በአፋር ክልል ድርቅ፣ ጦርነት እና ስደት ያስከተለው የምግብ እጥረት የህፃናትን ህይወት መንጠቅ ጀምሯል። MSF ባለፉት 8 ሳምንታት ብቻ 35 ህፃናት ህይወታቸው እንዳለፈ ዛሬ ይፋ አርጓል፣ እኔም ከዱብቲ ሆስፒታል ዛሬ ያገኘሁት መረጃ ይህንኑ ያሳያል። 
"በማህበረሰቡ ላይ ስራ ካልተሰራ ህፃናት መሞት መቀጠላቸው አይቀርም። ሆስፒታሉ ሞልቶ ድንኳን ጥለን ነበር፣ አሁን እሱ ሞልቶ ኮሪደር ላይ ህክምና ለመስጠት እየሞከርን ነው። እጅግ ልብ ሰባሪ ሁኔታ ነው" ያሉኝ በሆስፒታሉ የሚገኙ አንድ ሀኪም ናቸው።
ማክሰኞ እለት በአንድ የሚኒስቴር መስሪያ ቤት የቀረበ ሪፖርት ላይ በድርቅ ምክንያት "አንድም ሰው አልሞተም፣ ይህም ትልቅ ስኬት ነው ተብሎ ነበር።" እባካችሁ ዱብቲ ሆስፒታልን ጎብኙት፣ ሌሎች ተቋማትንም ጎራ እያላችሁ እዩ፣ ህዝቡ ተጎድቷል።
አለም ፊቱን ወደ ዩክሬን-ሩስያ ጦርነት አዙሮ ሌላውን አለም ችላ ብሏል። ለዩክሬን ድጋፍ ለማድረግ የሚሯሯጠው አለም በምግብ እጦት የሚረግፈውን ሌላውን ህዝብ እየዘነጋ ይመስላል።
ስለዚህ ሁኔታውን ከመካድ ሁሉም ካለችው አሰባስቦ ድጋፍ እንዲያረግ ማበረታታት እና ማደራጀት ያስፈልጋል። አለም እንደሆነ መቀነቱን የሚፈታው ድምፁ ከፍ ብሎ ለሚሰማለት እና ብዙ ለሚጮህለት ብቻ ሆኗል።
• • •
Missing some Tweet in this thread? You can try to
force a refresh
