖ ਇਸ ਮੁਲਕ ਅੰਦਰ ਗੁਲਾਮ ਨੇ", ਸਿੱਖਾਂ ਨੂੰ ਸੰਤ ਸਿਪਾਹੀ ਮਿਲ ਚੁੱਕਾ ਸੀ ।
ਓਹ ਸੱਚੀਓਂ ਕੋਈ ਅਠਾਰਵੀਂ ਸਦੀ ਦੀ ਰੂਹ ਸੀ, ਜਿਹੜੀ ਸ਼ਹੀਦੀ ਪਾਉਣਾ ਲੋਚ ਰਹੀ ਸੀ ਪਰ ਅਕਾਲ ਪੁਰਖ ਦੀ ਰਜ਼ਾ ਬਿਨਾਂ ਪੱਤਾ ਵੀ ਨਹੀਂ ਹਿੱਲਦਾ, ਫੇਰ ਸ਼ਹੀਦੀ ਵਰਗੀ ਦਾਤ ਇੰਨੀ ਸੌਖੀ ਕਿਵੇਂ ਮਿਲ ਜਾਂਦੀ ।
ਜਿਵੇਂ ਕਸੀਦਾਕਾਰੀ ਕਰਨ ਲਗਿਆਂ ਕਪੜੇ ਚੋਂ ਸੂਈ ਨੂੰ ਅਣਗਿਣਤ ਬਾਰ ਆਰ ਪਾਰ ਲੰਘਾਉਣਾ ਪੈਂਦਾ, ਸ਼ਾਇਦ ਓਸੇ ਤਰਾਂ ਅਕਾਲ ਪੁਰਖ ਵਲੋਂ ਸੰਤਾਂ ਦੀ ਰੂਹ 'ਤੇ ਪਹਿਲਾਂ ਸਮੁੱਚੇ "ਸਿੱਖ ਇਤਿਹਾਸ" ਦੀ ਕਢਾਈ ਕੀਤੀ ਗਈ, ਇਸੇ ਲਈ ਤਾਂ ਸੰਤਾ ਨਾਲ ਵਿਚਰਨ ਵਾਲੇ ਲੋਕ ਕਹਿੰਦੇ ਨੇ : ਭਿੰਡਰਾਂਵਾਲਾ ਪੂਰੀ ਸਿੱਖ ਕੌਮ ਦਾ ਦਰਦ ਸਾਂਭੀ ਬੈਠਾ ਸੀ ।
ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲੇ ਪੈਦਾ ਹੀ "ਸ਼ਹੀਦੀ ਬਸਤਰ" ਪਾ ਕੇ ਹੋਏ, ਜਿਹੜਾ ਵੀ ਓਸ "ਬਸਤਰ ਦਾ ਟੋਟਾ" ਲੈਂਦਾ ਗਿਆ ਓਹ ਨਿਰਭਉ ਦੀ ਅਵਸਥਾ 'ਚ ਪਹੁੰਚਦਾ ਗਿਆ ਤੇ ਸ਼ਹੀਦੀ ਪਾਉਂਦਾ ਗਿਆ ।
ਸੱਚਖੰਡ ਸ੍ਰੀ ਦਰਬਾਰ ਸਹਿਬ ਤੋਂ ਇਕ ਅਰਦਾਸ ਬਾਬਾ ਦੀਪ ਸਿੰਘ ਨੇ ਕਰੀ, ਇਕ ਅਰਦਾਸ ਨਿਹੰਗ ਬਾਬਾ ਗੁਰਬਖਸ਼ ਸਿੰਘ ਨੇ ਕਰੀ, ਇਕ ਅਰਦਾਸ ਸੰਤ ਭਿੰਡਰਾਂਵਾਲਿਆਂ ਨੇ ਕਰੀ : ਹਰਿਮੰਦਰ ਕੇ ਹਜੂਰ ਇਮ ਖੜ ਕਰ ਕਰੀ ਅਰਦਾਸ ।। ਸਤਿਗੁਰ ਸਿੱਖੀ ਸੰਗ ਨਿਭੈ ਸੀਸ ਕੇਸਨ ਕੇ ਸਾਥ॥
ਇਸ ਅਰਦਾਸ ਨੂੰ ਬੂਰ ਪਿਆ ਤੇ ਸੰਤ ਭਿੰਡਰਾਂਵਾਲੇ ਓਹਨਾਂ ਯੋਧਿਆਂ ਵਾਂਗਰ ਹੀ ਲੜੇ ਤੇ ਸ਼ਹੀਦ ਹੋਏ, ਜਿਹਨਾਂ ਨੂੰ ਪਹਿਲਾਂ ਦਰਬਾਰ ਸਾਹਿਬ ਤੋਂ ਜੰਗ ਲੜਨੀ ਨਸੀਬ ਹੋਈ । #ਜੰਗਹਿੰਦਪੰਜਾਬ #neverforget1984
ਇੰਦਰਵੀਰ ਸਿੰਘ
ਇੰਦਰਵੀਰ ਸਿੰਘ
@threadreaderapp unroll
• • •
Missing some Tweet in this thread? You can try to
force a refresh
