Thread by @Al33mK

نزول مسیح اور غامدی صاحب کا نکتہ نظر
حال ہی میں غامدی صاحب کے لیکچر سیریز میں ٧ نششتوں پر مشتمل نزول مسیح پر ایک ویڈیو سیریز یوٹیوب پر ملی جس کو دیکھنے کا موقعہ ملا اور جس میں انھوں نے نزول مسیح کے حوالے سے اپنی رائے دی. اس رائے کو اختصار سے بیان کیا جا رہا ہے
#QuranicReflections

نزول مسیح کے نظریہ کے حوالے سے انھوں نے متعدد دلیلیں دی ہیں. اگرچہ انھوں نے روایات سے آغاز کیا ہے لیکن میں ان کی قرآن سےدیے گئے نکتوں کو پہلے رکھوں گا. حضرت عیسیٰ (ع) کا ذکر متعدد سورتوں میں موجود ہے اور سوره مائدہ میں الله اور حضرت عیسیٰ (ع) کا قیامت کے دن کا مکالمہ بھی درج ہے

یہ آیات ١١٦ سے١١٩ تک میں آیا. جس میں الله قیامت کےدن حضرت عیسیٰ(ع)سےپوچھیں گےکہ کیاتم نےلوگوں کوکہاتھاکہ مجھےاورمیری والدہ کومعبود بنالو؟ جس پرحضرت عیسیٰ(ع) انکار کریں گے اور کہیں گے کہ مجھے کچھ حق نہیں کہ ایسا کہتا اور جو میرے دل میں بات ہے تو جانتا ہے اور بیشک تو علام الغیوب ہے

اس میں پہلی بات تویہ ہےکہ اگرحضرت عیسیٰ (ع) نےواپس آ کرتثلیث کوختم کرنا ہےتو پھر یہ سوال بنتا نہیں کیونکہ ان کا آخری عمل تو تثلیث کےماننےوالوں کو یاتو راہ حق پر لانا ہوگا یا ان کا خاتمہ کرنا ہوگا. مزید یہ کہ اگر وہ واپس آئیں گےتو ان کو معلوم ہو ہی جائے گا کہ تثلیث کیسے شروع ہوئی.

توایسے موقعہ پرکیا ایسا سوال کیا جا سکتا ہے قیامت کے دن؟ مزید یہ کہ اگلی آیت ١١٧میں وہ کہہ رہے ہیں کہ میں نے اپنی قوم کو اسی کی تعلیمات دیں جس کا تو نےحکم دیا اور جب تک میں ان کے درمیان رہا تو ان کی خبر رکھتا رہا. یعنی جب میں دنیا سے رخصت ہو گیا تو پھر مجھے نہیں معلوم کیا کیا ہوا

آیت کا آخری حصہ میں حضرت عیسیٰ (ع) کہتےہیں کہ جب تو نےمجھے وفات دے دی تو ان پر نگران تھا. یعنی میرے بعد میں نہیں جانتا رہا کہ یہ کیا کرتے رہے ہیں.لیکن اگر وہ واپس آ کر تثلیث کا خاتمہ کریں گے تو پھر تو ان کو یہ بھی کہنا چاہیے کہ جب تو نے واپس بھیجا تو میں نے ان کی دوبارہ اصلاح کی

اور ان کی گمراہی اوران کےغلط عقائد کودور کیا
اوراگر نزول مسیح ہےتوپھر توحضرت عیسیٰ کویہ بھی کہنا چاہیےکہ میں ان کی گمراہی کو جانتا ہوں کیونکہ وہ جب دوبارہ آئیں گے تو اس گمراہی کو دیکھیں گے جبکہ آیت میں وہ صاف صاف اپنی لاعلمی کا اظہار کر رہے ہیں کہ ان کو اس گمراہی علم ہی نہیں ہے.

اور اس موضوع کی تیسری آیت کہ اگر تو ان کو عذاب دے تو یہ تیرے بندے ہیں بالکل بھی نہیں کہی جانی چاہیے کیونکہ ان غلط عقائد والوں کو پہلا عذاب تو حضرت عیسیٰ دیں گے کہ ان کا خاتمہ کر دیں گے. جبکہ یہاں پر تو لگتا ہے کہ اس سارے معاملہ کو الله قیامت کے دن ہی تصفیہ کریں گے.

کیونکہ آیت ١١٩ میں الله فرما رہے ہیں کہ آج قیامت کے دن راست بازوں کو ان کی سچائی فائدہ دے گی. غامدی صاحب کا کہنا ہے کہ آیات واضح ہیں کہ حضرت عیسیٰ (ع) کا دوبارہ نزول نہیں ہے

ویسے آیت ١١٩ ایک اور نظریہ پر بھی وار کرتی ہے جو کہتا ہے کہ حضرت عیسیٰ (ع) پوری دنیا پر اسلام کا غلبہ کر دیں گے جو کہ ٤٠ سال تک رہے گا. جب کہ یہ آیت کہہ رہی ہے کہ قیامت کے دن سچوں کو ان کی سچائی فائدہ دے گی.

یہاں پرایک دو مزید پہلو بھی ہیں جن پرسوچناچاہیے،پہلاتو یہ کہ یہ سوال حضرت عیسیٰ(ع) سےکیوں ہوگا؟ الله کوتومعلوم ہےکہ کس نےیہ نظریہ گھڑا اورکون اس کامجرم ہے؟توپھر سوال اسی سےہونا بنتا ہے.تو جہاں تک مجھےلگتاہےکہ جو بھی جھوٹا نظریہ یا جھوٹی روایت گھڑی جاتی ہےوہ نبی سےمنسوب کی جاتی ہے

تو جب تثلیث کا نظریہ گھڑا گیا تو وہ حضرت عیسیٰ (ع) سے منسوب کیا گیا کسی نے بولا کہ حضرت عیسیٰ (ع) نے کہا تھا کہ میں خدا کا بیٹا ہوں. کسی ٹام ، ہیری نے یہ نہیں کہا تھا کہ میں ٹام کہتا ہوں کہ حضرت عیسیٰ (ع) خدا کے بیٹے ہیں. تو اس وجہ سے سوال حضرت عیسیٰ (ع) سے کیا گیا.

دوسری بات جومجھےزیادہ خطرناک لگتی ہےوہ یہ کہ جب الله کسی بھی نبی سےقیامت کےدن یہ پوچھ لیں گےکہ یہ جھوٹ کیاتم نےپھیلایا تووہ نبی کتنی مشکل اورناگوار صورتحال سے دوچار ہو جائیں گے اور جیسے اس مکالمے سے ظاہر ہوتا ہے کہ حضرت عیسیٰ (ع) کہتے ہیں کہ یہ تیرے بندے ہیں تو جو فیصلہ چاہے کرے

یعنی اگرتوچاہے تو عذاب دےدے اور اگرتو چاہےتو بخش دے. توکیا پھر ایسےلوگوں کےلئےنبی شفاعت کرسکیں گے؟ تو میرے خیال سے یہ نکتہ بہت اہم ہے کہ کہیں ہم نبی کریم(ص) کے ساتھ کوئی ایسی بات تو نہیں منسوب کر کے پھیلا رہے جو انھوں نے کی ہی نہ ہو؟ اور کیا اس کے بعد نبی ہماری شفاعت کر سکیں گے؟

اس میں ایک نکتہ یہ بھی ہےکہ حضرت عیسیٰ(ع)نےآیت١١٨ میں یہ نہیں کہاکہ یاالله یہ میرے امتی ہیں توچاہےتوبخش دےبلکہ یہ کہاکہ یہ تیرےبندےہیں.توکہیں ایساتونہیں کہ الله اس میں ہم کوبھی یہ پیغام دےرہاہےکہ نبی سےغلط باتیں منسوب کرنےاورماننے والوں کونبی اپنےامتیوں میں بھی شامل نہیں کریں گے؟

دوسری آیت جو پیش کی وہ سوره عمران کی آیت٥٥ ہےجس میں الله تعالیٰ فرماتے ہیں کہ ...تیری(حضرت عیسیٰ) کی پیروی کرنےوالوں کوقیامت کےدن تک تیرے (حضرت عیسیٰ) کےمنکروں پر غالب رکھوں گا. اور پھر تم سب کومیرے پاس آنا ہے.اس آیت میں بھی الله تعالیٰ نےیہ کہاکہ تیرے ماننے والوں کو غلبہ دوں گا

اس میں یہ ذہن میں رہےکہ غلبہ اسی وقت ہوتا ہےکہ کوئی مغلوب ہورہا ہو. اگر کوئی مغلوب ہی نہیں ہےتو کوئی غلبہ نہیں جبکہ نزول مسیح کی روایات یہ کہتی ہیں کہ حضرت عیسیٰ صلیب کو توڑ دیں گے اور یہودیوں کا خاتمہ کر دیں گے اور پوری دنیا میں اسلام نافذ کر دیں گے اور سب الله کی بندگی کریں گے

جبکہ آیت تو یہ کہہ رہی ہے کہ یہودی بھی رہیں گے اور عیسائی بھی رہیں گے اور یہ کہ یہ دونوں اپس میں دست و گریبان بھی رہیں گے. آیت کا اختتام بھی نہایت توجہ طلب ہے کہ تم سب نے میرے پاس لوٹ کر آنا ہے اور اس دن میں ان باتوں کا فیصلہ کروں گا جن میں تم اختلاف کرتے رہے تھے

یعنی تثلیث یا حضرت عیسیٰ سچے مسیح تھے یہ باتیں قیامت کے دن ہی اپنے منطقی انجام کو پہنچیں گی اور ان پر فیصلہ اس دن ہی سنایا جائے گا لیکن اگر حضرت عیسیٰ (ع) نے واپس آ کر یہودیوں کا خاتمہ کر دینا ہے، تثلیث کو ختم کر دینا ہے تو پھر تو یہ فیصلہ تو دنیا میں ہی ہو جائے گا

اس صورت میں یہ آیت برحق نہیں کہی جا سکتی. کیونکہ آیت الی یوم القیامہ کہہ رہی ہے یعنی قیامت کے دن تک. یعنی جس دن قیامت آئے گی اس دن تک یہ مسئلہ حل طلب رہے گا اور یہود و نصاری دنیا میں موجود رہیں گے اور حضرت عیسیٰ (ع) کے متعلق غلط نظریات موجود رہیں گے.

غامدی صاحب نے روایت کے اوپر بھی جرح کی بلکہ ان کی سیریز کا آغاز روایات پر سے ہوتا ہے لیکن اس کو بعد میں کسی وقت سی تھریڈ میں شامل کروں گے. یہ ذہن میں رہے کہ قیامت کے دن ہر کسی نے اپنا حساب خود دینا ہے تو کسی بھی نظریہ کو ماننے کے لئے اپنا اطمینان ضرور قائم کریں

@threadreaderapp unroll