Thread by @ThanjaiMadhavan

#நெய்த்தோர்ப்பட்டி...!

நாட்டைக் காக்கவோ, ஊரைக் காக்கவோ உயிர் நீத்த வீரருக்கு, ஊரார் #நடுகல் எடுத்து, அவருடைய குடும்பத்தாருக்கு கொடையாக நிலம் வழங்கினர்.

இந்நிலக்கொடையை #நெய்த்தோர்பட்டி என்றழைத்தனர்.

வீரரின் நினைவாக ஊர் மக்களோ, உறவினர்களோ, அரசனோ, தலைவனோ நடுகல்லை எடுத்தனர்.

#நெய்த்தோர் எனுஞ்சொல் #இரத்தம் என்ற பொருளில் இலக்கியங்களிலும், இலக்கண நூலிலும் பின்வருமாறு பயன்படுத்தப்பட்டுள்ளது.

புறப்பொருள் வெண்பாமாலையும் #நெய்த்தோர் என்ற சொல்லை #இரத்தம் என்ற பொருளில் மேற்கூறியவாறு கையாண்டுள்ளன.

பெருங்கதையில் வீரனுக்கு தானமாக வழங்கியக் கொடையை
‘நெய்த்தோர்ப் பட்டிகை' எனப் பின்வருமாறு குறிப்பிடுகிறது.

#வேலூர் மாவட்டம் #திருப்பத்தூர் வட்டம் #கொரட்டி என்னும் ஊரில் உள்ள மாரியம்மன் கோயிலுக்கருகில் அமைந்துள்ள பொ.பி 9-ஆம் நூற்றாண்டு நடுகல்லில்,

#வலியடக்கியார் என்ற அரசனின் 7-வது ஆட்சியாண்டில், #ஆறுகுழுகூர் என்ற ஊரின் மேல், 'காடுவெட்டிப் படை' தொடுத்தப் போரில்...

'கோயிற்றமன் வாணிக வாணிளவரையர்' என்பவர் போரிட்டு இரண்டு குதிரைகளையும், குதிரை வீரரையும் கொன்று தானும் இறந்தான்.

அதற்காக 'நெய்த்தோர்ப்பட்டி'யாக #நிலக்கொடை வழங்கப்பட்டுள்ளது.

#திருவண்ணாமலை மாவட்டம், #போளுர் வட்டம், #வெண்மணி ஊரிலுள்ள பொ.பி 9-ஆம் நூற்றாண்டைச் சேர்ந்த நடுகல்லில்,

'வல்லுவிக்க கங்கரையர்' என்ற கங்க அரசன் காலத்தில், வெண்மணியில் நடந்த போரில் #ஆசாநின்றவன் வீரமரணம் அடைந்தார்.

அவருக்காக ‘நெய்த்தோர்ப்பட்டி’யாக நிலம் அளிக்கப்பட்டுள்ளது.

#வேலூர் மாவட்டம், #காட்பாடி வட்டம் #பாலேகுப்பம் ஊரிலுள்ள நடுகல்லில்,

நந்திவர்மப் பல்லவனின் 20-ஆம் ஆட்சியாண்டில்,

பொ.பி 816 - இல் #அரிகண்டியார் மகன் #பெண்ணன் என்பவன் ‘பைமூர் எற்றிலை' பற்ற நடந்தப் போரில் வீரமரணம் அடைந்தான்.

அவனுக்காக உயிர்நீத்த இடத்தில் வீரக்கல்லை நட்டு, அவனுடைய மருமகன்மாருக்கு #நெய்த்தோர்ப்பட்டி நிலதானம் வழங்கப்பட்டுள்ளது.

#நெய்த்தோர்ப்பட்டி என்பது #தொறுப்பட்டி (அ) #உதிரப்பட்டி என சில நடுகற்களில் கையாளப்பட்டுள்ளன.

இதற்கு #இரத்தம் சிந்தியதற்காக வழங்கப்படும் நிலம் எனக் கொள்ளலாம்.

#தொறுப்பட்டி:

#நெல்லூர் மாவட்டம், #மல்லம் என்னும் ஊரில் கிடைத்த நடுகல்லில், கம்பவர்மப் பல்லவனின் 20-வது ஆட்சியாண்டில்,

‘ஒக்கொன்ட நாகன் ஒக்கதித்தன்’ என்பவன், ஊரின் நன்மைக்காகத் தன் தலையை அரிந்து, துர்கைக்குப் படையல் செய்கிறான்.

அதற்காகத் #திருவான்மூரார்
‘தொறுப்பட்டி’ நிலமாக அவன் குடும்பத்தாருக்கு வழங்கினார்.

#உதிரப்பட்டி:

#விழுப்புரம் மாவட்டம், #திருக்கோயிலூர் வட்டம், அரகண்ட நல்லூரில் உள்ள கல்வெட்டில்,

பொ.பி 14-ஆம் நூற்றாண்டில் #சுந்தரபாண்டியன் காலத்தில்...

கோவில் மண்டபம் கட்டுவதற்காக #பொன்னாண்டி என்ற #தேவரடியாள் மகன், #இளவெண்மதி என்பவன் தன் தலையை அரிந்து, தன்னைத் தானே பலியிட்டுக் கொண்டான்.

அதற்காக அவன் சந்ததியர்க்கு 1000 குழி நிலம் #உதிரப்பட்டி-யாக வழங்கப்பட்டுள்ளது.

இங்கு #உதிரம் என்பது இரத்தத்தைக் குறிப்பதாகும்.

#உதிரப்பட்டி என்பது #இரத்தம் சிந்தியதற்காக வழங்கப்பட்ட நிலமாகும்.

#விழுப்புரம் மாவட்டம், #திருக்கோவிலூர் வட்டம், #காடையார் என்னும் ஊரில் வெட்டப்பட்ட பொ.பி 18-ஆம் நூற்றாண்டைச் சேர்ந்த கல்வெட்டு...

'நாடியா கவுண்டர்' மகன் #கலிதீர்த்தன் என்பவன் போர்க் களத்தில் வீரமரணம் அடைந்தான்.

அவன் தியாகத்தைப் பாராட்டி, #ஏரமநாயகர் என்பவர் உத்திரப்பட்டியாக நிலம் வழங்கியதைக் குறிப்பிடுகின்றது.

சங்க காலத்தில் வீரமரணம் அடைந்த வீரர்களுக்கு நடுகல் எடுத்து, பெயரும் பீடும் பொறித்து வழிபட்டனர்.

பொ.பி 9ஆம் நுற்றாண்டு வரை போரில் இறந்த வீரனுக்கு #நடுகல் எடுத்து,

நெய்த்தோர் பட்டியோ (அ) உதிரப் பட்டியோ, வழங்கியமைக்கான சான்றுகளை #நடுகற்கள் சுட்டுகின்றன.

- நன்றி.