Thread by @ThanjaiMadhavan

சங்ககால மக்கள் வாழ்வியலில் மது வகைகள் - 5). #நறவு, #நறா, #நனை

சங்க இலக்கியத்தில் #நறவு எனும் சொல் 47 இடங்களில் வந்துள்ளது.

பெரிய மலைகளில் விளைந்த மூங்கில் குப்பிகளில் நிரப்பி முற்ற வைத்த நறவினைக் குறிஞ்சி மக்கள் உண்டதை,

‘வாங்கமை பழுனிய நறவு உண்டு' என்கிறது #நற்றிணை (276:9).

தேறலையும், புளித்த கள்ளையும் உண்டதால் மக்கள் மயங்கி இன்புற்றிருந்தனர் என்பதை,

‘தேறுகள் நறவு உண்டார் மயக்கம் போல்' என்கிறது #கலித்தொகை (147: 2).

#ஆநிரை கவர்ந்து வரும் களைப்புற்ற தலைவனின் களைப்பினைப் போக்க;

'நறவைப் பிழியுங்கள்,
கடா வெட்டுங்கள், பந்தர்க்கீழ் இளமணல் பரப்புங்கள்'

- என்று முழக்கமிடும் சூழலை #புறநானூறு பின்வருமாறு பதிவிடுகிறது.

மலை வளத்தோடு இணைத்து #நறவு பேசப்படுகிறது.

மதுவைப் பிழிவோர் எறிந்த கோதுகளிலிருந்து மது சிதறும்.

அவ்வாறு சிதறும் மதுவால், நாற்புறமும் சேறாகும் வளமுடைய மலைப்பிரதேசம் எனக் கூற முற்படும்போது, #புறநானூறு பின்வருமாறு பதிவிடுகிறது.

#கரும்பன் எனும் தலைவனின் ஊரில் வாழும் எமக்கு நெல்லும், பொன்னும், உடல் கதகதக்க வேண்டுமளவு நறவும் கிடைக்கும் என்கிறது #புறநானூறு.

#நறா, #நனை எனும் சொற்களும் மதுவைக் குறித்தன.

'பேர் மகிழ் செய்யும் பெருநறா' - பரி. 7: 63,

'முற்றா நறுநறா மொய் புனல் அட்டி' - பரி. 20: 52,

'வள நனையின் மட்டு என்கோ' - புறம். 396: 16,

‘நனை முதிர் சாடி' - அகம். 166: 1,

எனக் கள்ளைக் குறித்து வந்துள்ளது இச்சொற்கள்.

- நன்று.