Thread by @Raamraaj3

#யோகா எனும் காமதேனு

கையில் இருப்பதின் அருமையை உணர்ந்தவருக்குத்தான் இழப்பின் வலி புரியும். இது ஏதோ தத்துவ கட்டுரை என்று நினைத்து விடாதீர்கள், வழக்கம் போல இந்தியா ஏமாந்ததை வருத்தத்தோடு சொல்லும் கட்டுரை.

அந்த  ஏமாற்றத்திலிருந்து மகத்தான தலைவர் ஒருவர் அதனை மீட்ட கதையையும் சொல்லும். முதலில் சற்றே முன்கதைச் சுருக்கம்.

யோகக் கலை என்பது மானிட இனத்திற்கு இந்தியாவின் மூலம், இந்த மண்ணில் உலவிய ரிஷிகளின் மூலம், கடவுள் அளித்த அருட்கொடை.

வெறும் ரத்தம், எலும்பு, சதைப்பிண்டம் என மேற்கத்திய நாகரீகங்களால் அறியப்பட்ட மானுடனின் உள் தன்மைகளை ஆராய்ந்து மனித பிறப்பின் மகத்துவத்தை, ரகசியத்தை, அருமையை உலகிற்கு புரிய வைக்க இறைவனால் அருளப்பட்ட வித்தை.

இன்று யோகா என்ற பெயரில் வெகுவாக அறியப்படும் உடல் சார்ந்த பயிற்சிகள் யோகக் கலையின்  யோகாசனம் என்ற நிலை. ஒட்டுமொத்தமாக எட்டு நிலைகள் உள்ளன.  யோகக் கலையின் நோக்கமே மனித ஆன்மா இந்த பிறவியிலேயே பரமாத்மாவுடன் இணைவதற்கான வழியை சாதகருக்கு அளிப்பது மட்டுமே.

இப்போது விஷயத்திற்கு வருவோம். இந்த யோகா என்ற யோகாசன கலையின் தற்போதைய சந்தை மதிப்பு (2019ம் வருட அடிப்படையில்) சுமார் 37.5 பில்லியன் டாலர்கள். அதாவது சுமார் 2,80,000 கோடிகள்!! வாயைப் பிளக்கத் தோன்றுகிறது அல்லவா? சற்றே பொறுக்கவும்.

2027ம் வருடம் இந்த சந்தையின் மதிப்பு 66 பில்லியன் டாலர்களாக உயரும் என்று ஒரு சர்வதேச  ஆய்வு தெரிவிக்கிறது. அதாவது சுமார் 5 லட்சம் கோடிகள்! வியாபாரத்தின் வார்த்தைகளில் சொல்வதாக இருந்தால் இந்த சந்தையின் வருடாந்திர கூட்டு வளர்ச்சி (CAGR) 9.5 சதவிகிதம் என்பதாக இருக்கும்.

அதாவது கூட்டு வட்டி கணக்கில் 9.5 சதவீதம். மிகவும் அருமையான வளர்ச்சி விகிதம். கண்ணை மூடிக்கொண்டு நம்பலாம்.

இப்போது தான் விஷயமே தொடங்குகிறது. இவ்வளவு பெரிய சந்தை, வருடத்திற்கு 2.80 லட்சம் கோடிகளை சம்பாதிக்க வாய்ப்புள்ள சந்தை, வருடந்தோறும் கூட்டு விகித வளர்ச்சியில் 9.5 சதவீதம் வளரும் சந்தை,  இவ்வளவு பெரிய உலகளாவிய வாய்ப்பில் இந்தியாவின் பங்கு?

யோகக்கலையின் பிறப்பே இந்தியா தானே?  பதஞ்சலி, ஈஷா, ஶ்ரீஶ்ரீ ரவிசங்கரின் வாழும் கலை, BKS ஐயங்கார், சிவானந்தா யோகா என சில சர்வதேச பிராண்டுகளை நாம் வெற்றிகரமாக உருவாக்கியிருக்கிறோம். அயல்நாடுகளில் இருந்து பலர் வந்து இந்த வகை இடங்களில் தங்கி யோகம் பயின்று விட்டு செல்கின்றனர்.

கணிசமான அயல்நாட்டு செலாவணி வருமானம் நமக்கு கிடைக்கிறது. இவ்வளவு இருந்தாலும் இந்த சர்வதேச சந்தையின் பெரும்பகுதி வருமானம் போவது என்னவோ அமெரிக்கா மற்றும் இங்கிலாந்து நாடுகளுக்கே.

Power Yoga, Brain Yoga என விதவிதமான பெயர்களில் வருமானம் கொழிக்கும் தொழிலாக யோகா அங்கே மாறியிருப்பது நிதர்சனம்.

இந்த தகவல்களின் பின்னணியில் பாரதப் திரு. நரேந்திர மோதி அவர்களின் பகீரத முன்னெடுப்பில் வருடந்தோறும் ஜூன் 21ம் தேதியை சர்வதேச யோகா தினமாக அறிவிக்கப்பட்டுள்ளதை  பார்க்க வேண்டும்.

இது ஒரு வகையில் யோகக்கலையில் ஆர்வமும் திறமையும் உள்ள இந்தியர் ஒவ்வொருவரும் தங்களது திறமைகளை வெளிக்கொணரவும் அதற்கான சர்வதேச அங்கீகாரங்கள் மற்றும் வர்த்தக வாய்ப்புகள் அவர்களுக்கு கிடைக்கவும் வழிவகை செய்து கொடுத்துள்ளார் பிரதமர் நரேந்திர மோதி.

பல பல்கலைக்கழகங்கள் யோகாவை முறைப்படுத்தி அதில் முதுநிலை பட்டப்படிப்புகளை அளிக்கின்றன. அவற்றில் பயிற்சி பெற்ற திறமையான மாணவர்களுக்கு தனியார் பள்ளிகள், உடற்பயிற்சி கூடங்கள், பெரும் நிறுவனங்கள்,

வசதி படைத்த செல்வந்தர்கள் போன்ற இடங்களில் நிறைந்த சம்பளத்துடன் கூடிய நல்ல வேலைகள் உருவாகியுள்ளன.

நரேந்திர மோதிக்கு முன்பு யோகக்கலையே இல்லாதது போல கட்டுரை சொல்வதாக யாராவது தவறான பொருள் கொள்ளலாம்.

அவர்களுக்கு ஒரே பதில் தான் – குடத்தில் இட்ட விளக்காக இருந்த யோகக்கலையை குன்றில் இட்ட விளக்காக மாற்றி உலகம் முழுவதும் அதன் புகழ் பரவி

அதன் பிறப்பிடமான இந்தியாவிற்கும் இந்தியருக்கும் பெருமை, புகழை மட்டும் சேர்க்காமல் அதன் மூலம் வருமானம் வரும் வாய்ப்பையும் ஏற்படுத்திக் கொடுத்தது நரேந்திர மோதி தான்.

ஜூன் 21ல் சர்வதேச யோகா தினம் கொண்டாடப்படும் என்று பிரதமர் மோதி 2015ல் அறிவித்தபோது  இந்தியாவிற்குள் இருக்கும் இந்திய எதிர்ப்பாளர்கள் இந்த முடிவை கண்மூடித்தனமாக கடுமையாக எதிர்த்தார்கள் என்பதை இங்கே நினைவூட்டிக் கொள்ளலாம்!

#உலக_யோகா_தினம் 🙏🇮🇳